Мақолада гиперболик типдаги бузиладиган иккинчи тур тенглама учун  Коши-Гурса  масаласи баён қилинган ва ўрганилган.

Мақолада бир номаълумли модулли тенгламаларнинг сон ўқида ечиш усуллари ва методик имкониятлари кўриб чиқилган. Шунингдек, унда модулли тенгламаларни сон ўқида ечишга қаратилган формула ва кўрсатмалар тавсия этилади.
 

Мақолада автомобиль чиқинди газларининг катализи йўналишида олиб борилаётган илмий тадқиқот ишлари, ривожланиш тарихи, каталитик нейтрализаторларнинг ишлаш принципи, қўлланиладиган каталитик фаол моддалар таркиби ва ушбу соҳанинг атмосфера ҳавоси муҳофазасидаги аҳамияти бўйича маълумотлар келтирилган.

Мақолада о-ферроценилбензой кислотаси, о-ферроценилбензой кислотасининг метилолтиомочевина билан ҳосиласи, унинг сувда эрувчан калийли ва натрийли тузлари синтези ҳамда уларнинг биологик фаолликларини ўрганиш бўйича маълумотлар келтирилган.

Мақолада табиий хомашё ҳисобланган Leptinotarsa decemlinaeata (Say) (Колорадо қўнғизи),  таркибидан хитин моддасини ажратиб олиш, ажратиб олинган хитин асосида хитозан олиш, олинган бирикмаларнинг таркиби ва тузилишини таҳлил қилиш ёритилган.

Мақолада табиий цианогликозидлар синфига кирувчи амигдалин ва унинг кимёвий хоссалари тўғрисида маълумотлар келтирилган. Мақолада амигдалиннинг астма, бронхит, эмфизема, ўпка фибрози, ошқозон-ичак касалликлари, саратон, буйрак касалликлари каби турли хил касалликларни даволашдаги аҳамияти ҳақида ҳам сўз юритилган.

Мақолада бугунги кунда чорвачилик, паррандачилик, балиқчиликда озуқа сифатида кенг кўламда фойдаланиб келинаётган омихта ем таркиби ва унинг рационини бойитишга қаратилган изланишлар устидаги тадқиқот натижалари келтирилган. Бундан ташқари, мувозанатлаштирилган гранулаланган омихта ем ишлаб чиқариш жараёнининг принципиал технологик схемаси келтирилган.

Мақолада пахта тозалаш корхонасидаги пахтани ташиш учун мўлжалланган пневмотранспорт қурилмаси самарадорлиги  масалалари кўриб чиқилган. Пневмотранспорт қувурининг материал ўтказиш қобилияти унинг диаметри, қувур материали, оқим тезлиги, пахта бўлакчаларининг аэродинамик хоссалари, шунингдек, қувур оғзининг конструкциясига боғлиқ. Қувур оғзини конус шаклида тайёрлаш орқали унинг аэродинамик қаршилигини камайтириш, ўтказиш қобилиятини ошириш ва амалдагидан кичик диаметрдаги қувурлардан фойдаланиш тавсия қилинади

Ўзбекистонда ўсадиган Roemeria hybrida ўсимлигининг 32 та макро-микроэлементларнинг элементар таркиби ва миқдорий таркиби нейтронларни фаоллаштириш таҳлили усули билан аниқланди.

Мақолада аҳоли сонининг тобора ортиб бориши натижасида озиқ-овқат ва ноозиқ-овқат товарларга бўлган эҳтиёжларнинг тинмай ўсиши қишлоқ хўжалиги ва кластерлашган агросаноат корхоналарида маҳсулот ишлаб чиқариш ҳажмини оширишни тақозо этади. Бунда сув ресурслари алоҳида аҳамият касб этиши тўғрисида фикр юритилади.

Мақолада ўрта аср Шарқ гносеологик ва теологик қарашлар тизимининг шаклланиши ва ривожланиш босқичлари, ўзаро таъсирлашув натижалари, уйғун ва қарама-қарши жиҳатлари тадқиқ этилган.

Мақолада илк темир даврининг даврлаштирилиши масалаларини асослаш учун Яздепа ёдгорлигида В.М.Массон томонидан солинган стратиграфик қазишмаларнинг натижалари ҳозирги кунга келиб бутун Ўрта Осиёнинг ҳамма ҳудудларини эгаллаб ололмаётганлиги ҳамда Яз-II археологик комплекси фақат Амударёнинг жануб томонига тааллуқли бўлиши мумкинлиги қайд этилади.

Мақолада Ўрта Осиёнинг Россия империяси таркибидаги даври тарихий тадқиқотларда акс этиши тавсифланган ва таҳлил этилган.

Мақолада илк маротаба Ўзбекистонда мактаб тарих таълими тизимининг шаклланиш жараёни ёритилади. Муаллиф манбалар ва адабиётларга таянган ҳолда, инқилобдан олдинги даврда тарих фани фақат Туркистоннинг айрим шаҳарларида очилган оз сонли гимназиялардагина ўтилганлигини таъкидлаб, Ўзбекистон мактабларида тарих фанини ўқитиш асосан совет даврида йўлга қўйилганлигини қайд этади.
Айни вақтда тарих таълими тизимининг шаклланиши жараёнида кўзга ташланган муаммолар ва уларнинг бартараф этилиши хусусида маълумотлар берилади.

Мақолада Ўзбекистон импорт қилинадиган турли хил никотинли маҳсулотлар таркибинингхромато- масс-спектрал таҳлили натижалари келтирилган.

ХХ асрнинг 20-йилларида Туркистон, Бухоро, Хоразм республикаларидан кўплаб маҳаллий ёшлар хориж мамлакатларида таълим олиш учун юборилди. Ана шу ёшлар орасида оз сонли бўлса ҳам қизлар бор эди. Улар Германияда медицина, педагогика, таълим-тарбия каби соҳаларда ўқидилар. Ушбу мақола Дармштадт шаҳридаги ўқитувчилар семинариясида таълим олган Хайринисо Мажидхонованинг хориждаги таълимига бағишланган.  Унда Хайринисо Мажидхонованинг таълими жараёнидаги муаммолар, ютуқлар ва унинг тақдирига оид манбалар илмий таҳлил этилган. Мақолада бирламчи архив манбалари ва мавзуга доир илмий адабиётлардан фойдаланилган.
 

Мақолада ахборот хавфсизлиги тушунчаси, унинг давлат ва халқаро миқёсдаги аҳамияти, ушбу соҳага оид атамалар изоҳи берилган.
 

Мақолада ХХ асрда Ўзбекистондаги мукофотлаш тизими тарихи Фарғона вилояти мисолида ёритилган. Хусусан, Фарғона вилояти Давлат архиви ҳужжатлари асосида вилоятдаги ҳар бир касб эгаларининг босқичма-босқич тақдирланиш жараёни ўз аксини топган. Шунингдек, Иккинчи жаҳон урушидан кейинги йилларда водий аҳолисининг юбилей сифатида таъсис этилган мукофотлар, турли даражадаги орден ва медаллар билан тақдирланиши қиёсий таҳлил этилган.

Мустақиллик йиллари касаначиликни ривожлантириш Ўзбекистон халқининг миллий тарихий мероси, турмуш тарзи, анъаналари ва руҳияти хусусиятларига таяниб ривожлантиришга алоҳида эътибор қаратилди. Шаҳар ва қишлоқларда миллий ҳамда жаҳон тажрибаларини ўрганган ҳолда касаначиликни ривожлантириш, уни давом эттириш мақсадида соҳанинг қонуний асослари яратилди. Мақолада мустақиллик йиллари касаначиликка қаратилган эътибор тадқиқ қилинган.

Мақола ХIХ асрнинг иккинчи ярми - ХХ аср бошларида Россиянинг Қашқар (Шарқий Туркистон) билан Марказий Осиё орқали савдо сиёсатига бағишланган. Фарғона вилояти (Қўқон) Россия-Қашғар савдо муносабатларининг асосий узатиш нуқталаридан бирига айланди. Россия империяси ва Туркистон ўлкасининг мустамлакачи ҳукмдорлари хорижий ва маҳаллий тадбиркорларнинг сармоясидан фойдаланиб, маҳаллий бозорларда ҳам, Туркистоннинг ташқи чегараларига туташ ҳудудларда ҳам савдонинг ривожланишидан фойда кўришга интилдилар. Хом ашё экспорти ва тайёр маҳсулот импорти йўлга қўйилди.

Мақолада Совет ҳокимиятининг 1953-1956 йилларда Ўзбекистон ССРда тарғибот ишларида даврий матбуот, хусусан газеталардан фойдаланиши, унинг йўналишлари, ундан кўзланган сиёсий, иқтисодий, мафкуравий мақсадлари таҳлил қилинган.

Мақолада 1916 йилда Россия империясининг I Жаҳон урушидаги иштироки натижасида Туркистонда умумхалқ қўзғолони ва норозилик ҳаракатлари юз бериши ва уни бостириш жараёнидаги қийинчиликлар сабабли Туркистон генерал-губернаторлиги маъмуриятининг ҳарбий округ қўшинларига таянишга мажбур бўлганлиги таҳлил этилган.

Мақолада парламентнинг миллий хавфсизлик сиёсатини шакллантиришда тутган ўрни, уни хавфсизликка доир сиёсатни юритиш тартиби, парламентнинг бу йўналишдаги вазифа ва ваколатлари ҳақида сўз боради. Шу билан бирга, аниқ хорижий мамлакатлар мисолида миллий хавфсизлик сиёсатини юритиш амалиёти ва тажрибаси ҳақида баён этилган.

Мақолада кутубхона фаолиятида муаллифлик ҳуқуқини таъминлаш муаммолари, қонунчиликдаги бу йўналишдаги нормалар ва уларнинг амалиётдаги ифодаси, муаллифлик ҳуқуқи муҳофазасини таъминлаш бўйича тавсия ҳамда кўрсатмалар ҳақида сўз боради. Шунингдек, имконияти чекланган шахслар учун кутубхона  фаолиятидан фойдаланиш шароитлари, китоблардан эркин фойдаланишга доир халқаро ҳужжатларнинг мазмуни ҳақида баён этилган.

Мақолада Абдулла Ориповнинг “Куз хаёллари” шеъри таҳлили орқали шоирнинг сўз қўллаш маҳорати ёритилган. Тасвирий ифода ва воситалардан, шеърий санъатлардан фойдаланиб чуқур фалсафий фикрни сатрларга сингдиришдаги шоир маҳорати тадқиқ этилган.

Мақолада таниқли немис олими Карл Райхлнинг туркий ва туркий бўлмаган халқлар орасида кенг тарқалган “Гўрўғли” туркуми достони версиялари бўйича олиб борган илмий тадқиқотлари ҳақида фикр юритилади.

Мақолада Россия ва Бухоро ўртасида савдо-сотиқ муносабатлариХVІ асрнинг иккинчи ярмида Англия томонидан йўлга қўйилган бўлиб, бу вазифани амалга ошириш учун Москва савдо компанияси вакили Энтони Дженкинсон Бухоро хонлигига келиб, буваколатни бажариш жараёнида  Бухоро сиймосини яратди

Мақолада рангларнинг насрий асарлардаги ўзига хос рамзий ифодалаш масаласи тадқиқ этилади.
Рангнинг лейтмотив сифатида рамзий ифодаси асарнинг етакчи ғоявий-эстетик омилига айланиши А.Мирзаакбаровнинг “Оқ капалак ёҳуд Муҳаббатга йўғрилган бахт”  қиссаси мисолида ёритиб берилади.

Мақола рус ва ўзбек тиллари орнитологик лексикасининг семантик таркибини ўрганишга бағишланган. Унда турлича тизимдаги тилларда ёввойи қушлар номларининг коннотатив маънолари барқарор иборалар таркибида ёритилган, уларнинг бадиий адабиёт матнларида ифодаланиш мисоллари келтирилган, шунингдек, мазкур тиллардаги орнитоним сўзлари билан боғлиқ бўлган муқобил иборалар, мақол ва маталлар аниқланган.
 

Бугунги кунда умумтаълим мактаблари ўқувчилари ўртасида адабиётни ўрганишга бўлган қизиқиш сезиларли даражада пасайган. Бу, бир қатор омилларга боғлиқ бўлиб, ўқувчилар ва ўқитувчиларнинг дангасаликка йўл қўйишларидан ташқари, завқли ўқиш машғулотларини турли чат (суҳбат)ларга алмаштиришлари ҳам сабаб бўла олади. Мақолада адабиётнинг мактаб фани сифатида ўқитилишининг аҳамияти ўрганилади ҳамда уни ўқитиш бўйича замонавий усуллардан фойдаланиш тавсия этилади, бизнинг фикримизча, бу, мактабда адабиётни ўқитиш ва ўрганишга бўлган қизиқишни орттиради.

Мақолада “гўзаллик” тушунчаси, унинг шарқона талқини, гўзаллик компонентларини вербаллаштиришда когнитив структуранинг роли  ҳақида сўз боради. Гўзалликнинг аёл тимсоли орқали ифодаланишида шарқ гўзаллик эталонлари ҳамда муаллифнинг индувидуал баҳо мезонлари Лутфий, Атоий, Саккокий шеърлари мисолида таҳлил қилинади.
 

Тил алоқа воситаси сифатида маданият билан кўп ва мураккаб жиҳатдан боғлик саналади.
Лингвистик алоқалар халқнинг бевосита алоқаси пайтида ҳам, улар бўлмаганда ҳам содир бўлаи, шу билан бирга маданиятларнинг воситачилик алоқаларининг муҳим кисмини ифодалайди. Мақолада рус-инглиз тилидаги алокалар ривожланишининг бошланиши муҳокама қилинади ва бир-бирига таъсир қилувчи тиллар ўртасидаги тил алоқалари таҳлил қилинади.

Замонавий тилшуносликда «таржима» ёки «таржима фаолияти» деб номланувчи тиллараро нутқ фаолиятининг лингвистик аспектларини ўрганиш муҳим ўрин тутади. Замонавий таржимашуносликтиллар ва маданиятлар ўртасида билим алмашишни осонлаштиришнинг муҳим усули ҳисобланади. Хусусан, таржимон бошқа таржима версиялари ҳақида маълумотга эга бўлмаган соф таржима, сезиларли даражада муҳим ва мураккаб саналади. Маълум бир тил учун янгилик бўлиб ҳисобланган матн таржимон олдига ўзига хос масалани қўйиш билан бир қаторда ўқувчи учун потенциал қизиқарли маҳсулот бўлиб ҳам ҳисобланади.

Илмий адабиётлар таҳлили герман тилларида адабиётшунослик терминларининг бир хил ва бир текис ўрганилмаганлигини кўрсатади. Ушбу мақолада адабиётшунослик терминларининг герман тиллари мисолида ўрганилганлик даражаси ва аҳамияти тўғрисида тўхталиб,  Крис Болдикнинг “The Concise Oxford Dictionary of Literary Terms” луғати ва ундаги адабиётшунослик терминларининг эътиборга молик томонлари ҳақида маълумотлар берилган. Луғатда келтирилган адабий турларга доир терминлар борасида фикр юритилиб, драматик терминларнинг Крис Болдик томонидан берилган изоҳларига муносабат билдирилган.

Мақолада оиладиги ижтимой, маънавий муҳитни вужудга келтиришда эркак ва аёлнинг ўзаро муносабати, ушбу муносабатларнинг гендер жиҳатлари ҳамда унинг оила барқарорлиги ва фарзандлар тарбиясига кўрсатадиган таъсири таҳлил қилинган.

Мақолада муаллиф янги Ренессанс педагогикаси ва жадид маърифатпарвари, атоқли педагог Абдулла Авлонийнинг педагогик қарашларидаги ўзаро уйғунликнинг қиёсий таҳлилига эътибор қаратган. Абдулла Авлоний қарашлари ва замонавий таълим-тарбия уйғунлиги компаративистик ёндашув асосида очиб берилган.

Мақолада бўлғуси иқтисодчиларда аналитик тафаккурни ривожлантиришнинг замонавий педагогик шарт-шароитлари, омиллари, босқичлари, компонентлари, усуллари таҳлил қилинган. Шунингдек, мақолада бўлғуси иқтисодчиларда аналитик тафаккур юритиш кўникмаларининг педагогик-иерархик тизими, намоён бўлиш шакллари тадқиқ қилинган.

Мақолада олий техник таълим муассасалари талабаларининг техноэтик маданиятини ривожлантиришнинг замонавий педагогик шарт-шароитлари, омиллари, босқичлари, компонентлари, усуллари таҳлил қилинган.

ХХ асрнинг 20-30 йилларида ўзбек саҳна санъати тараққиёти учун муҳим кучлар етишиб чиқди.
Санъатнинг ушбу соҳасини ривожлантириш йўлида зиёлилар иқтидорли йигит ва қизларни Москва ва Боку шаҳарларида ўқишга юборилди. Мақолада Боку шаҳрида таълим олган, келажакда Халқ артисти даражасига етган Ҳалима Носированинг соҳага кириб келиши, таълим жараёни, ундаги қийинчиликлари, эришган ютуқлари хотира-эсдаликлар ва архив манбалари орқали ёритилади.

Мақолада муаллиф онги ва тафаккуридаги азим қадриятларнинг поэтик ифодада акс этиш манераси ҳақида сўз юритилади. Айниқса, муаллиф ва олам муносабатлари тиғизлиги фалсафий-эстетик қамров яхлитлашувига замин ҳозирлаши урғуланади. Натижада, инсон шахс ўлароқ жамиятда ўз ўрнини топиши, ахлоқий нормаларнинг бадиий инъикоси ёзувчи онги шуурида қайта модификацияга учраши тўғрисида илмий- назарий мулоҳазалар келтирилади.

Мақолада Алишер Навоий ижодида оилавий-маиший таназзул ва ижтимоий-маънавий ҳаётдаги инқирозларнинг ўзаро боғлиқ  ва уйғунликда тасвирланиши  таҳлилга тортилган.

Мақолада Абулқосим Фирдавсий ҳамда Маҳмуд Ғазнавий ўртасида бўлиб ўтган низо ва можаролар тарихи Ҳ. Ҳайне ижодида  қай тарзда талқин этилгани атрофлича таҳлил этилган.

Мақолада носир ва шоир Шуҳратнинг шоҳ асари −“Жаннат қидирганлар” романининг мазмун-моҳиятини очиб беришга қаратилган. Мақолада адибнинг адабий-эстетик қарашлари халқпарвар доктор, ўзбек фарзанди Абулбарака, эрксевар зиёли Зейтун ва чет эллик оддий фуқаро Зилол образлари орқали кўрсатиб берилган.
Шунингдек, адиб романда чет эллардаги миллий уйғониш, озодликка интилиш мавзусини ҳам анча кенг ва ҳаққоний тасвирлаган.

Мақолада ёзувчи  адабий-эстетик қарашларининг шаклланиши бадиий публицистикасидаги хотира мақолалари мисолида таҳлил этилган. Ўзига устоз санаган ўзбек реалистик ҳикоячилигининг асосчиларидан бири А.Қаҳҳор  ҳақида бир нечта хотира мақолалар, бадиий ва муҳаррирлик, журналистик соҳасида катта устоз бўла олган А.Мухторга бағишланган учта хотира мақоласи таҳлилга тортилган.

Мақолада болаларга хос оғзаки матнлардан бири саналган аллаларнинг лингвофольклористикада ўрганилиши ҳамда унинг болалар оламининг ўзига хос лисоний манзарасини очиб бериши ҳақида фикр юритилган.

Мақолада мулоқот жараёнида мурожаат шаклларининг аҳамияти, инглиз ва ўзбек педагоглари мулоқот хулқида қўлланиладиган мурожаат шакллари, уларнинг ўхшаш ва фарқли томонлари қиёсий жиҳатдан таҳлил этилган.

Мақолада замон, жамиятдаги ўзгаришлар, унинг тилга, жумладан, раҳбарлик ва унга ёндош тушунчалар семантикасига таъсири ҳақидаги фикрлар баён қилинган.

Мақолада ўзбек тилида содда гап қолиплари воқеланишига таъсир қилувчи морфологик омиллар ҳақида фикр юритилади. Жумладан, гапнинг энг кичик синтактик қолипи[WPm] эканлиги ҳамда унингранг-баранг хусусиятлари таҳлилга тортилади.

Мақолада инглиз ва ўзбек тилларида “субъектив-модал баҳо” микроконцептини воқелантирувчи тил бирликлари сатҳлараро қиёсланиб,  уларнинг  лингвокогнитив майдон табиати ва лингвокультурологик хусусиятлари  қиёсий аснода илк бор тадқиқ қилинган, шунингдек мазкур майдон конституэнтларининг изоморфик ва алломорфик жиҳатлари аниқланган.

Mақолада латифаларнинг таснифларга бўлиниши ва мана шу таснифдан ўрин олган касб-ҳунарга оид бўлган латифалар прагматик жиҳатдан таҳлил қилинади. Шунингдек, латифаларни лингвокултурологик хусусиятларига эътибор қаратилади.