Бу  мақолада  тўртинчи  тартибли  сингуляр  коэффициентли  хусусий  ҳосилали    тенглама  учун  Гурса масаласи  ўрганилган.  Масалани  ечиш  учун  икки  ўлчовли  умумлашган Эрдейи-Кобер  оператори  қўлланилган. Ечим ошкор кўринишда топилган. 

Яримчексиз  параллелепипедда  учта  сингуляр  коэффициентга  эга  бўлган  эллиптик  тенглама  учун иккита чегаравий Дирихле типидаги масала ва Келдиш масалалари тадқиқ қилинган. Масалалар ечимининг ягоналиги ва мавжудлиги спектрал анализ усули ёрдамида исботланган.  

Яримўтказгич  ўтказувчанлик,  валент  ва  спин  орбитал  зоналарни  ўз  ичига  олган  Кейн  модели  ҳамда Латтинжер-Кон  яқинлашишларида  ток  ташувчилар  эффектив гамильтонианининг  матрицавий элементлари таҳлил қилинган. 

Мақолада табиий цианогликозид-амигдалин ва унинг м-ферроценилбензой кислотаси асосида  синтез қилинган янги бирикмаси, янги модданинг  айрим физик-кимёвий кўрсаткичлари, тузилишини характерловчи ИК-спектри келтирилган. 

Мақолада  муаллифлар  томонидан  Фарғона  вилоятидаги  болалар  орасида  бирламчи  ногиронлик структураси  ўрганилган.  Ногиронлик  структураси  болаларнинг  турар жойлари  ва  уларнинг  ёш-жинс гуруҳлари бўйича таҳлил қилинган. 

Мақолада юкланган Бернулли тенгламаси учун интеграл шартли масала ечимини топиш усули баён қилинган.

Мақолада  Фарғона  вилоятининг  жанубий  ҳудудларида  етиштириладиган  карам,  сабзи,  булғор қалампири  каби  сабзавот  экинлари  агроценозларида  ўсувчи  бегона  ўтлар нематодафаунасининг  турлар таркибини ўрганиш бўйича материаллар келтирилган. 

Мақолада  Бессел-Клиффорд  функцияларининг баъзи  умумлашмалари ва уларнинг хоссалари баён қилинган.
 

Мақолада тўғри бурчакли учбурчакнинг фақат гипотенузаси берилганда унинг катетларини ёки фақат битта катети берилганда, унинг иккинчи катети ва гипотенузасининг бутун ечимларини топиш, тўғри бурчакли параллелепипеднинг диагонали узунлиги берилганда, унинг учала ўлчовларининг бутун ечимларини топиш каби масалаларни ечиш усули баён қилинган.

Мақолада инсон фаолиятининг моҳияти ва хусусиятлари унинг ижтимоийлашуви жараёнлари нуқтаи назаридан очиб берилган. Мазкур жараён республикамизда содир бўлаётган ижобий ўзгаришлар ҳамда инсон омилининг ўсиб бориши билан ҳам боғланган. 

Мақолада маънавий маданиятнинг ижтимоий ҳаёт тизимида тутган ўрни,  миллийлик ва умуминсонийлик тамойиллари, маънавий қадриятларни ўзлаштиришнинг аҳамияти масалалари ёритилади.

Бугунги  кунда  республикамизда  ҳам  структуравий  ўзгаришлар  рўй  бермоқда.  Маълумки,  структура тизимнинг элементлари ўртасидаги ўзаро боғланиш ва ўзаро таъсирларни ўзида акс эттиради. Шу сабабли структуранинг  ўзгариши  жамиятнинг  ҳам  ўзгаришига  олиб  келади.  Ушбу  мақолада  ривожланишнинг Ҳаракатлар  стратегияси  мураккаб  тизим сифатида,  яъни  унинг  элементлари  орасидаги  ўзаро  мулоқот, боғланиш ва таъсирлар тизимли таҳлил этилади.

Мақолада XIX аср охири – XX аср бошларида Қўқон шаҳри аҳолисининг таркиби ва унинг ўсиш динамикаси архив материаллари асосида ёритиб берилган.

Мақолада инсоният тарихи ва бугунги кундаги глобал таҳдидлар, уларнинг хавфи, моҳияти ҳақидаги илмий  нуқтаи  назарлар  келтирилган.  Жумладан,  бунёдкор  ғоялар  ва бузғунчи  ғояларнинг  мавжудлиги, уларнинг халқ манфаатларига таъсири ёритилган. 

Кўп манбалар ва архив маълумотлари таҳлили асосида Ўзбекистон ва Озарбайжон ўртасидаги Гуманитар алоқалар тарихи ва уларнинг бугунги кундаги дўстона алоқалари кўриб чиқилади. Мақолада Иккинчи Жаҳон уруши даврий матбуотидаги маълумотлардан ҳам фойдаланилган.

Мақолада  туризмнинг  жаҳон  миқёсидаги  тарихий  тараққиёти  ҳамда  бу  жараёндаги  маданиятлараро мулоқотнинг  аҳамияти  очиб  берилади.  Бунда  Осиё  ва  Тинч  океани минтақасининг  халқаро  туризм тизимидаги  муҳим  элементга  айланиб  бориши  жараёнлари  таҳлил  қилинади.  Шунингдек,  мазкур минтақалардаги  туризм  салоҳиятининг юксалиб  бориш  сабаблари  ҳамда  истиқболлари  таҳлилига  алоҳида эътибор қаратилади. 

Мақола  миллий  Мақом  санъати  масаласига  доир  бўлиб,  Шашмақомдаги  “Бузрук”  мақомининг  ашула бўлимидан  Сарахбори  Бузрук  туркумини  ҳам  назарий,  ҳам  амалий жиҳатдан  узвийлик  ва  узлуксизлигини таҳлил қилишга қаратилган. 

Мақолада  Иккинчи  жаҳон  уруши  йилларида  ўзбек  халқи  ҳаётида  содир  бўлган  ўзгаришлар,  халқ ҳаётининг фронт ортидаги аҳволи, бу жараёнда хотин-қизларнинг кўрсатган жасорати ва ғалабага қўшган ҳиссаси,  жанг  майдонларида  қаҳрамонлик  кўрсатган  ўзбек  қизлари,  шунингдек,  бугунги  кунда  Ўзбекистон ҳукумати томонидан уруш фахрийларига кўрсатилаётган эътибор ҳақида сўз юритилади.  

Мақолада  аниқ  далиллар  ва  расмий    ҳужжатлар  асосида  ногиронлар  нодавлат  нотижорат ташкилотларининг  ташкил  топиш  тарихи  ва  уларнинг  мустақиллик  йилларидаги фаолияти  йиллар кесимида  очиб  берилган.  Мақолада  мустақиллик  йилларида  ишлаб  чиқилган  ногиронларни  ижтимоий  ҳимоя қилиш, уларга муносиб турмуш шароитини яратиб бериш механизмлари ёритилган.  

Мақолада    ХХ  асрнинг  биринчи  чорагида  Бухорода  таълим-тарбия  муаммолари    илмий  жиҳатдан таҳлил қилинган. 

Мақолада Ўзбекистоннинг мустақилликка қадар ва ундан кейинги тараққиётида ёшлар сиёсатининг тарихий  шаклланиши  ва  ривожланиши ҳақида сўз  боради.  Биринчи  ва ҳозирги  ёшларга оид  давлат  сиёсати таққосланган. Шунингдек, фуқаролик жамияти институтлари, уларнинг тарихий тажрибаси ва мустақиллик йилларида мамлакатда ёшларни қўллаб-қуватлашдаги роли кўриб чиқилган.   

Мақолада архив материаллари асосида Сурхондарё вилояти меҳнаткашларининг Иккинчи жаҳон уруши йилларидаги  шижоатли  фаолияти,  фронтга  юборган  моддий  ёрдами ҳамда  ватанпарварлиги  билан  боғлиқ жиҳатларни таҳлил қилиш орқали кўрсатиб берилган. 

Мақолада ХХ асрнинг иккинчи ярми − ХХI асрнинг биринчи чорагидан бошлаб Ўзбекистонда туризмни ривожлантиришнинг  асосий  босқичлари  кўриб  чиқилган.  Ўзбекистон Республикасининг  норматив-ҳуқуқий базаси  изчил  ўрганилиб,  таҳлил  қилинган,  туризм  соҳасида  давлат  сиёсатининг  йўналишлари  белгилаб олинган, Ўзбекистонда тарихий-маданий меросни сақлаш ва туризмни ривожлантиришга хизмат қилувчи олд шарт-шароит ва омиллар аниқланган. 

Мақолада Ўзбекистон ССРда 1926 йилда ўтказилган аҳолини рўйхатга олиш тадбирлари ёритилган. Шунингдек,  мақолада  аҳолини    рўйхатга  олиш  тадбиридан  Совет  ҳокимияти ҳукмрон  доира  вакилларининг кўзлаган мақсадлари ҳам атрофлича ёритилган. 1926 йили ўлка ҳудудида ўтказилган аҳолини рўйхатга олиш тадбири  жараёнида  Марказий статистика  бошқармаси  томонидан  рўйхатга  олинган  аҳоли  статистикаси  шакллантирилганлиги ва мазкур тадбирнинг якуний натижалари вилоятлар кесимида чоп этилгани бирламчи статистик манбалар асосида атрофлича таҳлил қилинган. 

Мақолада  Фахрий  Ҳиравийнинг  аёлларга  бағишланган  илк  тазкираси  −  “Жавоҳир  ул-ажойиб”  ҳамда тазкиранинг дунё кутубхоналарида сақланаётган қўлёзма нусхалари ҳақида маълумот берилган. 

Тарихий  ҳақиқатни  бадиий  воқеликка  айлантириш  адибдан  ижодий  изланиш,  фактик  материалларни обдан ўрганишни талаб этади, бунда шеърий ғояни яратувчи ва уни мувофиқлаштирувчи Пафос концепцияси ойдинлашади.  Ҳақиқатан  ҳам  кўпйиллик  ижодий  изланишлар  натижасида  дунё  юзини  кўрган  Муҳаммад Алининг «Буюк салтанат» тетралогияси бу жараённинг типик мисолидир. Бадиий пафос бадиий услубнинг бир қисми ҳисосбланиб, у орқали лирик-романтик кайфият ифодаланади. Ёзувчининг ғоя  ва ниятлари Пафос билан  бевосита  боғлиқ.  Бу  аспект  тетралогиянинг  англанган  соҳаси  билан  боғлиқ  эканлиги  назарий жиҳатдан исботлаб берилган. 

Мақолада  АҚШ  адабиётида  тарихий  асарлар  шаклланиши  омиллари,  такомили  ҳақида  баҳс юритилади.  Бунда  турли  олимларнинг  фикр-мулоҳазаларига  муносабат  билдирилади.  Баъзи  олимларнинг фактларни бирёқлама талқин этишлари реалликка мос келмаслиги кўрсатилади. АҚШ адабиётида тарихий асарларнинг  узоқ  йиллар  давомида  шаклланиш  жараёнида  мемуар,  хотира,  эсдалик,  кундалик    каби  оралиқ жанрларнинг  ўрни  кўрсатилиб,  ХIX  аср  бошларига  келибгина  том  маънодаги  тарихий  асарлар  яратила бошлангани таъкидланган.  

Мақолада Беҳбудий ва Ҳамза асарлари мисолида жадид драмасидаги қаҳрамон талқини ҳамда таълим-тарбия масаласи таҳлилга тортилган. 

Мақолада хитой тилида редупликатив сўзларнинг ҳосил бўлиши, маъноси ва қўлланилиш хусусиятлари кўриб чиқилган.  

Орообъектларнинг номланишида диний эътиқод ва тушунчалар, муқаддас, илоҳий деб қаралган нарса, воқеа-ҳодисалар  ўзига  хос  мотивация  вазифасини  бажариб  келади. Мақолада  шундай  ҳодисалар  Жанубий Ўзбекистон оронимлари мисолида тадқиқ этилган. 

Мақолада  олам  лисоний  манзарасининг  тилшуносликдаги  таҳлили  ва  «Олам  манзараси» тушунчасининг  умумий  талқини  келтирилган.  Шунингдек,  ОЛМ  турли  тиллардаги мутаносиблиги,  ўзбек тилшунослигига  кириб  келиши,  лингвистик  нисбийлик,    ОЛМ  га  лингвокультурологиянинг  таъсири  ҳамда ОЛМ тушунчасининг бир неча функциялари ўрганилган.  

Мақолада  инглиз  ва  ўзбек  тилларида  зоонимик  компонентли  фразеологик  бирликларнинг  миллий-маданий  хусусиятлари  таҳлил  этилган.  Ўтказилган  тадқиқот  натижалари инглиз  тилидаги  зоонимик компонентли  фразеологик  бирликлар  ва  улар  семантикасидаги  миллий-маданий  элементлар  турли халқлардан кириб келганлигини кўрсатди.  

Мақолада 1917 – 1921 йилларда совет ҳокимияти томонидан ота-онасидан ажралган болалар ўртасида ҳуқуқбузарликлар профилактикаси бўйича амалга оширилган айрим ишлар фактлар асосида ёритилган.

Ҳозирги  кунда  эмоционал  сўзлар  муаммоси  тилшуносликдаги  долзарб  масалалардан  бири  саналади. Мақолада  инглиз  тилида  ҳақоратли  бўлган  сўзлар  кенг  таҳлил  қилинган ва  гуруҳларга  ажратилган.  Ушбу сўзлар қаторига кўпол, кишини ҳақоратловчи вульгаризмлар ҳам киради. Мақолада яна одамларнинг салбий сифатларига нисбатан қўлланилувчи зоометафораларга ҳам кенг ўрин берилган.  

Мақола Кетрин Мансфилднинг қисқа ҳикояларида аёлларнинг ёлғизлиги мавзусини муҳокама қилишга қаратилган. Унинг қисқа ҳикояларида аёлнинг жамиятдаги ўрни, мавқеи ва қадриятлари акс этган. Мансфилд қашшоқ ҳаёт кечирадиган ва ҳиссий ёки жисмоний жиҳатдан маҳрум бўлган ёлғиз аёллар ҳақида кўплаб ҳикоялар ёзган. Мансфилд қаҳрамоннинг ички дунёси ва ҳаётини ҳис қилади.

Мақолада аффиксоидларнинг маъно товланишлари масаласи,   -хона, -жон, -хон, -ой, -обод, -бой, -бачча/-вачча,  -той  каби  аффиксоидларнинг  изоҳи,    нома,  гоҳ  сингари     аффиксоидларнинг  ишлатилиш  ўрни  ва мазмуни очиб берилган.  Сифат лексемаси олдидан келадиган  энг, ғоят, ғоятда, бағоят, ниҳоятда, жуда каби бирликларга  муносабат билдирилган.  Шунингдек,  айрим  манбаларда  тарихий  нуқтаи  назардан  эрмоқ феълидан ҳосил бўлган, бугунги кунда тўлиқсиз феъллар номи билан аталадиган эди, экан, эмиш шакллари ҳам аффиксоид ҳолатига келиб қолган бирлик сифатида қаралаётганига янгича фикрлар келтирилган. -ой, -жон каби аффиксоидларнинг сўз таркибида келиши мисоллар асосида изоҳлаб берилган 

Мақола сўзларнинг фоносемантик маъноси тадқиқига бағишланган. Ҳар қайси  ҳарфнинг маъно англатиши ассоциатив тажрибаларда қатнашган шахсларнинг жавоблари орқали аниқланганлиги ифодаланади.

Мақолада  олийгоҳ  таълими  жараёнида  инглиз  тилини  ўқитишда  ўйин    методларининг  назарий  ва амалий  жиҳатлари  кўриб  чиқилган.  Ўйиннинг  пайдо  бўлиши  назарияси буйича  психологик  ва  педагогик  адабиёт,  айнан,    К.Ливингстоун,  К.Д.Ушинский,  Д.Б.Эльконин,    М.Ф.Стронин,  Л.С.  Выготский  ва  бошқа олимларнинг    ишлари  таҳлил қилинган. Ўйин  методларининг  функциялари  ёритиб  берилган:    таълимий, тарбиявий,  қизиқтирувчи,  коммуникатив,  релаксация,  психологик,  ривожлантирувчи.  Инглиз  тилини ўқитишда  ўйин методларидан фойдаланиш методикаси тасвирланган ҳамда аниқ мисоллар келтирилган. 

Мақолада  ёш  ўқувчиларнинг  жисмоний  тарбияси  учун  ўқув  жараёнига  инновацион  усулларни  жорий этишга қаратилган экспериментал тадқиқотлар натижалари келтирилган. 

Мақолада инглиз тилидаги мақоллар ва маталларни ўқитиш муҳокама қилинади. Мақола муаллифининг фикрига кўра, сўнгги йилларда умумтаълим мактабларида чет тилларни ўқитишнинг замонавий усулларидан фойдаланиш ва ўқувчиларга чет тилларни ўқитиш сифатини ошириш, уларнинг коммуникатив маданиятини шакллантириш ва ривожлантиришда самарали фойдаланиш тўғрисидаги масала тез-тез кщтарилмоқда.

Диний билимлар, дунёвий билимлар билан бирга инсонларнинг ҳаётий қоидалари ва ахлоқий нормаларини яратишга хизмат қилади. Диний билимларни англаш жараёнида тил муҳим роль ўйнайди. Мақолада дунёни англашда тилнинг аҳамияти ёритилган ва ўзбек тилига хос асосий диний концептлар таҳлил қилинган.

Мақолада замонавий  тилшуносликдаги “to force” феълининг контекстлардаги  лексик-семантик маънолари ўрганилади.

Мақолада варваризмларнинг қўлланилиши – бу, шунчаки ёзувчи ёки гапирувчига эмас, балки тил коммуникатив функцияси пайтида тингловчи ёки китобхон учун таниш ёки нотаниш бўлган янги тил, янги дунё, янги маданиятнинг унсурларини у биладиган тилга олиб кириш ва шу йўл билан уни янги тил, янги маданият ва янги дунё билан таништируви ёритиб берилади.

Мақолада ўзбек ва инглиз тилларининг товуш тизими ёритилган бўлиб, унда асосан унли товушларга эътибор қаратилган.   

Мақолада Муҳаммадшариф Гулханийнинг “Зарбулмасал” асаридаги қушлар образлари воситасида қудачилик можароларини тасвирлаш орқали ўша замондаги ижтимоий муносабатлар, миллий одатлар кўрсатиб ўтилган.

Мақолада  Шарқ адабиётида кенг тарқалган, Ғарб адабиётшунослигида притча деб юритиладиган ҳикоятларнинг жанр хусусиятлари, мавзулар кўлами ва ғоявий мақсадлари ҳақида сўз юритилади.

Мақолада Чингиз Айтматов ижодида қўлланилган архетип образлар, уларнинг илдизлари ҳақида фикрлар акс этади. Архетип образларнинг функцияси ёзувчи асарлари ёрдамида таҳлил қилинади.

Мақолада Назира ва унинг хусусиятлари, бошқа шеърий шакллардан фарқи, мумтоз мерос, адабий муҳит ва муайян ижодкор меросида тутган ўрни ҳақида сўз боради.

Мақолада ижтимоий-маданий компетентликни шакллантиришнинг  педагогик-психологик  муаммолари ёритилган.    Шунингдек,  олий  таълим    муассасаси  талабаларида    ижтимоий  –  маданий    компетентликни шакллантиришда муомала маданиятининг ўрни ва зарурий  томонлари тахлил қилинган. 

Мақолада замонавий дарсликларда ёзиш кўникмаларини ривожлантиришнинг тутган ўрни ва ўзига хос хусусиятлари ҳақида фикр юритилади.

Мақолада  нофилологик  олий  ўқув  юртларида  талабаларнинг  чет  тилида  коммуникатив компетенциясини  шакллантиришнинг  мақсад  ва  мазмуни  таҳлил  қилинди.  Шу  билан бирга  чет  тилида коммуникатив  компетенцияни  шакллантириш  масалаларини  тадқиқ  этган  психолингвист  олимларнинг таҳлили  ҳақида  ҳам  сўз  боради.  Нофилологик  олий ўқув  юртларида  чет  тилида  коммуникатив компетенцияни шакллантириш бўйича хулоса ва таклифлар берилган.

Мақолада  чет  тилини  ўқитиш  фаолияти  маҳсулдорлигини  таъминлашга  эришиш  техникаси  ҳақида фикр  юритилган.  Муаллифнинг  фикрича,  хорижий  тилни  ўрганувчи ўрганилаётган  хорижий  тилнинг фонетикаси,  морфологияси  ва  лингвистикасини  онгли  равишда  ўзлаштириши  ва  уларни  мулоқотда  қўллай олиши лозим. 

Мақолада янги методлардан фойдаланиш педагогика соҳасидаги энг муҳим талабларга асосланиши ҳақида фикр-мулоҳазалар юритилган.