Мақолада аралаш типдаги параболо-гиперболик иккинчи тур тенглама учун Трикоми масаласи баён қилинган ва масаланинг бир қийматли ечими ўрганилган. Масаланинг ечими параболик соҳада биринчи чегаравий масала ечими сифатида, гиперболик соҳада эса кўриниши ўзгарган Коши масаланинг ечими сифатида изланган. 

Мақолада инсон организмидаги кислород алмашинувининг бошқарилишида антиоксидантларнинг роли ва маҳаллий хурмо навлари мева экстрактларининг антиоксидантлик хусусиятларини ўрганиш бўйича маълумотлар келтирилган. 

Мақолада матоларни кимёвий таркибига кўра  сертификатлаш ва таснифлаш муаммолари ҳақида сўз боради. Матоларнинг парчаланишга чидамлилиги ва баъзи кимёвий моддалар билан таъсирлашуви ҳақида тажрибавий маълумотлар баён этилган. 

Мақолада м-ферроценилбензой кислотасининг метилолдитиомочевина билан синтези, олинган янги бирикманинг тузилишини исботловчи ИҚ-спектроскопия ва масс-спектрометриктаҳлил натижалари келтирилган.  

Мақолада синтетик кир ювиш воситаларининг  кимёвий таркибига кирувчи айрим ноорганик ва органик бирикмалар ва уларнинг атроф-муҳитга таъсири тўғрисида қисқача  маълумотлар келтирилган.  

Мақолада Фарғона вилоятининг Қува туманида эчки, қўй ва қорамолларнинг ички аъзолари мускулларининг саркоспородийлар билан зарарланиш даражаси ҳақида маълумот келтирилган. 

Мақолада иқтисодиётни ривожлантиришнинг сўнгги босқичи маҳсули бўлган рақамли иқтисодиёт янги воқелик сифатида мазмун-моҳият, анъанавий иқтисодиёт билан алоқа, афзаллик, самарадорлик ва тараққиётни жадаллаштириш жиҳатидан таърифланади. 

Мақолада инсоннинг ҳайвонлар билан боғлиқ дунёқараши шаклланишининг сўнгги илмий назарий-методологик асослари таҳлил қилинган. Илмий изланишлар натижасида қўлга киритилган охирги методологик ютуқлар солиштирилган. Тадқиқот халқаро етакчи илмий марказларнинг олиб бораётган илмий изланишлари йўналишларининг таҳлилини амалга оширган. 

Мақолада Фарғона вилоятидаги Сўфон мозор-қўрғонида олиб борилган тадқиқот ишлари ёритилган. Бунда, узоқ вақтлар давомида илк темир даврига тааллуқли деб келинган Сўфон мозор-қўрғонида бронза даври ва милодий IV-V асрларга оид қўрғонлар ҳам мавжудлиги ҳақидаги илмий хулосалар берилган. Шунингдек, қўрғон материаллари таҳлили масаласида айрим янги фаразлар илгари сурилган. 

 Мақолада Александр Бекович-Черкасскийнинг 1714-1717 йилларда Хива хонлигига қарши юриши ва ушбу юриш давомида яратилган Каспий денгизининг биринчи илмий харитасининг тарихий-географик изланишларда тадқиқ этилиши тарихшунослик нуқтаи назаридан кўриб чиқилган. Мақолада қисқача тарзда юриш тарихи ва хаританинг яратилиш жараёни ёритилган. Харитани кейинчалик узоқ давр унутилиши ва совет даврида қайта илмий муомалага киритилиши жараёни тадқиқ этилган. Мавзу Россия империяси, совет ва мустақиллик даври тадқиқотларининг тарихшунослик таҳлили натижасида ёритилган.  

Қадимги давр тарихини ўрганишда тарихий реконструкция масаласи муҳим аҳамиятга эга бўлиб, фанда мазкур масалада турлича ёндашувлар ва қарашлар мавжуд. Археологик тадқиқотлар натижалари ва ёзма манбаларнинг қиёсий таҳлили асосида қадим ўтмишни қайта тиклаш мумкин. Мақолада археологияда тарихий реконструкция масаласи, қадимги давр тарихини тиклашдаги ёндашувлар мавжуд илмий тадқиқотлар таҳлили асосида ёритилган.   

Мақолада собиқ советлар ҳокимияти даврида амалга оширилган «маданий инқилоб» сиёсатининг кино ва театр соҳасига бўлган таъсири, совет давлатининг маданиятни мафкуралаштириш сиёсати ва уни амалга ошириш борасидаги ҳаракатларининг миллий маданиятда намоён бўлиши, кино ва театр соҳаси учун 
кадрлар тайёрлаш тизимини совет мафкураси томонидан жорий этиш жараёни тадқиқ этилган. 

Мақола мусулмон Уйғониш даври (IХ-ХII асрлар)да тўқувчилик, гиламчилик ва кулолчиликнинг ривожланиш тарихи ҳақида маълумот беради. Амалий санъатнинг ривожланиш тарихи, натижалари, шаклланиши ва унинг тарихий - маданий аҳамияти кўрсатилган.

Мақолада ЎзССР қишлоқ хўжалигининг урушдан кейинги йилларда ривожланиш муаммолари ёритилган. 
Совет раҳбарияти республика ҳукумати олдига пахтачиликни ривожлантириш юзасидан келгуси режаларни белгилаб берди. Натижада, қишлоқ ҳўжалиги, биринчи навбатда, пахтачилик республика иқтисодиётида устувор аҳамият касб этди ва Ўзбекистон ССРнинг кейинги ижтимоий-иқтисодий ривожланишида негатив оқибатларнинг келиб чиқишига сабаб бўлди. 

Мақолада истеъдодли адиб Одил Ёқубовнинг поэтик маҳорати тадқиқи орқали бадиий асар қаҳрамонларининг руҳий-маънавий оламини акс эттириш жараёни ёритилган. Адибнинг илк ижодидан энг сўнгги асарларигача инсонийлик, адолат, ҳақиқат, диёнат фазилатлари талқинига жиддий эътибор қаратганлиги асосланган. 

Мақолада шеъриятдаги бадиий таъсир,  миллий ўзига хослик  тадқиқ этилган. Испан шоири Лорка ҳамда ўзбек шоири Шавкат Раҳмон шеърларида яшил ранг қиёсланади, шоир миллий ўзига  хослиги рамзий ифодаланиши ёритилади.

Мақолада Анвар Обиджон, Латиф Маҳмудов ва  Носир Фозилов   ҳикояларининг  бадиий хусусиятлари, услубларидаги ўзига хосликлар тадқиқ этилган. Уларнинг ўзбек болалар адабиёти тараққиётидаги ўрни  ёритиб берилган.

Мақола фольклоршуносликда анъанавий лингвистик формулаларни ўрганишга бағишланган. Унда ушбу масаланинг ўрганилиш тарихи, формулаларнинг халқ оғзаки ижоди поэтикасидаги аҳамияти ёритилади, анъанавий лингвистик формулалар фольклор асарлар сюжетининг бирлаштирувчи бўғини эканлиги тўғрисида хулоса қилинади. 

Мақолада Хуршид Дўстмуҳаммаднинг “Нигоҳ” қиссасида тасвирланган қаҳрамонларнинг турмуш тарзи, ўзликни англаш жараёни, опаси, акаси, ижарачи, ишхонадаги одамлар билан муносабатлар тасвиридаги ёзувчи маҳорати ҳамда руҳий-психологик тасвирларнинг модернистик услубда ёритилганлиги таҳлил қилинган. 

В статье рассматривается проблема изоморфности и алломорфности системы биомолекулярной кодификации в сфере бессознательного и ментальной кодификации в сфере сознания. Механизмы кодификации характеризуются с точки зрения нейролингвистики и сугубо лингвистического подхода.

Мақолада ўзбек миллий рақс санъати  терминологияси, унинг тузилиш  тизими ва  шаклланиш тарихининг лингвокультурологик жиҳатлари  тадқиқ қилинди.  

Мақолада тилдаги турли функционал услублар орқали оламни моделлаштириш хусусида фикр юритилади.  Атамалар дунёнинг маълум бир моделини қуриш ҳақида гапиришга имкон берадиган восита сифатида баъзи параметрларни ўз ичига олишини рус ва инглиз тилларидаги "интеллект" тушунчаси мисолида таҳлил қилинган. Натижада рус ва инглиз тиллари "интеллект " тушунчаси ўртасидаги фарқ аниқланди. Шунингдек, расмий иш услубининг оламни моделлаштириш учун асос сифатида потенциали бадиий услубга қараганда анча паст, аммо у ҳанузгача мавжуд эканлиги ёритиб берилган.

Мақолада Ўткир Ҳошимовнинг “Тушда кечган умрлар” романида қўлланилган мифоним ва теонимларнинг персонаж характери ва психологиясини очишдаги ўрни ҳақида фикр юритилган.
Персонаж психологиясида алмашиниб турадиган перипетив ҳолатларни кўрсатишга ҳаракат қилинган. 
Шунингдек, теонимлар воситасида персонаж руҳиятида кечадиган ҳолатлар – илтижо, ўч олмаслик, тақдирга тан бериш, ишонтириш, таъкидлаш, гувоҳлик бериш билан боғлиқ бир қатор ҳолатлар кўрсатиб ўтилган.

Мақолада нутқ маданияти соҳасининг илк илдизлари ҳақида фикр юритилиб, бунда ушбу соҳанинг ривожланиш даврларида ўзбек ва рус олимларининг қарашлари қисқача баён этилган. Мақолада адабий тил меъёрлари, ушбу меъёрларга амал қилиш йўллари борасида қилиниши лозим бўлган масалалар хусусида фикр юритилган.

Мақола ўзбек ва инглиз тилларида аббревиацияларнинг шакллантириш хусусиятларини ўрганишга бағишланган. Оддий ва мураккаб, лексик ва график аббревиатураларнинг тузилиши ва шакллантириш усуллари кўрсатилган. Аббревиацияларнинг шаклланиш турларига қараб ўзбек ва инглиз тилларида мисоллар ҳам келтирилган.

Мақолада олий таълим тизимида талабаларнинг мустақил таълим олишларини ташкил этиш масалалари умумий тарзда ўрганилиб, уларнинг турлари, мустақил таълимни ўтказишда таълим берувчи ва таълим олувчилар вазифалари атрофлича ёритилиб, тавсиялар ишлаб чиқилган.

Мақолада бошланғич синф ўқувчиларининг чет тили бўйича эгаллаган кўникмаларини ёш хусусиятларини ҳисобга олган ҳолда баҳолаш ёндашуви принциплари батафсил баён қилинди ҳамда кўникмаларни баҳолаш мезонлари тавсия қилинди. Кўникма ва малакаларни баҳолаш масалаларини ўрганган методист олимларнинг ишлари кенг таҳлил қилинди.

Мақолада  Бессел функцияси қатнашган оператор билан Риман – Лиувиллнинг каср тартибли интеграл операторининг бир нечта композициясини ўрганиш натижасида ядросида икки ўзгарувчили гипергеометрик функция қатнашган алмаштириш оператори ҳосил қилинган. 

Мақолада баъзи умумлашган гипергеометрик функцияларнинг интеграл кўринишини топиш масалалари ўрганилган.

Sn асосида шаффоф ўтказувчи электродлар физика ва электроника соҳасидаги кўплаб муаммоларга ечимдир. Қуйидаги мақолада  Sn асосида шаффоф ўтказувчи электродларни қўллаш, олиш методи, чидамлилиги, нисбийлиги, тайёрланиши ва фойдаланиши кўриб чиқилган.

Мақолада турли хил механизмлардан тузилган комбинацион механизмларнинг тузилиши, ҳаракати келтирилган ва  қўзғалувчанлик даражасини аниқлаш формуласи, синтез ҳамда кинематик таҳлил масалалари ёритилган.

Мақолада Ephedra eguisetina Bunge ўсимлиги эфир мойининг таркибини кимёвий тадқиқ этиш ҳақида сўз боради. Эфир мойи таркибида 36 бирикма ҳамда  асосий бирикмалар сифатида 2-метилнон-2-ен-1-ол (15.30%), 2,6-бис(бромметил)-1,4-бензол дикарбонитрил(12.90%), фитол(11.47%), глицерилдиацетат (8.42%),6,10,14-Триметилпентадекан-2-он (8.36%), трибутил 2-ацетилцитрат (5.46%),β-кариофиллен(5.44%), циклодека-1,5-диен (3.24%), (-)-β-кубебен(2.58%) ва α-бисаболен(2.46%) аниқланганлиги ҳақидаги тажрибавий маълумотлар баён этилган.

Мақолада фурфурол-ацетон мономерлари ФАМ; 2ФАМ; 3ФАМнинг солиштирма хоссалари ва уларнинг эпоксид смолалари асосидаги полимерзамазкаларнинг хоссалари келтирилган.

Мақолада топинамбур илдиз меваси таркибида оқсиллар, пектин, аминокислоталар, органик ва ёғ кислоталари аниқланган. Ажратиб олинган пектин моддалари намуналарининг физик-кимёвий хоссалари титрометрик ва вискозиметрик ҳамда бошқа усулларида ўрганилган. Шу билан бирга пектин моддасини уронид таркиби 85 % га эгалиги кучли кислотали шароитда  ажратиб олинган пектиннинг нисбатан тозалиги тажриба асосида баён этилган.

Мақолада Фарғона вилояти сув ҳавзаларидаги балиқларнинг инфекцион  касалликлари ўрганилган. 
Мақолада касалликнинг клиник белгилари, уларга диагноз қўйиш ва  қарши кураш чоралари ҳақида  маълумотлар берилган

Мақолада олий таълим муасcасалари фаолиятининг самарадорлиги ходимларни бошқаришда  қўлланилаётган методларга, жумладан, корпоратив маданиятнинг турларидан бири бўлган ижтимоий-психологик методга боғлиқлиги асосланган.

Ушбу мақолада Ўзбекистонда маҳалла институтини модернизация қилишнинг долзарб муаммолари, ўз-ўзини бошқариш органлари фаолиятини таҳлил этишнинг замонавий ёндашувлари, шунингдек, мустақиллик йилларида кўп миллатли, конфессияли маҳаллалар фаолиятини ташкил этишнинг ўзига хос     хусусиятлари ҳақида  тўхталиб ўтилади.

Мақолада мустақиллик йилларида Фарғона водийсидаги демографик жараёнларнинг ривожланиши, аҳолининг ёш ва жинс таркиби, аҳолининг иш билан таъминланиш даражаси ва водий вилоятларидаги шаҳар ва қишлоқларнинг демографик салоҳияти акс эттирилган. 

Мақолада улуғ шоир ва мутафаккир Алишер Навоийнинг турли жанрдаги асарларида шахс ва жамият муносабатлари, адолатли тузум ҳамда демократик тамойиллар ифодаси акс этганлиги ҳақида сўз боради.

Мақолада сайёр  сюжетлар  генезиси, образлар тизимидаги умумийлик, ғоялар ифодасидаги муштараклик, тарихий ва  замонавий хусусиятлар Юсуф ҳақидаги  қиссалар асосида таҳлилга тортилган.

Мақолада “Бобурнома” мемуар асари муаллифининг сўз санъаткори  сифатидаги образи ва ижодий жараёнга муносабати ҳақида  сўз юритилади. 

Мақолада қофиянинг композицион уйғунликни юзага чиқариш, лирик асар оҳангдорлиги, фикр-туйғулар таъсирчанлиги, ифода ҳаётийлиги ва жонлилигини таъминлашдаги функцияси ёритилган. Қофиянинг шеърий асар ритмик таркиби ва синтактик-семантик уйғунликни таъминлашдаги муҳим ўрни тадқиқ этилган.

Мақолада  сўзловчи муносабатининг эстетик функцияси ўрганилган. Баҳо ифодалашда иборалардан унумли фойдаланишнинг алоҳида ўрин тутиши, унинг эстетик жиҳатлари мисоллар асосида ёритилган.

Мулоқот шахслараро ҳамда одамлар ва гуруҳлар ўртасида ўзаро алоқаларни ўрнатиш ва ривожлантиришнинг мураккаб кўп ўлчовли жараёни бўлиб, унинг структураси ва функциялари, шахслараро англаш муаммолари, мулоқот жараёни, нутқий-психологик таъсир, муносабатларнинг ривожланиш динамикаси каби муаммоларни қамраб олади. Мулоқот тадқиқот предмети сифатида фақат унинг онтологик хусусиятларининг ўрнатилиши билан боғлиқ бўлибгина қолмай, бевосита амал қилиш шароити -инсон ва жамият алоқадорлигини ўрганиш билан аниқроқ мақомга эга бўлади. Ушбу мақола айнан шу масалаларнинг ечимига, хусусан, мулоқот тушунчасининг табиати, мақсади, ифода шакллари, йўналишига кўра таснифлашга қаратилган. Шунингдек, мақолада мулоқотнинг табиатига кўра таснифи асосида унинг психолингвистик (моддий, когнитив, кондицион, мотивацион, фаолият доирасига кўра) хусусиятлари ҳам тадқиқ қилинади.

Маҳмуд Кошғарийнинг “Девону луғотит турк” асари туркий тиллар луғат бойлигини кўрсатувчи бебаҳо манба бўлиб, унда маиший турмушга доир бир қатор лексемалар ҳам изоҳланган. Озиқ-овқат номлари парадигмасига кирувчи лексемалар шулар жумласидандир. Мазкур мақолада асарда қўлланган нон билан боғлиқ лисоний бирликлар таҳлил қилинган. 

Мақолада термин мантиқий тушунча ва лингвистик тушунча сифатида ўрганилган. Термин ва сўзлар орасидаги фарқларни аниқлаш орқали терминларнинг ўзига хос хусусиятлари очиб берилган.

Мақолада муқобилсиз лексиканинг инглиз, рус тилларидан қилинган таржималардаги ўзига хос лингвистик хусусиятларининг амалий жиҳатлари ёритилган. 

Ёш авлодга ватанпарварлик туйғусини сингдириш муҳим аҳамият касб этади. Аввало, ушбу туйғуни том маънода англаш, уни онгга сингдириш ва ёш авлод тарбиясига йўналтириш масаласи долзарбдир. 
Қуйидаги мақолада ўзида ватанпарварлик туйғусини акс эттирган қанотли сўзлар борасида сўз юритилади. 
Улар образли, ихчам, лўнда, маънодор ва шунинг билан бирга бирор воқеа ёки ҳодиса билан боғлиқлиги туфайли онгимизга осон ўрнашади, ёдимизда узоқ сақланади ва ушбу ғояни чуқур сингдиришда ёрдам беради.

 Мақолада тил ва нутқ масалалари таҳлилида прагматик ёндашувнинг роли ва аҳамияти ҳақида сўз боради. Нутқий жараёнларда семантик, синтактик ва прагматик муносабатларнинг ўзаро фарқланиш жиҳатлари ёритилади. Бундан ташқари, прагматик ёндашувларнинг стилистикадан фарқи асосланади. 
Бадиий матнда шахс хусусиятларини очиб беришда прагматиканинг роли кўрсатиб берилади.

Мақолада прецедент номларнинг қўлланишига оид айрим жиҳатлар таҳлил қилинган.

Мақолада халқ оғзаки ижодининг шаклларидан бири бўлган мақол ва маталлар, уларнинг дарс жараёнида қўллашнинг афзалликлари ҳақида маълумот берилган.

Мақолада малака ошириш ва қайта тайёрлашнинг таълим самарадорлигини оширишдаги ўрни ёритилган бўлиб, ўз навбатида, малака ошириш ва қайта тайёрлашда педагогик ташхиснинг аҳамияти кўрсатиб  ўтилган.

Мақолада юртимизда етишиб чиққан буюк аллома Бурҳониддин ал-Марғиноний ҳаёт фаолияти қисқача ёритилган. Алломанинг “Ал-Ҳидоя” асарлари тарихи ва асарнинг мазмун-моҳиятининг юртимиз ёшлари тарбиясидаги ўрни кўрсатиб ўтилган.

Мақолада ўқ отувчилар учун зарур координацион қобилиятлар, ўқ отишда техник тайёргарлик жараёнида координацион қобилиятларни ривожлантириш имкониятлари, шунингдек, ўқ отиш техникасини такомиллаштиришга координацион қобилиятларнинг таъсири ҳақида  фикр юритилган.