Мақолада  Бессель оператори қатнашган оддий дифференциал тенгламанинг фундаментал ечимини топиш усули баён қилинган.

Мақолада тўртинчи тартибли оддий дифференциал тенгламани  маълум шартлар бажарилганда, тўлиқ дифференциал тенгламага келтириб, тартибини пасайтириш усули кўрсатилган.

Мақолада Капуто маъносидаги каср ҳосилали тўртинчи тартибли аралаш турдаги тенглама тўғри тўртбурчакли соҳа учун нолокал масала ўрганилган. Ўзгарувчиларни ажратиш усули ёрдамида қаралаётган масала регуляр ечимининг мавжудлиги ва ягоналиги ҳақидаги теорема исботланган.

Ўзбекистонда озиқ-овқат маҳсулоти сифатида етиштириладиган ва маълум даражада экспорт салмоғига эга ўсимликлардан Vigna sinensis (ловия), Cicer orientinum (нўхат), Phaselous ayreus (мош), Arachhis hypogaea (ерёнғоқ)ларнинг биологик хусусиятлари ва кимёвий таркибига оид маълумотларнинг тавсифи ўтказилди.

Мақолада Na-КМЦ эритмасининг туз миқдори юқори (10-15%)  бўлган шароитларда ҳамда турли ҳароратларда (200С-800С) реологик хоссаси ўрганилган. Эритма қовушқоқлигининг ўзгариши силжиш кучланиши ва ҳароратга боғлиқ равишда таҳлил қилинган.  Na-КМЦ макромолекуласининг юқоридаги шароитлардаги  ҳолатининг  хусусиятлари баён этилган.

Фарғона водийси ўсимликларининг бир қатори ер устки қисмларидан нейтрон-активацион усулда 39 та макро ва микро элементнинг сифат ва миқдорий таҳлил натижалари келтирилмоқда. Элементларнинг сифат таркиби бўйича ўрганилган манбаларнинг бир хиллиги аниқланди. Фақат айрим элементларнинг миқдорида фарқ борлиги кўрсатилди. Тадқиқ қилинган ўсимликлар макро ва микро - элементлар манбаси сифатида ишлатилиши тавсия этилмоқда.

Мақола Фарғона водийсида тарқалган анжир парвонасининг тарқалиш ҳудудлари ва биологик хусусиятларига бағишланган. Анжир ўсимлигининг энг кенг тарқалган зараркунандаларидан бири ҳисобланади. Мавсум давомида бу турнинг бир неча авлоди ривожланади ва кўпаяди.

Мақолада рақамли иқтисодиётнинг моҳияти ва таркиби ўрганилган бўлиб, рақамли иқтисодиёт шароитида таълим тизимидаги ўзгаришларнинг асосий йўналишлари ёритилган. Мамлакатимизда электрон таълим тизимининг ҳолати таҳлили асосида таълим тизимини янада ривожлантиришнинг устувор йўналишлари аниқланган.
 

Мақолада бугунги кунда халқаро миқёсда долзарб тус олиб бораётган оилада аёлларга нисбатан зўравонлик масаласи ва бу масаланинг бугунги матбуот нашрларида ҳамда уларнинг интернет-сайтлари орқали берилаётган материаллар таҳлили кўрсатилган. Шунингдек, аёлларнинг оиладаги турли зўравонликлардан ҳимоя қилиниши учун кўрилаётган чора-тадбирлар атрофлича муҳокама қилинган.

Мақолада XIX асрнинг иккинчи ярми − XX аср бошларида вужудга келган жадидчилик ҳаракати илғор намояндаларининг эркинлик ғояси ҳақидаги фикрлари атрофлича таҳлил қилинади.

Мақолада ҳозирги даврда дунё миқёсида фаоллашиб бораётган миссионерлик ҳаракати ва прозелитизмнинг моҳияти, мақсадлари ва миллий давлатлар ҳамда халқларнинг тинч, осойишта турмушига солаётган хавфи тўғрисдаги масалалар ёритилган. Шунингдек, унга қарши курашнинг қонуний асослари тўғрисида тавсиялар берилган.

Мақолада коррупцияга қарши курашиш бўйича қонунчилик ва ҳуқуқ-тартиботни мустаҳкамлаш, жиноятчилик ва бошқа ҳуқуқбузарликларга қарши курашнинг долзарб муаммолари бўйича ҳамкорликда тадбирларни ишлаб чиқиш ва мувофиқлаштириш масалалари ёритиб берилган. Ҳуқуқни муҳофаза қилувчи органларнинг коррупцияга қарши курашиш борасидаги фаолиятини мувофиқлаштириш ўзининг моҳиятига кўра муайян ҳудуддаги қонунийлик ва ҳуқуқ-тартиботни таъминлаш фаолиятининг таркибий қисми ҳисобланади.

Мақолада Ўзбекистон Республикасида вояга етмаганларга     тайинладиган жиноий жазолар, уларнинг ўзига  хос хусусиятлари  ҳамда уларга тайинланадиган жиноий жазоларни янада либераллаштириш масалалари акс этган. Вояга етмаганларнинг ҳуқуқларини ишончли   ҳимоя қилиш    ҳар   бир   давлатнинг асосий мақсади ҳисобланади.

Мақолада XIX асрнинг 70-йилларидан бошлаб Фарғонада Миср ва Америкадан келтирилган пахта навларини синовдан ўтказиш ва маҳаллий шароитга мослаштириш ҳақидаги маълумотлар этнографик материаллар асосида ёритилган.

Мақолада  Ўзбекистон  ва  халқаро  ташкилотларнинг  ҳомийлик  фаолияти,  хайрия  ишларидаги  ўзаро  ҳамкорлиги ёритилган. Хайрия ва ҳомийликнинг ҳуқуқий-меъёрий асослари таҳлил қилинган. Ўзбекистоннинг  жаҳон хайрия индексидаги ўрни ва роли аниқланган.  

Мақолада иккинчи тартибли чизиқли оддий дифференциал тенглама учун чегаравий масала ечимининг топиш усули баён қилинган.

Мақолада  Андижон  шаҳрининг  географик  жойлашуви,  топонимикаси  ҳамда  З.М.Бобурнинг “Бобурномада”  тилга  олган  “тўққуз  ариқ”нинг  тарихий-географик  жойи,  “тўққуз  ариқ”нинг  ҳозирги  кундаги аҳволи,  Андижонсой  ҳақида,  сувни  тоза  сақлаш  ва  асраш  тўғрисидаги  фикр-мулоҳазалар  илмий  жиҳатдан таҳлил қилинган. 

Яримўтказгичлардаги ток ташувчилар эффектив гамильтонианнинг нодиагонал матрицавий элементлари зонавий назариянинг ўтказувчанлик зонаси, валент зона ва спин-орбитал зоналар яқинлашишида ҳисобланган.

Мақолада Самарқанд вилоятининг XIX асрнинг иккинчи ярми – ХХ аср бошларида қишлоқ хўжалиги ва ер-сув  муносабатлари    бир  қатор  манбалар,  адабиётлар  ҳамда  илмий-тадқиқот  ишлари  асосида  очиб берилган.  Мақолада  вилоятнинг  асосий  суғориш  манбаи ҳисобланган  Зарафшон  дарёси,  унинг ирмоқлари  ва бошқа  сув  тармоқлари  ҳақида  маълумотлар  бериб  ўтилган.  Вилоят  ҳудудидаги  суғорма  деҳқончилик анъаналари,  қишлоқ  хўжалиги  маҳсулотларининг  турлари,  уларни  экиш  қоидалари,  суғориш  тартиблари, ҳосил  йиғиб  олиш  вақти  ва  унинг  кўрсаткичлари  келтирилган.  Шунингдек,  мақолада  Россия  империясининг Самарқанд  вилоятида  ўзининг  мустамлакачилик  манфатларидан  келиб  чиққан  холда  олиб  борган  аргар сиёсати ва унинг оқибатлари таҳлил қилинди. 

Мақолада Қорақалпоғистон шароитида қорамолларнинг тери ости бўкаларининг 2 та тури мавжудлиги ўрганилган. Hypoderma lineatym тури 93,4%, Hypoderma bovis тури 6,6% ни ташкил этди.Тери ости бўкалари кенг тарқалган бўлиб, республиканинг жанубий районларида қорамолларнинг 25,0-25,7%, шимолий районларида 62,3-76,4% зарарлангани аниқланган.

Мақолада маҳаллий буғдой донларидан навли ун тортишда, донларнинг физик-кимёвий сифат кўрсаткичлари муҳим аҳамиятга эгалигини ҳисобга олиб, маҳсулот чиқиши ва сифати уларга боғлиқлиги ўрганилди.

Мақолада жамиятимизнинг етакчи кучи ҳисобланган ёшларнинг ахлоқи, маданияти, инсонпарварлик фазилатларини ривожлантириш, уларнинг камолотида, мустақил ҳаётларида инсонпарварлик, бағрикенглик ва толерантлик ғояларининг ўрни ва роли ҳақида фикрлар билдирилган.

Мақолада “конституция” тушунчасининг маъноси очиб берилган, Ўзбекистон Республикаси Конституцияси − давлат ҳуқуқий тизими асослари, унинг мазмун-моҳияти, мақсади, аҳамияти, ўзига хос хусусиятлари,  фукароларнинг ҳуқуқий кафолатлари, Асосий Қонуннинг роли ва аҳамияти, шунингдек,  давлат мафкурасининг асосий ғоялари ва масалалари; мамлакат фуқароси ва давлат ўртасидаги ўзаро муносабатларнинг турлари ва тартиб-тамойили  ёритилган.

The article emphasizes   that   the issues of legal regulation of youth state policy are addressed in the political processes  on  important  aspects  of  its  development  and  implementation,  as well  as  mechanisms  of  organizational management. In particular, the chronological stages of the process of formation and implementation of the state youth policy in the country were discussed. 

Мақолада ижтимоий ҳимоя тамойиллари инсон тараққиёт индексини белгиловчи асосий мезон эканлиги, БМТ нинг инсон тараққиёт индексига кўра дунё давлатларининг ўрни, инсон тараққиёти мезонлари асосида Ўзбекистонда амалга оширилаётган ижтимоий ислоҳотлар ёритилган.

Мақолада Иккинчи жаҳон урушидан сўнг собиқ иттифоқдош республикаларнинг иқтисодий жиҳатдан бир-бири билан боғлаб қўйилган шароитида, Ўзбекистон халқ хўжалигида Фарғона минтақасининг ўрни ёритилган. Шунингдек, Фарғона водийсининг мамлакат иқтисодий ҳаётидаги ўрни, унинг қишлоқ  хўжалиги, енгил саноати, табиий бойликлари, хусусан, пахтачилиги ва пиллачилиги каби тармоқлари фаолияти тадқиқ қилинган. Фарғона иқтисодий районининг тузилиши ва унинг мамлакат халқ хўжалигидаги ўрни илмий адабиётлар ва архив маълумотлари асосида ўрганилган.

Мақолада Энахон Сиддиқованинг “Ватанга бахшида умр”  ҳужжатли лиро-эпик  қиссаси  замонамиз қаҳрамонини яратиш концепциясига дахлдор шахснинг ҳаёт йўлини чуқур лиризм ва наср уйғунлигида тасвирланганлиги мисолларда таҳлил этилган.

Мақолада    султон  Маҳмуд  Ғазнавий  ҳамда  Фирдавсий  ўртасида  бўлиб  ўтган  мунозарали вазиятларнинг бадиий талқинлари таҳлилга тортилган.  

Мақолада  сўз санъати  воситасида маиший турмуш муаммолари ҳамда ижтимоий инқироз масалаларининг ёритилиши, шахс ва жамият муносабатлари  хусусида сўз юритилади.

Мақолада “Бобурнома” мемуар асари муаллифининг  ижодий услуби ҳамда ифода шакллари ҳақида  сўз юритилади ва таҳлилга тортилади. 

Мақолада  мумтоз  матнни  шарҳлаб  ўқитишнинг  ўзига  хос  жиҳатлари  борасида  сўз  юритилган.  Бу 
масала    Огаҳийнинг  мактаб  дарслигидан  ўрин  олган  “Устина”  радифли  ғазалини  ўқитшнинг  инновацион 
усуллари  орқали ёритиб берилган. 

Мақолада Э.М.Ремаркнинг уруш мавзусидаги асарлари, хусусан “Ғарбий фронтда ўзгариш йўқ”, “Уч оғайни” ва “Лиссабондаги тун” романлари таҳлил қилинган. Ёзувчининг типик образлардан фойдаланиш, характер яратиш маҳорати ўрганилган.

This  article  discusses  the  problem  of  the  relationship  between  man  and  nature  through  the  means  of 
symbolization. The author shows the influence of the elements of water on the life of the protagonist. The image itself is 
considered in development by analyzing extensional relationships, as well as the psychological state of the character. 
The subject of the study is the river, her journey together with the author through the mazes of the soul.  

Мақолада Абдулла Шер ижодидаги миллий руҳ ва маҳаллий колорит масалалари таҳлил қилинган.

Мақолада      В.А.Абдуллаев,  Ҳ.Расул,  В.Мирзаевлар  томонидан  нашрга  тайёрланган  монография  ва 
тўплам  китобларда  Нишотийнинг  Навоий  ғазалларига  боғлаган  таҳмисларидан  намуналар  келтирилган. 
Уларни  ўзаро  асл  матн  билан  биргаликда  қиёслаш  орқали  улардаги  ўзгаришлар  ва  манбалардаги    асосий 
фарқлар фонетик ва лексик сатҳ бирликларида аниқланади. 

Мақолада ўзбек тили синтаксисининг мураккаб масалаларидан бири бўлган мазмуни умумлашган қўшма гапларнинг структурал-семантик хусусиятларига доир фикр-мулоҳазалар юритилади.

Мақолада  замонавий  нейролингвистика  муаммолари  ва  синтактик  аспектда  француз  тилини  ўқитиш 
услубиёти  учун  муҳим  саналадиган    масалалардан  бири  -  нутқий  ҳосилаларнинг  фарқли  қурилиши  ҳақида 
мулоҳаза юритилган. 

Лингвистик экология асосий тенденцияларни таҳлил этиш, жоиз бўлса «тил касалликлари»ни башорат қилиш,  уни салбий таъсирлардан сақлаш учун миллий тил аҳволи тўғрисидаги объектив маълумотларни олиш заруратига жавоб тариқасида шаклланган. Тил муҳитини ҳар томонлама ўрганиш ҳамда жамиятнинг муайян типик шаклланишидан келиб чиқиб лингвистик экология алоҳида ижтимоий аҳамият касб этади. Инсон атроф−муҳитини ўзига хос тарзда ифодалайдиган тилнинг ҳаёт қобилиятини сақлаш экологик лингвистикада намоён бўлади.
 

Мақолада турли тиллар қардош бўлганида ҳам дунёнинг тил воситалари орқали идрок қилиниши, ҳар қандай нутқий мулоқотнинг миллий ўзига хослиги, унинг лингвомаданий жиҳатдан бўёқли бўлиши, нутқ маҳсулоти, тиллар – ўзларининг асосий коммуникатив вазифасини бажаришга лингвомаданий ва бошқа омиллар қай даражада таъсир кўрсатиши мумкинлиги ёритиб берилади.

Мақолада  форс-тожик  тилидан  ўзбек  тилига  ўзлашган  префикс  ва  суффикслар  хусусида  сўз  боради. 
Ўзбек  тилида  сўз  ясалишининг  семантик,  фонетик,  синтактик-лексик,    аффиксация  ҳамда  композиция 
усуллари мавжуд. Мақоланинг мақсади форс-тожик тилидан ўзлашган аффикс ва суффиксларнинг ўзбек тили 
сўз ясалиши жараёнида фаол иштирок этиши ҳақидаги маълумотни ёритишдан иборат. 

Мақолада  тиббиёт  олий  ўқув  юртлари  талабаларида  чет  тилида  касбий-коммуникатив 
компетенцияни шакллантириш масалалари ва уларни ҳал этиш йўллари батафсил баён қилинган. Шу билан 
бирга чет тилида коммуникатив компетенцияни шакллантириш усулини    ўрганган  тилшунос 
олимларнинг  ишлари  кенг  таҳлил  этилган.  Чет  тилида  коммуникатив  компетенция  ва  компетент 
мутахассис шахсига таъриф берилди.

Мақолада семантик, прагматик ёки риторик дискурсив функциялар асосан интерфаол ва ижтимоий- маданий функциялар билан боғлиқлиги акс этади. Улар ҳар доим ижтимоий ва когнитив шовқинни, яъни маълум бир нутқнинг асосини ташкил этадиган когнитив вакилликларни намойиш этадиган ёки чеклаши мумкин бўлган аниқ ижтимоий-маданий воқеаларнинг эпизодик моделларини ва ижтимоий тузилмалар ҳақидаги умумий билимларни ёки қарашларни талаб қилади.

Мазкур мақола нутқнинг гендер фарқланиш масалаларига бағишланган. Унда гендеролингвистика муаммолари шарҳланган.

Мақолада  нофилологик  олий  ўқув  юртлари  талабаларининг  чет  тилида  коммуникатив 
компетенциясини шакллантиришда фаолиятга асосланган ёндашувдан фойдаланиш масалалари ёритилган. 
Шу билан бирга тадқиқотда фаолиятга асосланган услубий методлар ҳам таҳлил қилинди.   

Мақола инглиз тилидаги мақол ва маталларнинг миллий хусусиятлари, уларнинг пайдо бўлиши ва уларнинг таърифини аниқлашдаги ёндашувлар тадқиқига бағишланган.

Мақолада  талабаларнинг  ёзма  ишларига  баҳо  бериш  орқали  чет  тилларни  ўрганишга  бўлган 
иштиёқини ривожлантириш масалалари ёритилган. Унинг асосий мақсади энг муносиб ва самарали йўлларни 
топишдан иборат. Мақолада таълим мотивациясини шакллантириш ва ривожлантириш муаммолари бўйича 
тадқиқотларнинг  таҳлилий  шарҳлари  келтирилган  бўлиб,  унинг  чет  тилини  ўрганиш  учун  хос  бўлган 
турлари  ёритилган.  Мақолада  чет  тилларни  ўқитишда  улардан  самарали  фойдаланиш  бўйича  мисоллар 
келтирилган. 

Мақолада аллюзия усули ва унинг бадиий матнда қўлланилишида антропонимларнинг тутган ўрни масаласи ёритилган.

Мақолада ўзбек маросим фольклори материаллари асосида халқ лирикасининг анъанавий жанрлари ҳисобланган “ўлан” ва “лапар”нинг ўзаро ўхшаш ва фарқли хусусиятлари таҳлил қилинган.

Нутқимизни бойитишга хизмат қилувчи манбалардан бири синонимлардир.. Мақолада синонимларнинг тилда қандай кўринишда учраши ёритилади.

Мақолада боғча ёшидаги болаларга инглиз тилини ўқитишнинг муҳим педагогик асослари, турли интерактив қарашлар берилган ва ушбу жараёнда юзага келган  муаммоларга ечим топилган. Боғча ёшидаги болалар билан тил ўқитиш жараёнида иштирок этишнинг муҳим ижтимоий асослари келтирилган.