+=0

D = {( x,y ): 0‹x,y‹1} ечими ўрганилган. Ечимнинг ягоналиги энергия интеграли усули билан, ечимнинг мавжудлиги эса Фурье
усулида кўрсатилган .

Мақолада бешбурчакли соҳада   кўринишдаги тўртинчи тартибли параболик-гиперболик типдаги  тенглама  учун  битта  чегаравий  масала  қўйилади  ва  тадқиқ  этилади.  Қўйилган  масаланинг  бир  қийматли ечилиши интеграл ва дифференциал тенгламалар усуллари ёрдамида исботланади. 

Мақолада  амалий  математика  олдида  турган  замонавий  муаммолар,  хусусан,  тирик  тизимларни  математик моделлаштириш ҳақида сўз боради.Саратон ҳужайраларининг тарқалиши ва қоннинг ивишига доир  номаълум чегаравий масалалар бўйича баъзи натижалар келтирилган. 

Мақолада пахтани йирик чиқиндилардан тозалагичнинг  янги самарали конструктив схемаси тақдим  қилинган.  Назарий  тадқиқотлар    асосида  пахта  тозалагич  ишчи  органларининг  ҳаракат  қонуниятлари  аниқланган,  келтирилган  боғланиш  графикалари  таҳлили  асосида  тозалагич  ишчи  органларининг  тавсия  қилинажак параметлари аниқланган. 

Умумтаълим  мактабларида  физика  предмети  бўйича  мавзуларни  ўрганишда,  физик  қонуниятларни  таҳлил қилишда математика тушунчаларидан кенг фойдаланилади. Тарихий нуқтаи назардан олиб қарайдиган  бўлсак,  физика  фанининг  тараққиётида  математика  жуда  катта  роль  ўйнаганлигини  кўришимиз  мумкин.  Маыолада умумтаълим мактабларида физика ва математика фанларидаги мавзуларнинг узвийлиги масаласи  таҳлил қилинган. 

СаА  (М-22)  цеолитида  карбонат  ангидрид  адсорбцияси  дифференциал  иссиқлиги,  изотермаси, дифференциал энтропияси ва термокинетикаси 303 К ҳароратда ўлчанди. Олинган натижалар асосида СаА (М-22) цеолитида карбонат ангидрид адсорбцияси бошланғич тўлдиришдан то тўйинишгача бўлган механизм батафсил ёритиб берилди. Aдсорбция изотермаси МҲТН тенгламаси ёрдамида тавсифланди. 

 Мақолада  Фарғона  водийсидаги  қушларнинг  географик  тарқалиши  ва  муҳофазаси  ҳақидаги   фикрлар берилган. Қушларнинг водий учун характерли вакиллари, тур сони, тоғли, тоғолди, чўл  зоналар, ярим чўлларда учрайдиган  қушлар,  яъни    йилқичи,  йўрғатувалоқ,  сариқ  сор,  тоғ  чумчуқ,  тасқара,  қора  калхат  кўрсатиб ўтилган. Дунё бўйича 9000 та турдан 87 тури водийда учраши, уларнинг 14 таси учиб келиб-кетадиган қушлар эканлиги таъкидланади.  

Мақолада  субтропик  мевалар,  хусусан,  анорнинг  халқ  хўжалигидаги  аҳамияти,  Фарғона  вилоятида анорчиликни ривожлантириш истиқболлари ҳақида маълумотлар берилган ва анордан уй шароитида шарбат ҳамда компот тайёрлаш технологиялари ёритилган. 

 Мақолада  суғориладиган  кольматажланган  тупроқларнинг  ҳосил  бўлиш  жараёнида  дарё  сувлари қалқиндилари агрокимёвий хоссаларининг ўзгариши, тузларнинг аккумуляцияси, минерализацияси ва миқдори келтирилган. 

Мақолада  турли  даражада  маданийлашган  суғориладиган  сур  тусли  қўнғир  тупроқларнинг биогеокимёвий хоссалари ва оддий пиёз (Allium cера L.) нинг элемент таркиби келтирилган. Пиёзнинг таркиби тупроқ таркибидаги кимёвий элементлар миқдори билан боғлиқлиги асосланган. 

В статье предлагается общий обзор истории развития явления энантиосемии, предполагающее рассмотрение содержательной стороны историографии проблемы в трех языках: английском, русском и узбекском. Целью данной статьи является обзор существующих точек зрения различных лингвистов относительно понятия энантиосемии и выражение точки зрения по поводу ее лингвистического статуса.

Мақолада  оммавий коммуникацияда ахборот матнлари, уларнинг турлари  ва ахборот етказишда матннинг бирламчилиги ҳамда нолингвистик  воситалар қўшимча коммуникатив восита эканлиги ҳақида сўз юритилади.

Мақолада  Сўх  дарёси  конус  ёйилмасида  шаклланган  суғориладиган  тупроқларнинг  кимёвий  ва агрокимёвий  хоссалари,  экологик-мелиоратив  ҳолати  ва  тупроқлари  таснифи  ёритилган.  Тупроқларнинг механик таркиби, генетикавий моҳияти ва систематик ҳолати кўрсатилган. 

Мақолада нутқий тузилмани мулоқот жараёни сифатида ўрганиш натижасида юзага келган дискурс, релевант тушунчалари ва антропонимларни бу тушунчалар билан боғлиқ ҳолда тадқиқ этишнинг афзаллик томонлари баён этилган.
 

Мақолада  ноэкин  ерларда  саноат  хом  ашёларини  етиштиришда  иш  ўринлари  барпо  қилишнинг иқтисодий самарадорлиги тўғрисидаги таклифлар асосланган. 

Мақолада ўзбек тилидаги телекоммуникация терминлари, хусусан, уларнинг ўз ва ўзлашган қатламга мансублиги масалалари ёритилган.
 

Мақолада Ўзбекистон халқ шоири Тўра Сулаймон ҳаёти ва ижоди, шеърий маҳоратига хос жиҳатлар ёритилган. Шоир услубидан ўзига хосликлар ҳақида маълумотлар берилган.

Мақолада Фарғона водийси ҳунармандчилик пирлари билан боғлиқ эътиқодий қарашлар ёритиб берилган. Асосий эътибор Фарғона водийси ҳунармандчилик пирлари билан боғлиқ  эътиқодий қарашларнинг юзага келиши сабабларини  кўрсатиб  беришга  қаратилган.  Ҳунармандчилик  пирларига  доир  бир  қатор  эътиқодий қарашларнинг кўринишлари акс эттирилган. 

Мақолада Асқар Қосимов шеъриятининг ХХ аср ўзбек адабиётидаги ўрни ва аҳамияти таҳлил қилинган. Услубининг ўзига хос жиҳатлари, бадиий маҳорати тадқиқ этилган.

Мақолада Асқар Қосимов шеъриятининг ХХ аср ўзбек адабиётидаги ўрни ва аҳамияти таҳлил қилинган. Услубининг ўзига хос жиҳатлари, бадиий маҳорати тадқиқ этилган.

Мақолада фольклор ва ёзма адабиёт муносабати, хусусан, “Қорасоч” достонидаги оддий ва мураккаб фольклоризмларни аниқлаш, асардаги халқчиллик, миллийлик ва умумтуркий оғзаки ижод намуналарининг аҳамияти, Т.Сулаймоннинг фольклардан ижодий фойдаланиш йўллари ва усуллари, санъаткорлик маҳорати, индивидуал ижодкорга фольклор анъаналарининг таъсири масалалари қамраб олинган.

 Мақолада  Фарғона  вилоят  радиосининг  ташкил  топиш  тарихи ёритилган.  Шунингдек,  унда  Фарғона вилоят радиосида фаолият олиб борган радиожурналист ходимлар ҳамда радионинг ривожига ҳисса қўшган  раҳбар ҳодимларнинг номлари алоҳида таъкидланган. Фарғона вилояти туман марказлари ва қишлоқларини радиолаштириш жараёни ҳамда вилоят  радиосининг моддий-техник  таъминоти  тўғрисидаги  маълумотлар берилган. 

Мақолада ўзбек ва қирғиз тилларидаги фразеологизмлар семаларининг ўхшаш ва фарқли жиҳатлари ёритилган.

Мақолада Қўқон хонлигида  хорижий дипломатик миссияларни кутиб олиш ва қабул маросими маҳаллий манбалар ва хорижий элчиларнинг сафарномалари асосида ёритилган. 

Мақолада  ўзбек ва инглиз маърифатпарварлик даврининг ижтимоий-фалсафий қарашларини тадқиқ этиш, Ўрта Осиё ва Европада миллий озодлик учун кураш, қулликнинг йўқ қилиниши, инсон ҳуқуқларини шакллантиришга қаратилган фикрлар ёритилган.

Мақолада педагогик жараёндаги рефлексиянинг  қисқача таърифи келтирилган. Шунингдек, бўлажак бошланғич синф ўқитувчиларида рефлексив кўникмаларни ривожлантириш учун зарур бўладиган  шарт ва воситалар кўриб чиқилган.
 

Мақолада янги сўзларни ўргатишда  мнемотехникадан фойдаланиш усуллари таҳлил этилган. Қизиқарли ёзув шакллари, графемалар ва  расмлар ёрдамида янги сўзларни ўргатиш йўллари келтирилган.

Мақолада  Ўзбекистон  ҳудудида  давлатчиликнинг  вужудга  келиши,  бошқарув  анъаналари,  шакли  ва услублари, давлат бошқаруви тизимидаги раҳбар кадрларни тайёрлаш ва қайта тайёрлаш жараёнлари, касбий маданиятни шакллантириш масалалари ҳамда уларнинг давлат ва жамият тараққиётидаги ўрни тарихий ва сиёсий-ҳуқуқий жиҳатдан ўрганилиши бўйича яратилган илмий асарлар, тадқиқот ишлари таҳлил қилинган. 

Мақола янги мавзуни тақдим этиш масаласига бағишланган бўлиб, унинг асосий элементлари – баҳолаш мезонлари, ўқитувчининг маҳорати, дарсга тайёргарлиги, талабалар диққат-эътиборини мавзу тақдимотига жалб эта билиши ва унга қизиқиш уйғотиб, дарс давомида назорат олиб бора билиши каби масалалар ёритилган.
 

Мақолада оламнинг метафорик моделини яратишда Чингиз Айтматовнинг бадиий маҳорати ўрганилади. Унда “Асрга татигулик кун” романи мисолида ёзувчининг метафорик ўзига хослиги таҳлил қилинган.

Мақолада Фарғона водийси вилоятларида мустақиллик йилларида оналар ва болалар ўлимининг олдини олиш,  уларни  тиббий  кўрикдан  ўтказиш  ҳамда  оналик  ва  болаликни муҳофаза  қилиш  масалалари  таҳлил қилинган.  

Мақолада истиқлол даврида яратилган драмаларда Амир Темур образининг ўзига хос талқини тадқиқ этилган. Хусусан, О.Ёқубовнинг “Авлодларга васиятим” драмасида Амир Темур образининг тасвирланиши, ёзувчининг тарихий образ яратиш маҳорати ҳақида сўз юритилган.

Мақолада дунёнинг ривожланган мамлакатларида ёшлар сиёсати борасида тўпланган тажриба ва унинг бугунги кундаги ҳолати,  Ўзбекистонда  юритилаётган  ёшлар сиёсатини  янги  босқичга  кўтаришда ривожланган давлатларнинг тажрибасини амалиётга татбиқ этиш борасида сўз юритилади.  

Мақолада бадиий  асардаги қушлар орқали ифодаланган рамзий маъно, хусусан, турна образи таҳлилга тортилган. Турли жанрлар орқали турна образига мурожаат қилган ижодкорларнинг мазкур  деталь ёрдамида ғоявий-эстетик мазмунни кучайтириш маҳорати ўрганилган.

Мақолада  муаллифлар  томонидан  тафаккур  услубининг  тарихий  тараққиёт  босқичлари,  тарихнинг турли даврларига доир мутафаккирларнинг қарашлари қиёсий таҳлил қилинган. Муаллифлар фикрига кўра, тафаккур услуби олимнинг илмий фаолияти билан узвий боғлиқдир. 

Мақолада ўзбек ва жаҳон адабиёти намуналаридаги мусаввир образининг бадиий-эстетик жиҳатлари тадқиқ этилади. Ижодкор шахс –мусаввирнинг эстетик идеал сифатида талқин этилиши, креатив фикрловчи шахс сифатида қаҳрамон руҳий-маънавий оламидаги ўзига хосликлар, инсон ва жамият муносабати масалалари  қиёсий аспектда ўрганилади.

Ушбу мақолада В.А.Абдуллаев, Ҳ.Расул, В.Мирзаевлар томонидан нашрга таёрланган монография ва тўплам китобларда Нишотийнинг Навоий ғазалларига боғлаган таҳмисларидан намуналар келтирилган. Уларни ўзаро асл матн билан биргаликда қиёслаш орқали матний ўзгаришлар ва манбалардаги матнларнинг асосий фарқи фонетик ва лексик сатҳ бирликларида аниқланади.

 Мақолада бугунги ёшларнинг диний ва дунёвий қарашларини янада ривожлантириш, уларнинг билишнинг ақлий, эмпирик, ҳиссий каби турларини яққол тарзда англаб олиши, ҳаётий идеаллик муносабатлари, социал муносабатда  оилавий  бахт-саодат  муносабатларини  шакллантириш,  ёшларнинг  мустақил  фикрлайдиган юксак интеллектуал ва маънавий салоҳиятга эга бўлиб камол топишлари, дунёни нафақат билиш, балки илмий билиш ёшларимизнинг ахлоқий маданиятини юксалтириш омиллари эканлиги ёритилган.

 Мақолада  XX  асрнинг  20-йилларида  Туркистон  ва  Бухоро  Республикаларининг  саъй-ҳаракати  билан иқтидорли ёшларни хорижга юбориш масаласи ҳақида фикр юритилган. Хусусан, бу даврда Германиянинг олий ва  ўрта  махсус  таълим  муассасаларида  ўқишга  юборилган  ёшлар  орасида  Фарғона  водийсидан  бўлган андижонлик  Темурбек  Казбековнинг  шахсияти  ҳамда  фаолияти,  унинг  Германияда  таълим  олиш  даври ёритилган. 

Рус  шоираси,  таржимон  А.Ахматова  ХХ  аср  рус  адабиётининг  ёрқин  намояндаси  ҳисобланади.  Ушбу мақола А.Ахматова ижодида метафоранинг аҳамиятини ўрганишга бағишланган. 

Мақолада Ҳамзанинг “Ўзбек хотин-қизларига” ғазали Амирий ва Фазлий каби салафларининг айни вазн, радиф, қофия ва бадиий санъатлар асосида яратилган ғазаллари билан қиёсан ўрганилиб, унинг Фазлийнинг Амирий ғазалига татаббуси таъсирида ёзилган бутунлай янги асар эканлиги кўрсатиб берилган.