Мақолада  гиперболик  типдаги  бузиладиган  иккинчи  тур  тенглама  учун  кўриниши  ўзгарган  Коши 
масаласи  ўрганилган.  Бунда  аввал  қаралаётган  тенгламанинг  умумий  ечими  топилган.  Сўнгра  у  ёрдамида 
қўйилган  масаланинг  ечими  ҳал  этилиб,  бу  ечим  тенгламани  ва  масала  шартларини  қаноатлантириши 
исботланган. 

Ушбу мақолада Галилей текислигидаги цикл хоссалари ўрганилган. 

P-CdTe-SiO 2 -Si-Al гетеротузилмасида асимметрик микропотенциал барьерлар ва чуқур тутқичларнинг 
мавжудлиги  –  спектрал  оптик  хотира  учун  зарур  шароитларни  яратади.  Релаксация  вақти  25  сутка 
атрофида.  Гетеротузилмадан  оптоэлектрон  спектрал  хотира  ячейкаси  сифатида  фойдаланиш  мумкин, 
бунда у сигналларни нафақат сақлабгина қолмасдан, уларни жамлаб ҳам боради.  

Мақола мактаб ва мактабгача таълим муассасаларида экологик интерактив таълимни олиб бориш 
масаласига бағишланган. Табиатни кузатиш шакллари ва мисоллари келтирилган.    

Мақолада  нафасни  жисмоний  тарбия  ва  спорт  билан  шуғулланувчиларга  таъсири  ҳақида  фикр 
юритилиб, нафас функцияси, кислород ва карбонат ангидриднинг таркибида борлиги, ўпканинг вентиляцион 
кўрсаткичлари билан тўғридан-тўғри боғлиқ ўлчамлари ҳисоби билан таърифлаш мумкинлиги (нафас ритми 
ва  сони,  нафаснинг  дақиқавий  ҳажми),  нафасга  қарши  нафас  олиш  усуллари,  дақиқавий  нафас  ҳажмининг 
камайтирилишига олиб келувчи нафас олиш усуллари ўтказилган тажриба асосида баён этилган. 

Ушбу мақолада турп ўсимлигининг аҳамияти, келиб чиқиши, озуқавий хусусияти ва кимёвий таркиби, 
агротехникаси  тўғрисида  қисқача  тўхталиб  ўтилган.  Шунингдек,  турп  инсон  организмидан  заҳарли 
моддаларни ҳайдаб чиқариши ва турп бўйича тадбирлар агротехникаси ёритилган. 

Мақолада  суғориладиган  ўтлоқи  саз  тупроқлардаги  радиал  педогеокимёвий  барьерларнинг  кимёвий 
таркиби  ва  сувда  эрувчи  тузлар  миқдори  ўрганилган.  Ушбу  барьерлардаги  макро-  ва  микроэлементлар, 
лантаноидлар ва радионуклидларнинг тарқалишини геокимёвий спектрлари ишлаб чиқилган. 

Мақолада табиий ресурслардан фойдаланишнинг ҳудудий макон ва замон жиҳатлари ёритилган. Ердан  
фойдаланишнинг  маҳаллий ўзгаришлари таҳлил этилган. 

Мақолада  лизинг  жараёни  асоси  ҳисобланган  лизинг  келишувларини  амалга  ошириш  босқичлари 
мазмуни  ҳамда  уларнинг  мантиқий  кетма-кетлигини  тўғри  таъминлашга  қаратилган  фикр  ва  хулосалар 
баён этилган. 

Мақола  ҳозирги  дунёнинг  долзарб  муаммоларидан  бири  бўлган  ислом  радикализмининг  фаоллашуви 
сабабларини ёритишга  бағишланган. Шунингдек, диний экстремизмни фаоллаштирувчи асослар, жумладан, 
конфессиялараро  зиддиятлар,  ижтимоий-иқтисодий  омиллар,  цивилизациялараро  тўқнашув  ва  ҳоказолар 
таҳлил этилган. 

Ушбу  мақолада  атроф-муҳитни  муҳофаза  қилиш  ва  табиат  бойликларидан  унумли  фойдаланиш, 
экология  муаммоларини  яхши  англаш,  қонунчиликда  экологиянинг  тутган  ўрнини  ўрганиш  масаласи  илмий 
тадқиқ этилган. 

Ушбу  мақолада  Ўзбекистон  Республикаси  ва  Ҳиндистон  ўртасидаги  иқтисодий,  маданий  ва  бошқа 
соҳалардаги ҳамкорликлар таҳлил этилиб, унинг истиқболлари кўрсатилган. 

Мақолада Ўзбекистон  халқларининг маданий фаолияти, унинг  унсурлари ва намоён бўлиш соҳалари 
тамаддуний тараққиёт шартлари сифатида кўриб чиқилган. 

Мақолада ислом динига қарши кураш Чор Россияси ҳукмронлиги давридан бошлангани ва тоталитар 
тузумда катта куч билан авж олганлиги, мустақиллик йилларида бундай сиёсат ижтимоий ҳаётнинг барча 
соҳаларидан олиб ташланганлиги, миллий ва диний қадриятларнинг уйғунлашуви амалга оширилганлиги баён 
қилинган. 

Ушбу  мақолада  XX  аср  бошларида  Ўзбекистонда  тарихий-маданий  мерос  объектлари  бўйича 
тузилган  ташкилотлар  томонидан  амалга  оширилган  ишлар  ўрганилган.  Маданият  обидаларини  топиш, 
ҳисобга олиш ва реставрация қилиш бўйича ишлар тадрижий асосда ёритилган.  

Мақолада  ижодкорнинг  образ    яратиш  маҳорати,  “ожиз”  одам  образи  ҳақидаги  адабий-эстетик 
қарашлар  ва  кузатишлар  баён  этилади.  “Ожиз”  одам образи  изтиробсиз  одам  ва  ижодкор  образлари    билан 
қиёсий - таҳлилий  ўрганилади.   

Мақолада  XIX  асрнинг  иккинчи  ярми  ва  ХХ  аср  бошлари ўзбек  шеъриятига  рус адабиётининг  таъсир 
масаласи ёритилган. Ундаги янги ифода ва шакллар, вазн ва образлар тизимининг ўзига хосликлари таҳлил 
этилган. 

Мазкур мақолада етарли даражада ўрганилмаган “парадигматик муносабатли гаплар” деб номланувчи 
синтактик-семантик гап тури илк бора кўриб чиқилган. Мазкур гап турининг ўзбек тили, шунингдек, бошқа 
тиллар  синтактик  тузилишида  мавжудлиги  тегишли  фактик  материаллар  таҳлили  орқали  асослаб 
берилган.  

 Мақолада  психолингвистиканинг  фан  сифатида  шаклланиш  тарихи  тадқиқ  этилган  бўлиб,  қадимги 
ҳинд, юнон, рим тилшунослигидаги психолингвистик қарашлар илк марта мавзу доирасида ёритиб берилган. 

Мақолада  суперсегментал  бирликлар  назарияси  ҳақида  фикрлар  баён  этилади.  Шунингдек, 
интонациянинг  синтаксисга  алоқадор  жиҳатларига  эътибор  қаратилади.  Просодика  ва  интонациянинг 
турдош соҳалари ажратилади.  

Ушбу мақолада ҳозирги замон инглиз ва ўзбек тилшунослигида тенг боғланган қўшма гаплар таснифи 
ва турли таърафлари таҳлили келтирилган.  

Мақолада коммуникатив методнинг асосий мақсади ва моҳияти ҳақида фикр юритилиб, унинг асосий хусусиятлари 
атрофлича ёритиб берилади. 

Ушбу  мақолада  чет  тили  дарсларида  ноанъанавий  усуллардан  фойдаланишнинг  ўзига  хосликлари 
кўрсатиб ўтилган. 

Ушбу  мақолада  математик  мантиқнинг  пропозиционал  амалларини  мактаб  математика  курсига 
киритиш ўрганилади. 

Мақолада ҳомиладорлик вақтида ейиладиган овқатларнинг ҳомиланинг она   қорнида ривожланишига ва 
чақалоқнинг саломатлигига қандай таъсир қилиши ёритилган.   

Мақолада  “Қайроққум  маданияти”  номининг  келиб  чиқиши,  унинг  манзилгоҳлари,  даври,  аҳолисининг  асосий 
машғулотлари  ҳақидаги  маълумотлар  асосида  Қайроққум  ёдгорликлари  Андроново  маданиятининг  алоҳида  типи 
сифатида ажратилганлиги тўғрисида фикр-мулоҳазалар баён қилинган. 

Мақола  ўзбек  тилидаги  “муболаға”  концептуал  семантикасини  воқелантирувчи    вербал  воситалар 
майдони муаммоларига бағишланган.  

   Ушбу  мақолада  от  ясовчи  аффиксларнинг  қўлланилиш  доираси,  ҳосил  бўлиш  хусусиятлари 
атрофлича  таҳлил  қилинган.  Шунингдек,    ХIХ  аср  ёзма            манбалари  (“  Мирзоолим  Мушрифнинг  “Қўқон 
хонлиги тарихи” асари)да от ясовчи аффикслардан ҳосил бўлган ясама отлар ҳақида фикр юритилади. 

Мақолада бадиий  матнда қўлланиладиган термин-ўхшатишлар, уларнинг лингвопоэтик хусусиятлари 
бадиий матн нуқтаи назаридан таҳлил этилади. 

Ушбу  маколада  ёшларимиз  ҳаётида  рўй  бериши  мумкин  бўлган  турли  ижтимоий  муаммолардан  осон  чиқиб кета олиш  йўл-йўриқлари педагогик жиҳатдан таҳлил этилган. 

Мақолада ёш ўқитувчиларга немис тили дарсларида лексик-грамматик структураларни оғзаки нутқда ва ўқув матнларида шакллантириш билан боғлиқ методик тавсиялар берилган. 

Ушбу мақолада нуктадонлик санъати ва унинг Абдулла Қаҳҳор нутқида қўлланилиши таҳлил этилган. 

Мақолада  маданиятшунослик  бўйича  янги  нашр  этилган  “Одатнома”  китобининг  ёзилиш  сабаблари,  асарнинг  илмий,  аксеологик  ва  маънавий  аҳамияти  ёритиб  берилган ҳамда  педагогик  соҳада  ундан  фойдаланиш зарурлиги тарғиб қилинган.