Maqolada Ashurali Zohiriy faoliyatiga, filologiyaga oid qarashlariga to‘xtalib o‘tilgan bo‘lib, uning o‘z davri tili, matbuoti va adabiyoti borasidagi fikrlari keltirilgan, o‘rganilgan, tahlil qilingan. “Sadoi Turkiston” gazetasida nashr qilingan Ashurali Zohiriy ijodiga mansub “So‘z boshi” deb nomlangan maqolaning asl nusxasi va uning transliterasiyasi ham keltirilgan, u filologlar, tarixchilar, publisistlar, matnshunoslar uchun qimmatli manba bo‘lib xizmat qiladi. Transliterasiya qilingan matnni tadqiq etish orqali o‘sha davr o‘zbek tili xususiyatlari, matn qurilishi, noshirlik tarixi bilan bog‘liq yangi bilimlarni o‘zlashtirish mumkin.