Мақолада турли шаклдаги мураккаб функцияларни қаторларга ёйишда бу ёйилманинг ягоналигини таъминлаш масаласи кўриб чиқилган. Бунинг учун умумлашган ҳосила тушунчасидан фойдаланиб, умумлашган ҳосиланинг баъзи холларда 2-тартибли умумлашган ҳосила билан оддий маънодаги ҳосила ноъмалум нуқталардан ташқари оралиқ нуқталарда бир хил бўлиши кўрсатиган. 

Мақолада бугунги ўзбек тилшунослигининг забардаст вакили, профессор Н.М.Маҳмудовнинг илмий- педагогик фаолияти, “Тил тилсими тадқиқи” номли асари ҳақида фикр юритилади.

Мақолада рамз ва метафоранинг умумий ҳамда фарқли томонлари хусусида сўз юритилиб, ушбу масалага оид қарашлар ёритилган.

Мақолада 1-тиаиндан,  1-тиохроман,  2,5-диметил-1-тиаиндан ва 6-метил-1-тиохроманларнинг AlCI3 катализатори иштирокида дихлорметан эритмасида сирка кислотанинг хлорангидриди билан диациллаш реакцияси ўрганилган. Реакция натижасида 1-тиаиндан, 1-тиохроман ва 2 метил-1-тиаинданларнинг мўл миқдордаги катализатор ва ацилловчи агентлар иштирокида диациллаш реакциялари бормаслиги аниқланди. Бироқ 2,5- диметил 1-тиаиндан ва 6-метил-1-тиохроманларнинг сирка кислота хлорангидриди билан ацилловчи агент ва катализаторларнинг мўл миқдорида диациллаш реакциясига киришиши ва реакция натижасида 2,5-диметил-3,6-диацетил-1-тиаинден ҳосил бўлиши аниқланди. 

Мақолада инглиз ва ўзбек тилларида “тўй” концептини воқелантирувчи тил бирликлари сатҳлараро қиёсланиб, уларнинг лингвокогнитив майдон табиати қиёсий аснода илк бор тадқиқ қилинган, шунингдек, уларнинг изоморфик ва алломорфик жиҳатлари аниқланган ҳамда мазкур жиҳатларни тақозо этувчи лисоний ва нолисоний омиллар очиб берилган.

Мазкур мақолада Алишер Навоий асарлари мисолида ўзбек тилида “сўз” конептининг олам лисоний манзараси ифодасидаги ўзига хос ўрни, бу борадаги  миллий ва шарқона қарашлар, ушбу концепт замиридаги маъно ва мазмунлар умумлашмаси ҳақида фикр юритилади. Навоийнинг ўз асарларида моҳият ва ҳодиса сифатида тавсифланган “сўз” бебаҳо неъмат ва оламнинг яралишию мавжудлиги у билан эканлиги борасидаги қарашлари таҳлил қилинади.
 

Ўзбекистондаги Ангрен кўмирконидан қазиб олинаётган кўп тоннажли сифатсиз қўнғир кўмир маркаларини ўрнатилган талабларга мос келувчи сифатли ёқилғи манбаи сифатида етказиб бериш учун қўнғир кўмирни бойитишга турли факторларнинг таъсири ўрганилди. Ангрен кўмир конидаги сифати паст 2БР-Б2 ва 2БОМСШ-Б2 маркали қўнғир кўмирнинг физик-механик параметрлари ва турли шароитларга бардошлилиги аниқланди. Қўнғир кўмирни ҳўл усул билан бойитиш натижалари кўрсатиб берилди. 

Мақола ҳар қандай тадқиқотнинг моҳиятини белгиловчи тасниф жараёни ва унга доир асосий тушунчалар таҳлилига бағишланган. Тилшуносликда таснифга бўлган турли ёндашувларнинг мавжудлиги ҳамда лисоний тасниф босқичлари хусусида сўз юритилган.

Тупроқларнинг нефть билан ифлосланиши мураккаб кимёвий жараён бўлиб, асосий ҳолларда нефть конлари ва нефть узатиш тизими атрофида кузатилди. Нефть билан ифлосланиш билан бир вақтда тупроққа тузлар, оғир металлар, сульфид ва бошқа моддалар ҳам тушиши аниқланди. Бундай тупроқларни кўп йиллар давомида ўрганиш натижасида аниқландики, сур тусли қўнғир ва қумли чўл тупроқлар бошқа тупроқларга нисбатан озиқа элементлар, микроэлементлар ва гумус билан кам таъминланган ҳамда унумдорлиги паст эканлиги аниқланди. Aqua regia методи асосида As, Cd, Co, Cr, Cu, Fe, Mn, Ni, Pb, Sb, V и Zn элементларининг концентрацияси аниқланиб, ушбу хоссаларга боғлиқлиги очиб берилди. Бундан ташқари тупроқ рН муҳити, органик углерод ва гумуснинг ифлосланиш билан вариацияси ўрганилди. 

Мазкур мақолада жаҳон тилшунослигидаги долзарб муаммолардан  бири сифатида семасиология ва лексикология бўлимлари предмети доирасидаги чалкашликлар, дисфемизм ва кокофемизм, дисфемизм ва вульгар сўзлар, дисфемизм ва сленглар, сленг ва неологизмлар, сленг ва жаргон, арго муносабатлари қисқача тавсифланади. Сленг тушунчаси таърифланади, бошқа бирликлардан фарқланади. Бу борада жаҳон тилшунослигидаги қарашлар қиёсланади, уларга муносабатлар билдирилади.

Мақолада таъкидланишича, экологик барқарорликни таъминлашнинг фалсафий муаммолари ривожланишнинг янги босқичида Ўзбекистондаги ижтимоий-иқтисодий тузилмалар ва илмий муассасаларда етакчи ўринлардан бирини эгаллайди. Ушбу илмий муаммо минтақанинг ижтимоий-иқтисодий ривожланишига таъсир қилувчи глобал экологик инқироз шароитида инсон ҳаётининг моддий ва маънавий асосларини ривожлантириш билан чамбарчас боғлиқдир. Таъкидлаш жоизки, экологик барқарорлик бутун ижтимоий- иқтисодий комплексни ривожлантириш ва инсон манфаатларини таъминлашга тааллуқлидир. Мақоланинг муаллифларининг таъкидлашларича, ҳозирги ривожланиш босқичида жамият, давлат идоралари, нодавлат нотижорат ташкилотлари, ижтимоий-иқтисодий тузилмалар глобал, минтақавий, маҳаллий экологик муаммоларни ҳал қилишга эътибор бермоқда. 

Мақолада нутқнинг таъсирчанлигини ошириш учун хизмат қилувчи лексик-семантик ва лингвостилистик услубий фигуралардан антитеза ҳамда оксюморонни бирлаштирувчи ва фарқловчи белгилари ҳақида фикр юритилган.

Мақолада нутқнинг таъсирчанлигини ошириш учун хизмат қилувчи лексик-семантик ва лингвостилистик услубий фигуралардан антитеза ҳамда оксюморонни бирлаштирувчи ва фарқловчи белгилари ҳақида фикр юритилган.

Мақолада бугунги дунёнинг илмий манзарасини  шаклланишида ахборот технологияларнинг ўрни, илмий ижоднинг тараққий этишида шубҳа тамойилидан ва танқидий қарашдан фойдаланиш фалсафий таҳлил этилган. 

Мақолада ёшлар ижтимоий фаоллигини оширишда ижтимоий-педагогик тренингларнинг моҳияти, уларни мақсад ва вазифалари ёритиб берилган.  Шунингдек тренингларда қўллаш мумкин бўлган  методлар ҳамда лойиҳа доирасида олиб борилган  тренинг натижалари тахлили берилган.

Мақола, ҳозирги даврнинг долзарб масалаларидан бири - жамият тараққиётидаги  демократлашув муаммоларига бағишланган. Ана шундай шароитда, Узбекистонда шахс эркинлигини таъминлаш борасидаги масалаларга асосий эътибор қаратилган ва бу борадаги айрим мунозарали ҳолатлар ёритиб берилган. 

Мақола табақалаштирилган  таълимнинг талабалар паремиологик компетенциясини ривожлантиришдаги самарадорлигига бағишланган. Мазкур мақолада турли қийинчиликдаги мақол ва маталларни ҳар хил усулда, хусусан мунозара, синонимларни келтириш, Телеграм мобиль иловаси воситасида жумбоқли мақол кўринишида талабаларнинг паремиологик комптенциясини шакллантириш, ўзлаштирилган билимларни Фоер моделини қўллаган ҳолда мустаҳкамлаш тавсия этилди.

Мақолада маданиятлараро мулоқот тушунчасининг келиб чиқиш тарихи ва унинг йиллар давомида шаклланиши ҳамда турли олимлар томонидан тадқиқ қилинганлиги ёритилган. Маданиятлараро мулоқотнинг чет тили дарсларидаги мақсад ва вазифалари баён қилинган.

Мақолада ХХ асрнинг биринчи ярмида Ўзбекистонда мусиқа фани ва илмининг ривожланиши ва амалга оширилган ишлар ҳамда соҳа намояндаларининг саъй-ҳаракатлари ҳақида маълумотлар умумлаштирилган. Шунингдек, ХХ асрнинг 20-30 йилларида мазкур соҳада фаолият кўрсатган олимлар, шунингдек, Иккинчи жаҳон уруши оқибатида Ўзбекистонга эвакуация қилинган соҳа мутахассисларининг фаолияти ёритилган.

Мақолада жаҳонда, шу жумладан, Ўзбекистонда янги тараққиёт босқичида тадбиркорлик фаолиятининг такомиллашуви, ҳамда янги тадбиркорлар ижтимоий-маданий синфнинг ривожланишининг илмий-назарий жиҳатдан таҳлил қилишга доир ижтимоий-фалсафий қарашлар ўрганилган ва келгуси вазифалар тавсия қилинган. 

Мақолада Қўқон жадидларининг етакчиси, ношир ва геолог олим Обиджон Абдухолиқ ўғли Маҳмудовнинг (1871-1936) ҳаёти ва фаолиятига оид маълумотлар архив манбалари асосида ёритилган. Шунингдек, олимнинг тадқиқотчилар ҳамда кенг жамоатчиликка маълум бўлмаган қирралари тўғрисида ҳам фикр юритилган.

Мақола Фарғона водийси халқларида от билан боғлиқ эътиқодий қарашларни ўрганишга бағишланган. 
Унда масалага оид археологик ва этнографик материаллар атрофлича таҳлил қилинган. Мақолада келтирилган маълумотларнинг аксарияти илмий истеъмолга илк бор олиб киритилмоқда. 

Мақолада диний конфессия тушунчаси ва диний қадриятлар масаласи ёритиб берилган. Шунингдек, совет даврида  диний конфессияларга бўлган муносабат илмий жиҳатдан тадқиқ этилган.

Мақолада Ўзбекистон Республикаси давлат мустақиллиги эълон қилинганидан сўнг мамлакатимизда сайлов соҳасида амалга оширилган ислоҳотлар ва уларнинг амалиётга жорий қилиниши масаласига, шунингдек, сайлов тизимини шаклланишида миллий ва жаҳон тажрибаларидан кенг фойдаланиши хусусида сўз юритилган. 

Мақолада мустақиллик йилларида Фарғона водийси вилоятлари мисолида олий таълимдан кейинги таълим соҳасидаги ўзгаришлар таҳлил қилинган. Ушбу соҳадаги мавжуд муаммолар очиб берилган, бундан ташқари олий таълимдан кейинги таълим тизимини янада такомиллаштиришга оид таклифлар киритилган. 

Мақола ХХ асрнинг 30-йилларида СССР Фанлар Академияси илмий экспедицияларининг ўзига хос хусусиятларини таҳлил қилишга бағишланган. Бу экспедициялар тор йўналишли эмас,  балки комплекс хусусият касб этган. Кўпгина муаммоларни тадқиқ этган ва комплекс вазифаларни ҳал этганлиги ёритиб берилган. Тадқиқот иши архив материаллари ва экспедиция иштирокчиларининг илмий ишлари асосида амалга оширилди. 

Мақолада тарихий манбалар ва адабиётларга асосланган ҳолда илк бора Фарғона водийсининг VIII- Xасрлардаги иқтисодий тараққиётитадқиқ этилган. Шунингдек, ушбу даврда водийдаги қишлоқ хўжалиги, боғдорчилик, чорвачилик ва тоғ-кон соҳаларининг ривожи ёритилган.

Мақолада Фарғона  вилоятида мустақиллик йилларида аҳоли саломатлигидаги муаммолар, оналар ва болалар ўлимининг олдини олиш, уларни тиббий кўрикдан ўтказиш ҳамда оналик ва болаликни муҳофаза қилиш масалалари таҳлил қилинган. 

Мақолада XV аср охирида Фарғона водийсидаги сиёсий жараёнларда Эсан Давлатбегимнинг роли ва Заҳириддин Муҳаммад Бобурнинг тахтни эгаллашида бу аёлнинг муҳим аҳамият касб этганлиги ҳақида маълумотлар келтирилади.
 

Тарихий даврлар кесимида олиб қарайдиган бўлсак, деярли ҳар бир даврда совға алмашинуви алоҳида дипломатик анъана сифатида такомиллашиб, баъзида ўзгариб борганлигини кузатиш мумкин. Мазкур тадқиқотда  ХIХ асрнинг иккинчи ярми - ХХ аср бошларида Бухоро амирлиги ва Россия империяси ҳукуматлари ўртасидаги муносабатларда совға алмашинуви тартиби таҳлил қилинади. 

Мақолада Ўрта Осиё туркий халқлари фольклорида қайд қилинган Оқбўзот ва Кўкбўзот юлдузлари тўғрисидаги қадимги астромифологик тасаввурлар ва самовий мифлар таҳлил қилинган.  Ушбу юлдузлар тўғрисидаги мифларни қиёсий ўрганиш асосида ўзбек фольклоридаги астраль мифлар генезиси қадимги туркийлар мифологиясида боғлиқлиги аниқланган.

Ўрта Осиё халқларининг XIX аср охири – XX аср боши тарихи ва маданиятини тадқиқ этишда туркистонлик ўлкашуносларга таниқли Россия олимларининг ёрдами ва кўмаги катта бўлган. Шундай тадқиқотчилардан бири Нил Сергеевич Ликошин бўлиб, ўзининг ўлкада ўтказган 40 йиллик умрини Туркистон халқларининг тарихи, маданияти ва динини ўрганишга бағишлаган. 
Мазкур мақолада турли хил архив манбалар асосида таниқли туркистоншунос олим, Ўрта Осиёнинг тарихи, маданияти ва этнографияси бўйича мутахассис Н.С. Ликошиннинг машҳур шарқшунос В.В. Бартольд ўртасидаги ҳаммага ҳам маълум бўлмаган муносабатлар тарихи ёритилган. 

Мақолада ХХ асрнинг 40-80 йилларида Қашқадарё вилоятида саноатлаштириш сиёсатининг олиб борилиши, саноат корхоналарининг маълум бир шаҳарда зич ва жуда яқин жойлаштирилиши, саноат корхоналарининг мажбуриятларини жадаллик билан бажариши, саноат корхоналарида ишлаб чиқарилаётган маҳсулотларнинг ўлкага эмас, балки собиқ Иттифоқ манфаатлари учун хизмат қилгани тарихий манбалар асосида баён этилган. Ишлаб чиқаришнинг тез суръатларда ривожланиши, саноат корхоналарининг моддий- техник базаларига эътиборсиз қолганлиги натижасида чиқиндиларнинг атроф-муҳитга етказган зарарлари ҳақида маълумотлар келтирилган. 

Мақолада V-VI асрларда Ўрта Осиёда юз берган турк-суғд қабилаларининг ўзаро яқинлашув жараёни ёритиб берилган. Ушбу жараён турли хитой, суғд ва турк-рун ёдгорликларида турли ҳужжатлар кўринишида сақланиб қолган. Ушбу симбиоз жараёни ўлка халқларини этногенезида муҳим ўрин эгаллаган бўлиб, қабилаларнинг тил, маданият ва дин идентиклигини шаклланишида катта аҳамиятга эга бўлган. Муаллиф маълумотларни асосан ушбу даврга тегишли ёдгорликларни ўрганган тадқиқотчилар асарларидан олган ва таҳлил қилган. 

Мақолада Чўлпоннинг бармоқ вазнидаги шеърлари, уларнинг ритмик ва интонацион хусусиятлари ҳақида фикр юритилади. 

Мақолада роман сюжети қурилишининг ассоциатив шакли, роман жанрида унинг ўзига хос хусусиятлари ёритилган. Ассоциатив сюжет усули орқали қурилган романларда конфликт, уларнинг ўзига хослиги мисоллар ёрдамида таҳлилга тортилган.
 

Мақолада медитатив лирикага хос марсиявийлик, тарихий ўтмиш ва машҳур тарихий, адабий, санъаткор шахслар образининг метафориклашув ҳолати Абдулла Ориповнинг бир нечта шеъри мисолида таҳлил этилган. 

Мақолада ўзбек адабиётида тарихий роман жанрининг келиб чиқиш асослари ва тараққий этиши кўрсатилган. Жанрнинг вазифалари ХХ асргача халқ достонлари ва ёзма адабиётдаги достонлар орқали амалга оширилгани, тарихий асар композициясининг назарий асосларини аниқлашда эса Арасту, Гегель, И.Султон, А. Раҳимов, Д.Қуронов каби олимлар фикрлари асос бўлгани баён этилган.

Мақолада халқ эртакларида иштирок этувчи ёрдамчи  персонажларнинг  ўзига  хос ғоявий-бадиий хусусиятлари, сюжет, мотив ва конфликтлар таркибида тутган ўрни ҳамда вазифаси ҳақида сўз юритилади. 

Мақолада ёзувчининг ғоявий-фалсафий, бадиий-эстетик идеалидан келиб чиқиб, салбий ҳисобланувчи ўғри образининг инсоний кечинмалари, маънавий-маърифий жиҳатдан ибратли томонларига урғу берилиши ҳақида сўз юритилади. 

Жамиятдаги ислоҳотларнинг муваффақияти кўп жиҳатдан шу жамият аъзоларининг маънавий- интеллектуал савиясига боғлиқдир. Ҳар қандай инсон маънавиятини шакллантиришда эса бадиий адабиёт кенг имкониятга эга. Шу маънода, ўзбек ёзувчиси Нурали Қобул ижодини тизимли равишда ўрганиш зарурати мавжуд. Мазкур мақолада адибнинг 70 ёшга тўлиши муносабати билан ижодига сарҳисоб сифатида назар солинади. 

Мақолада ўзбек романларидаги Машраб образи билан боғлиқ ёндош тарихий шахслар талқинидаги ўзига хосликлар қиёсий таҳлилга тортилган. Ёзувчилар услубидаги ўзига хосликлар, тарихий манбалардан таъсирланиш маҳоратларидаги хилма-хиллик ёритилган.

Мақолада ўзбек мумтоз адабиёти намуналаридаги бола образи тадрижий ҳолатда таҳлил қилинади. Таҳлил жараёнида бола образининг шаклланишига давр руҳи ва ижтимоий муҳит таъсири ўрганилган.

Мақолада ўзбек мумтоз адабиёти намуналаридаги бола образи тадрижий ҳолатда таҳлил қилинади. Таҳлил жараёнида бола образининг шаклланишига давр руҳи ва ижтимоий муҳит таъсири ўрганилган.

Мазкур мақолада ёзувчи Исажон Султоннинг “Боқий дарбадар” романидаги бош қаҳрамоннинг яратилиш тарихи, унинг ўзбек ва жаҳон адабиётида тутган ўрни ёритилган.

Мазкур мақолада ёзувчи Исажон Султоннинг “Боқий дарбадар” романидаги бош қаҳрамоннинг яратилиш тарихи, унинг ўзбек ва жаҳон адабиётида тутган ўрни ёритилган.

Мақолада ёзувчи ижодий лабораториясида ҳаёт ҳақиқатининг бадиий ҳақиқатга айланиш жараёнида ижодкор кўнглидаги ғоявий-бадиий ният турфа хил шаклланиб, асар ёзилиши давомида турлича ўзгариши мумкинлиги илмий манбаларга суянган ҳолда таҳлил қилинган.

Мақолада Уилям Шекспир сонетларининг бадиий хусусиятлари борасида сўз кетади. Шекспир сонетларида Уйғониш даври ғоялари – инсонпарварлик, одамийлик, бағрикенглик ғоялари ифодаланган.
Шекспирнинг дастлабки сонетларида оптимистик руҳ билан суғорилган ибтидо бўлса, сўнггилари эса чуқур фалсафий мазмунга эга. Шекспир сонетларининг мавзулари мураккаб ва рангбарангдир. Шекспир сонетларида юксак шеърий санъатларни қўллаган, аммо унинг энг яхши сонетлари жонли воқелик билан уйғунлашган.

Мақолада нодавлат телеканалларда ташкил этилаётган кўрсатувларнинг номланишида давлат тили қоидаларига эътибор берилиш ҳолати, мавжуд муаммолар ва уларнинг ечими билан боғлиқ айрим хулосалар баён қилинган.

Мақолада турли тилларда қўлланиладиган фразеологизмларнинг ўзбек тилидаги эквивалентлари хусусида фикр юритилган.

Мақола соматик фразеологизмлар тушунчаси ва уларнинг таснифлаш масалаларига бағишланган.
Соматик фразеологизмларнинг таснифлашда концептуал ва лингвокультурологик аспектлари намоён этган ва уларнинг ўзига хос хусусиятлари ифодаланган. Соматик фразеологизмларнинг таснифида уларнинг лексик-семантик гуруҳлари таърифланган.

Мақолада расмий иш услубининг лексик ва фразеологик хусусиятлари ва канцеляризмда ишлатиладиган ибора ва сўзларнинг қўлланилиши ҳақида фикр юритилган. Бундан ташқари, мақолада расмий ёзишмалар ва дипломатик олд услуб лексикаси ва фразеологизмлари етарлича ёритиб берилган.

Мақолада лингвокультурология тушунчасининг тилшуносликка кириб келиши, лингвистик таълимот сифатида шаклланиши ва унинг ривожланиш босқичлари кенг ёритиб берилган. Бу соҳада иш олиб борган олимлар тадқиқотлари қиёсий таҳлил қилинган.

Мақолада инглиз тили фразеологик бирликларида учрайдиган қимматбаҳо тошлар ва металларнинг рамзий аҳамияти семантик доирасида таҳлил қилинди

Мақолада инглиз ва ўзбек тиллардаги қурилиш терминлар тизими, терминлар таркибидаги компонентлар сони, терминларнинг моно ва полилексемали хусусиятларига эътибор қаратилди.

Мақола тилшуносликда реклама дискурсининг моҳиятини кўриб чиқади. Мақола рекламанинг унумли стратегиялари, уларнинг тузилиши ва имиджи, асосан рекламани тил билан ўзаро боғлиқлигини ўрганади.
Бундан ташқари мақола, реклама дискурсининг маданиятлараро таъсирини ҳам санаб ўтади. Ушбу мақолада муайян нутқнинг  барча соҳаларини ўрганиб чиқиш кўзда тутилмаган ва у тил ва реклама дискурсидаги умумий муаммоларни топишни ўз ичига олмайди. Мақолада XXI асрнинг реклама матнларида учрайдиган энг асосий  элементлар ўрганилади.

Мақолада  “концепт” тушунчаси ва унинг моҳияти,  лисоний онгнинг психолингвистик методлар ёрдамида ўрганилиши ҳақида сўз боради.

Мақолада турли манбаларда келтирилган ўзбек аёл ижодкорлари ва уларнинг ўрганилиши мавзуси кенг ёритилади.
 

Мақола бугунги кунда мактабларимизда мавжуд жиддий муаммони очиб берган бўлиб, унда умумтаълим муассасаларида таълим сифатининг пасайиб кетганлиги ва бунинг сабаблари ҳақида аниқ маълумотлар келтириб ўтилган. Мақолада таълим сифати тадқиқот объекти сифатида тахлил қилиниб, уни ошириш учун рейтинг индикаторларидан фойдаланишнинг аҳамияти ҳақида таъриф берилган.