Maqolada Farg‘ona viloyati etnotoponimlarining qanday asosga ko‘ra nomlanganligi va bunday nomlanishiga qaysi omillar sabab bo‘lganligi haqida fikr yuritiladi. Etnonimlar o‘tmishda Farg‘ona viloyati hududida istiqomat qilgan va hozirgi kunda ham yashab kelayotgan turli elatlar tarkibidagi etnik guruh, qabila haqida ma’lumot bersa, etnotoponimlar bu etnik guruh yashab kelgan o‘rinlar, hududlarni muayyanlashtirish va aniqlashga xizmat qiladi. Shu sababli etnonim va etnotoponimlarni tadqiq etish o‘zbek tilidagi atoqli otlar tizimining shakllanish bosqichlari xususida qimmatli ma’lumotlar beribgina qolmay, madaniyat va ma’naviyatni turli yo‘nalishi bo‘yicha izlanishlar olib borishda muhim ahamiyat kasb etadi. Maqolada etnotoponimlarning atalish motivlariga ko‘ra turlari lingvistik tavsiflash va tasniflash, statistik va etimologik tahlil usullaridan foydalanilgan holda tadqiq etildi.