Мақолада иккита сингуляр коэффициентга эга бўлган гиперболик типдаги тенгламанинг умумий ечими қурилган.

 

Мақолада тўртинчи тартибли сингуляр коэффициентли тенглама учун тўғри тўртбурчакда бир чегаравий масала ечимининг ягоналик ва мавжудлик ҳақидаги теоремалар спектрал усули билан
исботланган.
 

Мақолада умумий ўрта таълим мактабларида ўқувчиларни физикага ўқитишда технология фанини ўрганишга оид масалаларга боғлаб дарс ўтишнинг интерфаол усуллари ёритиб берилган.
 

Мақолада табиий ва синтетик озиқ-овқат қўшилмаларининг фойдали ва зарарли хусусиятлари атрофлича таҳлил қилинган.
 

Мева данаклари чиқиндиларидан термик ишлов бериш асосида адсорбентлар олиниб, уларнинг физиккимёвий хоссалари тадқиқ этилган. Уларни оқава сувларни оғир металларнинг ионларидан тозалашда
ишлатиш мумкинлиги моделлаштирилган мис ионли оқава сув билан ўтказилган тажрибаларда ўрганилган.
 

Мақолада қишлоқ хўжалигининг муҳим тармоғи ҳисобланмиш асаларичиликни ривожлантиришнинг аҳамияти мисоллар асосида ёритилган. Ушбу тармоқ мутахассисларини тайёрлаш борасида Фарғона давлат
университетида олиб борилаётган ишлар ҳақида маълумотлар берилган.
 

Мақолада тупроқ унумдорлигини баҳолаш учун тупроқ мураккаб объект эканлиги кўрсатилган ва бу соҳада мавжуд бўлган турли усуллар таҳлил этилган. Тупроқ унумдорлиги, унинг барча хосса-хусусиятлари
ва ҳосил бўлиш шароитлари функцияси бўлганлиги сабабли, уни баҳолашда тупроқ моделларидан фойдаланиш мақсадга мувофиқ эканлиги кўрсатилган.
 

Мақолада республиканинг инновацион ва модернизациялаш жараёнида инвестицияларнинг самарадорлигини ошириш ва улардан оқилона фойдаланиш тўғрисида таҳлилий оқимлар муаммосини кўриб
чиқиш ва мақбул халқаро амалиёт, тажрибалардан фойдаланиш сиёсатини такомиллаштириш йўллари ёритилган.
 

Мақолада XIX асрнинг охирги чораги – XX асрнинг 60-йилларида яшаган, Туркистон (Ўзбекистон) мустақиллиги учун курашда иштирок этган Усмон Хўжа Пўлатхўжаев фаолиятини ўрганишга оид манбалар ҳамда
тарихий тадқиқотлар ҳақида фикр юритилади.

 

Мақолада мустақиллик йилларида республикада таълим соҳасининг юқори бўғини ҳисобланган олий таълим тизимида замон талабларига жавоб берадиган кадрлар тайёрлашни кўзлаб амалга оширилган
ислоҳотлар ва юзага келган муаммолар ҳақида сўз боради. Шунингдек, олий таълим тизимида мавжуд муаммоларни аниқлаш ва бартараф этиш ҳамда сифат жиҳатдан янги босқичга олиб чиқишга қаратилган давлат раҳбарининг фармонлари, қарорлари, давлат дастурлари ижроси таҳлил қилинган.

 

Мақолада 2012-2018 йилларда Ўзбекистон Республикасининг халқ таълими соҳасидаги халқаро муносабатлари ва хорижий тилларни ўқитиш тарихий нуқтаи назардан таҳлил қилинган ҳамда мактаб таълими
тизимидаги ислоҳотларнинг янги босқичи ёритилган.

 

Мақолада ширкат хўжаликлари фаолияти ҳақида сўз юритилади. Шунингдек, ширкат хўжаликларидаги муаммолар, уларга санациянинг қўлланилиши, паст рентабелли хўжаликларнинг тугатилиш жараёни ҳақида маълумот берилади.

 

Мақолада милоддан аввалги IV–III минг йилликларда Қадимги Шарқ ҳудудлари, шу жумладан, Олд Осиёниэгаллаган ксеротермик иқлим туфайли аҳолининг йирик миграцияси Ўрта Осиёнинг жанубий ҳудудларигача кириб келганлиги, бизнинг ҳудудларга жанубий ҳудудлардан келиб қолган аҳолининг турмуш тарзи, маданияти, ижтимоий-иқтисодий ҳолати, Фарғона водийси маданиятининг Жанубий Туркманистон ҳудудлари билан ҳамоҳанг ривожланганлиги тўғрисида сўз юритилади.

 

Мақолада мафкуравий жараёнларнинг мазмун-моҳияти, аҳамияти ва муносабатларнинг жамият ривожланишига таъсир этишининг хусусиятлари ҳақида сўз боради.

 

Мақолада ҳуқуқ тармоқлари тизимида ҳуқуқ фалсафаси тушунчаси, унинг моҳияти ва мазмуни очиб берилган. Шунингдек, ҳуқуқ фалсафасининг таркибий элементлари, хусусан, ҳуқуқий маданият, ҳуқуқий онг ва
конвенцион қисмларининг ўзаро алоқадорлиги атрофлича ўрганилган.

 

Мақолада ҳозирги даврда дунё миқёсида фаоллашиб бораётган миссионерлик ва прозелитизм ҳаракатининг моҳияти, мақсадлари ва миллий давлатлар ҳамда халқларнинг тинч, осойишта турмушига
солаётган хавфи масалалари ёритилган. Шунингдек, унга қарши курашнинг қонуний асослари тўғрисида тавсиялар берилган.

 

Мақолада ўзбек адабиётида хронотопнинг мавжудлиги ҳақида сўз юритилади. Унинг тарихий илдизлари халқ оғзаки ижоди ва қадимги туркий битиклардан бошланади. Воқеликни бадиий идрок этишда ижодкорлар ўз даврида оламни уч ўлчамли дунё сифатида қабул қилишган, бунда хронотопни реал ва ирреал турларга ажратиш мумкинлиги исботланган.

 

Мақолада мустақиллик даври ўзбек шеъриятининг анъанавийлиги ва ўзига хос хусусиятлари халқ оғзаки ижоди билан қиёсан тадқиқ этилган.

 

Мақола Шарқ поэзиясининг, хусусан, форс классик адабиётининг немис романтик адабиётига, Гёте ва Ҳайне ижодига самарали таъсирини ёритишга, буюк немис ижодкорларининг асарларида Абулқосим Фирдавсий тақдирининг турлича талқинлари таҳлилига бағишланган.

 

Мақолада Наманган болаларининг доимий ўйинлари тадқиқ этилган ва мавзу бир қатор ўйинлар таҳлили орқали ёритилган.

 

Мақолада тил ва унинг сатҳларининг систем хусусиятини белгилашда муҳим саналувчи парадигматика ва парадигматик муносабатлар, синтагматика ва синтагматик муносабатлар, уларнинг тил сатҳларидаги амали хусусида фикр юритилади.

 

Мақолада контрастив лингвистикага хос бўлган конгруэнтлик ҳодисаси тадқиқ этилган ҳақида конгруэнтликнинг шаклий даражаси ва улардаги семантик фарқланишлар кўрсатиб ўтилган.

 

Мақолада ўхшатишларни маъновий гуруҳларга бўлиш асосида уларда акс этган миллатнинг миллий дунёқараши, табиат ва жамиятга муносабати, дунёни англашдаги миллий тафаккури, таққослаш маҳорати
“Алпомиш” достонида қўлланилган ўхшатишлар мисолида таҳлил этилган.

 

Мақолада рецептив йўналишдаги нутқ фаолиятининг тури бўлмиш ўқиш жараёнида идрок этиб тушунишга оид фикр-мулоҳазалар баён этилган. Унда ўқиш ҳақида психологик ва физиологик илмий ғояларга эътибор қаратилган.

 

Мақолада бошланғич синфларда масала ёзишга ижодий ёндашиш усуллари ёритилган.

 

Мақолада совет ҳокимиятининг 1917-1941 йиллардаги уй-жой қурилиши соҳасидаги сиёсати таҳлил қилинган. Асосий эътибор уй-жой масаласини ҳал қилиш учун совет ҳокимияти уни давлат мулки деб эълон қилганлиги ва аҳолига таъсир кўрсатиш воситаси сифатида ундан фойдаланганлигига доир масалалар кўрсатиб берилган. Ҳокимият уй-жой инқирозини бартараф қилмасдан, бу соҳада хўжалик бошқарувини йўлга қўя олмади ва уй-жой қурилишини оммавий равишда ташкил қилмаганлини туфайли уй-жойга хусусий мулкчиликни тўлиқ бекор қила олмаганлиги очиб берилган

 

Мақолада Фарғона-Тошкент мақом йўлларининг шаклланиш тарихига доир фикрлар таҳлил этилган. Шунингдек, Ўрта Осиё мутафаккирларининг мақом ҳақида ёзган рисолалари миллий мусиқа маданиятини
ривожланишидаги роли ёритиб берилади.

 

Мақолада фуқаролик жамиятига доир классик назарияларнинг ривожланиши илмий жиҳатдан ёритилган, муаммонинг маълум ечим ва тавсиялари келтирилган.

 

Мақолада урбанизациянинг жамият тараққиётидаги ўрни, унинг муҳим жиҳатлари тадқиқ этилган. Глобаллашув шароитида урбанизациянинг ижтимоий тараққиётдаги ўрни Ўзбекистон мисолида ёритиб берилган.

 

Мақола Алишер Навоийнинг ислом дини қонун-қоидаларини шеърий шарҳловчи “Сирож-ул муслимин “ асари таҳлилига бағишланган . Шунингдек, унда асарнинг яратилиш тарихи, даври, муҳити ҳақида сўз боради.

 

Мақолада А.Крониннинг “Цитадель” (“Қаср”) романи орқали феълли ибораларнинг инглиз тилидан ўзбек тилига таржима қилишдаги қийинчиликлар ҳақида сўз боради. А.Крониннинг “Қаср” романидан инглиз тилидан ўзбек тилига таржима қилишнинг ўзига хос хусусиятларини ўрганиш учун фойдаланилган.

 

Мақолада инглиз тили Америка вариантининг шаклланиш қонуниятларини Британия вариантидан фарқ қилувчи томонлари кўриб чиқилган.

 

Мақолада ассоциатив реакцияларнинг ташқи ва ички омилларга бўлиниши ва ташқи омилларнинг хусусиятлари талқин этилади. Ассоциатив тажрибанинг натижалари таҳлил қилинади.

 

Мақолада когнитологик бирликлар: слот, фрейм, сценарий, тушунча, образ, гештальт таҳлил қилинган.

 

Мақолада инглиз адабиётидаги олам ва одамга тегишли ҳодиса ва ҳолатларни изоҳлашда фойдаланиладиган символизмларнинг ўзбек адабиётида бир қадар ўзгача ифодаланиши ва тасвирланиши ёритилиб берилган.

 

Мақолада ишчи дафтарнинг ўқув жараёни самарадорлигини оширишдаги ўрни ва роли масаласи кўриб чиқилган. Кўп функцияли дидактик восита бўлган ишчи дафтарнинг тузилиши, турлари ва аҳамияти таҳлил
қилинган. Ишчи дафтар мақсадга йўналтирилган вазифа ва машқлар тизимини ўз ичига олган истиқболли ўқув қўлланмаси сифатида кўриб чиқилган.

 

Мақолада ўзбек адабиётининг буюк қомусий асари бўлмиш “Бобурнома”нинг янги немисча таржимаси тўғрисида фикр юритилади.Ишда мазкур нашрнинг аввалги таржималардан фарқ қилувчи томонлари кўрсатилиб, унинг ўзига хос жиҳатларига эътибор қаратилар экан, келажакда асарнинг мазкур янги немисча таржимаси мисолида қиёсий-тарихий ва чоғиштирма таҳлил асносида монографик тадқиқот олиб боришнинг муҳимлиги асослаб берилади. Айни пайтда мазкур ишнинг айрим амалий ва дидактик томонлари ҳам ойдинлаштирилади.