Maqolada davlat, boshqaruv va rahbarlik tushunchalarining mazmun-mohiyatini ochib berish, bularga oid tarixiy-ilmiy qarashlarni ochib berish hamda zamonaviy yondashuvlarni yoritib berish maqsad qilingan. Ushbu maqsad yo‘lida davlat, boshqaruv va rahbarlik tushunchalarining jamiyatni muvofiqlashtirish, tashkil etish, nazorat qilish, tartibga solish, ijtimoiy muhitni saqlash va rivojlantirishdagi o‘rni yoritib berilgangan. Shuningdek, bu boradagi qarashlarning insoniyatning davlatchilik tarixi davomida rivojlanib kelishi, davlat boshqaruvining tuzilishi, shakllari, rahbar shaxsi va uning boshqaruv uslublari, yondashuv xususiyatlari, ularning ijtimoiy-siyosiy hayotdagi ahamiyati bayon qilingan. Ushbu maqolada o‘zaro qiyoslash, tizimlilik, tarixiylik, fanlararo va xolislik tamoyillaridan foydalanilgan.