Maqolada shiralarning parazitlikka xos ayrim xususiyatlari tahlil etilgan. Ularning parazitlikka moslanish bo‘yicha xarakterli belgilari quyidagi yo‘nalishlarda namoyon bo‘ladi: shiralar ozuqa o‘simligi tanasidagi to‘qima suyuqligi hisobiga yashaydi; ekologik omillar shiralarga to‘g‘ridan-to‘g‘ri va ozuqa o‘simligining tanasi orqali ta’sir ko‘rsatib turadi; har qanday ozuqa o‘simligi o‘zida parazitlik qilayotgan shira ta’sirini sezadi va unga biologik qarshilik ko‘rsatadi.

Shiralar ham “ko‘p sonli nasl qonuni”ga muvofiq boshqa parazitlar singari jadal ko‘payish xususiyatiga ega. “Parazit-xo‘jayin” munosabatlar tizimida shiralarning ozuqa o‘simliklaridan foydalanish xususiyatlari ulardagi ekologik moslanishning belgisidir.