Ikkinchi Jahon urushidan keyingi yillarda soliq sohasidagi kadrlar yetishmovchiligi o‘z navbatida soliq yig‘imi borasida bir qator muammolarni keltirib chiqargan edi. Xususan, hududiy soliq idoralarida faoliyat olib borgan nomutaxassis, o‘rta ta’lim yoki sirtqi ta’limda tahsil olgan yetarli malakaga ega bo‘lmagan xodimlarining soliq yig‘imi ijrosini olib borganligi hamda aholining huquqiy ongining yetarli darajada emasligi sababli, soliq yig‘imini noto‘g‘ri yoki reja bo‘yicha undirilmaslik holatlari ko‘plab kuzatilgan.