Мақолада Тошкент вилояти саноат шаҳарлари аҳолисининг этник тарихи ва таркиби дала тадқиқотлари, адабиётлар ва архив ҳужжатлари маълумотлари асосида таҳлил қилинган. Воҳа аҳолисининг маҳаллий қисми турли этник гуруҳлардан иборат эканлиги, улар тил хусусиятига кўра туркий бўлганлиги, қисман тожик тилида сўзлашувчи гуруҳларнинг яшаганлиги ўлкадаги мавжуд этнотопонимлар мисолида ёритилган. Минтақада европа тилли аҳолининг уюшган ҳолдаги манзилгоҳларининг шаклланиши ХХ аср бошларига тўғри келганлиги, асосий қатламнинг кўчиб келиши эса бевосита ҳудудда саноат корхоналари, турли ГЭСларнинг қурилиши, шунингдек, айрим халқларнинг депортация қилиниши билан боғлиқ бўлганлиги илмий маълумотлар орқали очиқланган.
Саноат шаҳарларининг полиэтник муҳитга эга эканлиги, у ерда аралаш маданият белгиларининг пайдо бўлиши, турли этник гуруҳ вакиллари ўртасидаги оилаларнинг кўпайишига туртки бўлганлиги сўровлар натидажасига кўра асосланган.

Ushbu maqolada O‘zbekiston shaharlari antropologiyasiga oid ayrim tadqiqotlar tahlil qilingan. Unda tadqiqotchilar tomonidan qo‘llaniladigan tadqiqot usullari, muammoga turlicha yondashuvlar va ularning maqsadlari atroflicha bayon etilgan. Shuningdek, shahar muammosini etnologik tadqiq qilishda fanlararo yondashuvning ahamiyati turli sohaga doir adabiyotlarning tahlili orqali ko‘rsatib berilgan.