Мақолада  “Комплекс  сонлар”  мавзусини  мактабда  ва  педагогика  университетларида,  хусусан, математик  таълим  йўналишларида  узвийликда  ўқитиш  масалалари  кўриб чиқилган.  Математиканинг  янги киритилган бўлимларида такрорланувчи мавзуларни ўқитиш  замонавий талаблар ва халқаро тажрибаларни ҳисобга олиб, янги ўқитиш технологияларига асосланган ҳолда ўқув фанларини ўқитиш методикасини ишлаб чиқиш  заруратини  келтириб  чиқаради.    Тадқиқот  иши  давомида  турли  хил  тадқиқот  усуллари, хусусан, математикага  оид  илмий-педагогик,  методик  адабиётларни  ва  мактаб  дарсликларини  ўрганиш  ва  таҳлил қилиш;  ”Комплекс  сонлар”  бўлимининг  узвий  алоқаларини таҳлил  қилиш;  ”Комплекс  сонлар”  мавзусида талабаларнинг  қолдиқ  билимларини  текшириш  мақсадида  педагогик  тажрибалар  ўтказиш;  тадқиқот материаллари бўйича мулоҳаза қилиш қўлланилган. 

Мақола "гендер" концептини вербаллаштирувчи вербал ва авербал бирликлар майдонининг инглиз ва ўзбек тилларидаги қиёсий таҳлилига бағишланган бўлиб, унда ҳар икки тилдаги гендерологик бирликларнинг ўхшаш ва фарқли жиҳатлари ўрганилган, уларни тақозо этувчи омиллар очиб берилган.

Мақолада  флокулянт  концентрациясининг  оқова  сувларни  тиндириш  даражасига,  кислороднинг кимёвий  сарфи  ва  бўёқлардан  тозалаш  кўрсаткичларига  боғлиқлиги  ўрганилди. Каолин  ва  бентонит суспензиясининг  турли  бошланғич  концентрацияларида  флокуляция  самарадорлиги  аниқланди.  Каолин  ва бентонит  концентрацияси  2,0  мг/л  дан  ва флокулянт  концентрацияси  0,5  мг/л  бўлганда  тозалашнинг  энг юқори кўрсаткичига эришилганлиги аниқланди.

Мазкур мақолада Алишер Навоийнинг “Садди Искандарий” достонида қўлланган “олтин” концептининг фрейм структураси ҳақида фикр юритилади. Дастлаб концепт атамаси ва у билан боғлиқ тушунчалар назарий жиҳатдан қисқача шарҳланади. Сўнг достонда қўлланган “олтин” концептосфераси ташкил этувчилари ҳақида сўз юритилади, фикрлар асосланади.

Мақолада  поливинилхлорид  асосида  олинган  сульфокатионитни  аминлаш  орқали  олинган  янги поликомплексон таркибида ҳам катион алмашинувчи сульфогуруҳ, ҳам анион алмашинувчи аминогуруҳларнинг кимёвий тузилиши ИҚ-спектроскопия ёрдамида исботланди. Статик шароитда сувли эритмаларда кобальт (II)  ва  хром  (III)  ионларининг полиамфолитга  ютилиш  кинетикаси  ва  турли  ҳароратларда  Ленгмюр константалари  ҳисобланди.  Тадқиқот  натижалари  асосида  сорбция  жараёнининг  термодинамик 
параметрлари изотермик-изобарик потенциал (ΔG), энтальпия (ΔН) ва энтропия (ΔS) қийматлари ўзгариши ҳисоблаб топилди. 

Мақолада  нeфтни  қайта  ишлаш  заводи  айланма  сувларининг  қаттиқлигини  турли  xил  рeагeнтлар  билан  пасайтириш:  Nа 2 PО 4 +  сулфонал  аралашмаси;  Nа 2 PО 4 ;  Nа 2 PО 4   +  сулфонал;  Cа(ОН) 2 ;  Nа 2 PО 4   ва  Куймозор айланма сувлари таркибидаги мexаник аралашмаларнинг йирик дисперс ва майда диспeрс зарраларидан чуқур тозалаш бўйича  натижалар  кeлтирилган.  Шунингдeк,  ифлосланган  сувни  филтрлаш  жараёнида  ҳосил  бўлган чўкма гидравлик қаршилигининг тозалаш даражасига таъсири ҳақидаги масала ҳам муҳокама қилинади. 

Мақолада  муҳофаза  этиладиган  табиий  ҳудуд  (МЭТҲ)лар  тизимининг  барқарор  ривожланиш стратегиясидаги  ўрни  ва  моҳияти  таҳлил  қилинган.  Шунингдек,  МЭТҲлар биологик  ва  ландшафт  хилма-хиллигини  сақлаш  ҳамда  минтақанинг  экологик  жиҳатдан  барқарор  ривожланишини  таъминлаш  учун  ташкил этилиши асослаб берилган. 

Мақолада кўчимнинг бир тури бўлган метонимия ҳодисаси  Маҳмуд Кошғарийнинг “Девон”и асосида таҳлил қилинган.

Мақолада инглиз тили дарсликларида тил ўқитиш машқларининг қўлланилиш тарихи ва машқларнинг дарсликларда берилиши асослари ёритилган. Инглиз тилини ўргатишда қўлланилган кўплаб методларда юзага келиши мумкин бўлган муаммолар кўрилган. Ўрганувчиларни мулоқотга тайёрлашда муҳим аҳамиятга эга бўлган лингвокультурологик машқларни қўллаш омиллари келтирилган.

Мақолада Ўзбекистон Республикасида рақамли иқтисодиётни шакллантиришнинг долзарб масалалари кўриб  чиқилган.  "Digital  economy"ни  ривожлантиришнинг  таърифи  ва умумжаҳон  тенденцияларига ёндашувлар,  шунингдек,  2020  да  дунёдаги  энг  қиммат  компаниялар  капиталлашув  даражаси  бўйича ўрганилади. Шунга асосланиб, ишлаб чиқаришни ахборот соҳасига айлантиришнинг жаҳон тенденцияси очиб берилади.  Компания  даражасида  рақамлаштириш  йўналишлари  таъкидланиб,  корхонада рақамлаштириш йўналишларининг  иккита  асосий  блоки  белгиланган:  умумий  ва  боғловчи.  Тадбиркорлик  субъектларининг рақамли иқтисодиётда фаолият юритишга мослашуви ҳақидаги муаллифлик кўргазмаси тақдим этилган. 

Мақолада  Фарғона  вилояти  мисолида  маҳаллий  бюджет  маблағларидан  самарали  фойдаланишни таъминлаш масалалари ёритилган шунга хизмат қилувчи хулоса ва таклифлар шакллантирилган ҳамда улар илмий-амалий жиҳатдан асосланган. 

Мақолада ўзбек тилидаги “илм-маърифат” семемали лексемалар, уларнинг ички мазмуний гуруҳлари, ҳар қайси лексеманинг умумий ва фарқли хусусиятлари ҳақида сўз юритилади.
Аннотация 

Мақолада  глобаллашувнинг  турли  мамлакатларга  ўтказаётган  турлича  таъсири,  унинг  дунё мамлакатларининг  иқтисодий,  ахборот,  маънавий  салоҳиятлари  ва  сиёсатига қандай  боғлиқ  эканлиги, “глобаллашув”  атамасининг  илмий-назарий  асослари,  глобаллашув  жараёнларининг  хусусиятлари,  дунё халқлари ахборот оқимининг тезлашувигатаъсир этиш йўллари, унинг мураккаб ҳодиса сифатида дунёнинг мафкуравий манзарасини намойиш этаётганлиги хусусида фикр юритилган. 

Мақолада  Ўзбекистон  Республикаси  Президенти  ҳузуридаги  Давлат  бошқарув  академиясини  ташкил этилишининг тарихий аҳамияти ҳамда давлат ва жамият  бошқарувидаги раҳбар кадрларни тайёрлашдаги ўрни ёритилган. Мустақиллик йилларида Академия фаолиятини ривожлантиришга қаратилган ислоҳотлар, кадрлар тайёрлаш салмоғи ҳамда халқаро ҳамкорликда эришилган натижалар таҳлил қилинган.  

Мақолада янги авлод ўқув луғатлари композицияси, уларнинг асосий ва ёрдамчи қисмлари таркиби ва жойлашиши, луғатда тил бирликларининг таърифланиши, луғат мақолалари контенти (мазмуни), дизайни ва муаллифнинг имкониятлари, шунингдек, замонавий ўқув луғатларининг мега, макро ва микроструктуралари хусусида сўз боради.

Мақолада лексикографик тадқиқотлар, уларни муайян ёзувчи ижоди бўйича тузиш, ундан кўзланган мақсад ва ёзувчининг индивидуал услубини белгилашдаги роли ҳақида, жумладан, Темурбек Тўрабоевнинг бадиий тафаккур оламини, ўзига хосликни бутун бўй-басти билан тасаввур қилмоқ учун «Теорема» романидаги сўз ва сўзшакллар луғати ҳақида маълумот берилган.

Мақола  Мақом  санъати  масаласига  доир  бўлиб,  Шашмақомдаги  “Рост”  мақомининг  ашула  бўлимидан Сарахбори  Рост  туркумининг  таркибий  тузилиши,  куй-оҳанг хусусиятлари,  сўз  матни  мазмуни  нуқтаи назаридан илмий-назарий ҳамда амалий таҳлил қилишга қаратилган. 

Мақолада Ўзбекистон таълим тизимида қўлланилаётган инглиз тили ўқув адабиётлари чуқур таҳлил қилинган, ўқув дарсликлари, адабиётлар ҳамда замонавий ўқув материалларини лойиҳалаштиришнинг асосий тамойиллари ўрганилган. Шу асосда чет тили ўқув материалини тузиш бўйича тавсия ва таклифлар берилган.
 

Мақолада Фарғона водийсига Саразм маданияти типидаги қадимги деҳқончилик хўжалигини юритувчи қабилаларнинг  кириб  келиши  ва  ушбу  ҳудудда  бутун  маданият  қатламидан гувоҳлик  берувчи,  кейинчалик Чуст  маданиятининг  асоси  ҳисобланган  сўнгги  энеолит  ва  илк  бронза  даври  билан  даврлаштирилган топилмалар тўғрисидаги масалалар кўриб чиқилган. 

Мақолада бошланғич синфларда инновацион технологияларни қўллаш воситалари, дидактик ўйинлардан фойдаланиш ҳақида сўз боради.

Глобаллашув жараёнлари оқибатида давлатлар, халқлар ўртасидаги муносабатларнинг ниҳоятда чуқурлашиб  кетаётганлиги  ахборот  инқилоби,  фан  ва  техника  тараққиётининг юксак  ривожи  билан характерланади. Шу билан бирга, ҳозирги даврда инсон онги ва қалбини эгаллашга қаратилган мафкуравий таҳдидларнинг  кучайиб  бораётганлиги  турли оқимлар  ва  кучлар  томонидан  ғаразли  мақсадларнинг  амалга оширилаётганлигида ҳам намоён бўлмоқда. “Маънавият”, “маънавий таҳдид”, “маънавий таҳдиднинг олдини олиш механизмлари”  ва  шу  каби  тушунчаларнинг  мазмун-моҳиятини  тушуниш,  тўғри  идрок  этиш  давр талаби  ҳисобланади.  Мақолада  шу  каби  тушунчаларнинг  мазмун-моҳияти, келиб  чиқиши  ва  тадрижий ривожланишига оид маълумотлар таҳлил қилинади.  

Мақолада физиологик жиҳатдан энг яқин бўлган шароитларни таъминлайдиган экспериментал ёндашувлардан фойдаланган ҳолда каламушларнинг ингичка ичакларида мембранали овқат ҳазм қилиш ва сўрилишини ўрганиш бўйича сўнгги маълумотлар келтирилган.

Мақолада  турли  йилларда  нашр  этилган  совет  тузумига  нисбатан  салбий  муносабатда  бўлган арбобларнинг  эсдаликлари  таҳлил  этилади.  Мақола  муаллифлари  ушбу адабиётларниг  характерли хусусиятлари ҳақида фикр юритишиб, уларнинг Ўзбекистоннинг совет даври тарихини ўрганишдаги манбавий аҳамиятини очиб беришга ҳаракат қилганлар. 

Мақолада мол-мулкни мусодара қилиш тушунчаси, жиноят-процессуал қонунчилигида мол-мулкни мусодара қилиш ҳаракатларининг ҳуқуқий асослари, аҳамияти ҳамда бу борадаги амалдаги қонунчиликни такомиллаштириш масалалари ўрин олган.

Исломдан  олдинги  даврларда  Фарғона  водийси  тарихи  ёзма  манбалар  ва  археологик  материаллар асосида  бирмунча  ўрганилган.  Хусусан,  бир  қатор  тадқиқотчилар  илк Ўрта  асрларда  Фарғона  водийсида мавжуд  бўлган  ҳукмдор  сулолалар,  бу  ерда  Турк  хоқонлиги  бошқарувининг  ўрнатилиши  масалаларига тўхталиб ўтишган. Шунингдек, Фарғона водийсида араб истилоси арафасида юз берган сиёсий воқеликлар, араб  босқинчиларига  қарши  кураш  ва  ҳоказо  масалаларда  ҳам  бирмунча  изланишлар  олиб борилган  бўлиб, уларни  тўлақонли  деб  бўлмайди.  Бу  масалани  ёритишда  яқин  йилларда  илм  оламига  танитила  бошланган “Насабномалар” алоҳида ўрин тутиб, улар асосида исломдан олдин Фарғона водийсини бошқарган сулолалар борасида муайян тасаввурларга эга бўлиш мумкин. 

Муаллиф сиёсий партия тушунчасини ва унинг жамиятдаги роли, шунингдек, партияларнинг давлат органларини шакллантириш институти сифатидаги вазифаларини таҳлил қилади. Шунингдек, Ўзбекистондаги партия тизимидаги мавжуд муаммолар ва уларнинг ечимига ўз нуқтаи назарини ва илмий хулосаларини билдиради.

Мақолада Қўқон хонлигининг Маллахон ҳукмронлиги даври (1858-1862 йй.) қўлёзма манбалар, илмий манбалар, илмий асарлар ва рисолалар асосида ёритилган. Мақолада сиёсий жараёнлар, ҳокимият учун кураш билан боғлиқ воқеалар таҳлил қилинган. Шунингдек, бу даврдаги Бухоро ва Қўқон хонликлари ўртасидаги сиёсий муносабатлар ҳам очиб берилган.

Мақолада молия органлари солиқ тўловчилар ва уларнинг даромадларини ҳисобга олишда ишни нотўғри ташкил этганликлари, уй хўжаликлари, колхозчилар хўжаликларидаги томорқаларнинг ўлчовлари тўғрисидаги маълумотлар тўлиқ бўлмаганлиги Ўзбекистон ССР мисолида архив манбалари ва бошқа турли илмий адабиётлар ёрдамида таҳлил қилиб берилади.

Туркистон Мухторияти тарихи, унинг тугатилиши ва совет ҳокимиятига қарши қуролли ҳаракатнинг бошланиши Ўзбекистон тарихидаги энг қизиқ ва долзарб мавзулардан бири ҳисобланади. Мақолада айни шу мавзунинг  ўша  давр  жадид  матбуотида  қандай  акс  этганлиги  таҳлил  этилади.  Муаллиф  миллий  матбуот Туркистон  Мухторияти  ва истиқлолчилик  ҳаракати  тарихининг  қайси  жиҳатларини  батафсил  ёритгани ҳамда унинг эътиборидан четда қолган масалаларга оид илмий фикрларини баён қилади. 

Мақолада 1917-1941 йилларда Ўзбекистонда чорвачиликнинг аҳволи ва муаммолари, хусусан, республикадаги от ва йилқичилик билан боғлиқ масалалар архив манбаларига таянилган ҳолда атрофлича таҳлил қилинган.

Мақолада  XIX  аср  охири  -  XX  аср  бошларида  Туркистоннинг  ижтимоий-сиёсий  ва  маънавий  ҳаётида исломнинг  ўрни  ва  роли  тарихи  ҳамда  манбашунослик  масалалари ёритилган.  Унда  рус  муаллифларининг Туркистондаги ислом динини ўрганиш бўйича асарлари батафсил таҳлил қилинган. Шунингдек, Ўзбекистон Республикаси  Фанлар академияси фондларида  сақланаётган  архив  ҳужжатлари  ва  XIX  аср  охири  -  ХХ  аср бошларида  маҳаллий  зиёлилар  ва  диншунос  олимларнинг  маҳаллий  газета  ва  журналларда  чоп этилган мақолалари ўрганилди. 

Мақолада республика радиосининг халқ ҳаётидаги ролининг ошиб  бориши ҳамда маданий, ижтимоий, иқтисодий соҳадаги билимларини бойитишга қўшган ҳиссаси очиб берилган. Шунингдек мақолада ҳудудий радиоэшиттиришлар, уларнинг моҳияти ва бу эшиттиришларнинг амалий ахамяти ёритилган. Радио орқали бериб борилган эшиттиришларнинг аҳоли онгига сингдирилиши  орқали жамият учун келтирган ижобий натижалири алоҳида тадқиқ этилган.

Мақолада сиёсат, иқтисодиёт ва хавфсизлик соҳаларидаги ҳамкорликнинг асосий даврлари ёритилган. Муаллиф мустақилликка эришилган кундан бугунги кунгача ушбу соҳаларда кўп ишлар қилинганлигини кўрсатади. Икки томонлама ҳамкорлик, дипломатик алоқаларни ўрнатиш, элчихоналар ва консулликларни очиш, юқори даражадаги ташрифларни ҳамда ваколатхоналар раҳбарлари, мудофаа  ва ҳуқуқ-тартибот вазирлари даражасида амалга ошириш билан боғлиқ масалаларни батафсил ёритади.

Мақолада инглиз тили дарсларида ахборот воситаларининг қўлланилиш тарихи ва улардан фойдаланишнинг ўзига хос хусусиятлари хақида атрофлича фикр юритилади.

Мақолада Германия давлатида кўп маданиятлилик ва нутқий этикет масалаларининг тутган ўрни, тилшунос олимларнинг бу масалага муносабатлари ҳақида атрофлича фикр юритилади.

Мақолада  телевидениенинг  фуқароларнинг  фаоллигини  оширишдаги  ўрни  очиб  берилган.  Хусусан, 
Ўзбекистон  телеканалларида  мустақиллик  йилларида  аҳолида  демократик  тафаккурни  шакллантириш  ва 
сиёсий  фаолликни  ошириш  борасида  тайёрланган  теледастурларнинг  амалий  аҳамияти  ёритилган. 
Шунингдек,  фуқароларнинг  қайси  оммавий  ахборот  воситаларидан  кўпроқ  фойдаланиши,  бунда 
телевидениенинг  аҳоли  ҳаётидаги  ўрни  социологик  тадқиқотлар  хулосалари  асосида  кўрсатиб  берилган.  
Телевидениенинг фуқароларнинг ҳуқуқий маданиятини ошириш, уларнинг таклиф ва шикоятларини ёритиш, 
жамоатчилик назоратини амалга оширишдаги ўрни тадқиқ этилган. 

Мақолада А. Қодирийнинг “Ўткан кунлар” асаридаги диалогларнинг русча ва немисча таржималари талқини хусусида сўз боради.

Мақолада истиқлол йилларида Ўзбекистон ирригация тизимининг модернизация қилинишига катта эътибор  қаратилиши,  соҳанинг  замонавий  жиҳозлар  ва  асбоб-ускуналар  билан таъминланиши,  сув ресурсларининг  муҳофаза  қилиниши,  суғориладиган  ерларнинг  мелиоратив  ҳолати,  гидротехник иншоотларнинг  реконструкция  қилиниши,  таъмирланиши ҳамда  соҳага  капитал  маблағлар  сарфлашнинг йилдан-йилга ортиб бориши ҳақидаги масалалар таҳлил қилинган. 

Темурийлар  даври  воқеаларини  ўрганишда  қимматли  манба  ҳисобланадиган  Абдураззоқ Самарқандийнинг  “Матлаи  саъдайн  ва  мажмаи  баҳрайн”  асарида  кўплаб соҳаларга оид  маълумотларни олишимиз мумкин. Манбада темурийларнинг сиёсий-ижтимоий ва жанговар фаолиятларидан ташқари маданий-
маърифий  жараёнларга  оид  маълумотлар  ёритилган.  Мақолада  айнан  маънавий-маърифий  жараёнларга  оид қандай маълумотлар олишимиз мумкинлиги ҳақида сўз юритилади. 

Мақолада Шукруллонинг қатағон мавзусидаги асарлари, хусусан, “Кафансиз кўмилганлар”, “Тирик руҳлар” ва “Жавоҳирлар сандиғи” романлари таҳлил қилинган. Ёзувчининг типик образлардан фойдаланиш, характер яратиш маҳорати ўрганилган.

Мақолада хорижий тил дарсларида талабаларнинг оғзаки нутқини ўстиришнинг педагогик усуллари ҳақида сўз боради.
 

Мақолада  Туркистонда  совет  ҳокимиятини  мустаҳкамлаш  мақсадида  ўлка  халқлари  тили,  дини, маданиятига  муштарак  бўлган  татарлар  “сафарбарлиги”дан  фойдаланганлиги ёритилган.  Татарлар  дастлаб совет ҳокимияти бошқарувини мустаҳкамлаш мақсадида жўнатилган бўлса, кейинчалик, яъни 1921-1923 йиллари Волгабўйидаги  юз  берган очарчилик туфайли  оила аъзоларини, қариндош-уруғларини  ва  ҳатто  ҳамкасбларини ҳам  турли  баҳоналар  билан  Туркистонга  чақириб  олганликлари  ҳақида  маълумотлар  бериб  ўтилган. Марказ совет  ҳокимияни  мустаҳкамлаш  учун  татарлардан  “кадрлар  таъминоти”да,  хусусан  бошқарув  тизимида  ва ҳарбий-сиёсий муносабаларда ҳам унумли фойдаланганликлари таҳлил қилинади. 

Мақолада хорижий тил дарсларида ижтимоий шаклларнинг тутган ўрни ва унинг ўзига хос хусусиятлари хақида фикр юритилади.
 

Mақолада оила ва оилавий қадриятлар масаласи  ёритилган бўлиб, унда   айрим ўзбек-корейс xaлқ мақол ва эртакларида  юзага келган типологик ўхшашликлар ўрганилган. 

Мақолада талабаларга чет тилини ўргатишда қўшиқлардан фойдаланиш соҳасидаги педагогик- методик тадқиқотларнинг таҳлилий шарҳи келтирилган. Чет тили дарсларида қўшиқлардан фойдаланиш бўйича вазифалар ҳам тақдим этилган.

Мақолада ўзбек маърифатпарвар ижодкорларнинг кўзлаган мақсад ва режалари, мумтоз анъаналарни ичдан янгилашга ҳаракат қилишлари ёритилган. Ғарбий Европа маърифатчилик даври ҳамда ўзбек жадидчи маърифатпарварлари адабиётидаги ғоявий ва маърифий ўсиш жараёни, адабий тур ва жанрлар тузимининг такомиллашуви таҳлил этилган.  

Мақолада жаргонларнинг қўлланиш хусусиятлари, уларнинг вазифалари, шунингдек, сўзлашув нутқига салбий таъсири  кўриб чиқилади.

Мақолада    умумий  ўрта  таълим  мактабларида  аруз  вазнини  ўргатиш  билан  боғлиқ  муаммога  эътибор қаратилган. Бу масалага Юсуф Хос Ҳожибнинг “Қутадғу билиг” асарини ўргатиш мисолида ойдинлик киритилган.