Mazkur maqolada O‘zbekiston Respublikasida mahkumlarni ijtimoiy foydali mehnatga jalb etish masalalari tahlil qilindi.  Mamlakatdagi  jazoni  ijro  etish  muassasalarining  maqsadi  jazolash  emas,  balki  qayta  tarbiyalashdir.  Shu  bois, mahkumlarni  mehnat  bozorida  talab  yuqori  bo‘lgan  kasblarga  o‘rgatish,  kasb  mahoratini  oshirish,  bo‘sh  vaqtlarini samarali  o‘tkazish  va  oilalarni  mehnati  bilan  ta’minlash  maqsadida  muassasalarda  ishlab  chiqarish  korxonalari  tashkil etildi.  Shuningdek,  mahkumlarni  mehnatga  jalb  etishning  asosiy  maqsadi  ularda  ijtimoiy  foydali  faoliyat  bilan shug'ullanish  zarurligini  shakllantirishdir.  Mahkumlarning  mehnat  munosabatlari  O‘zbekiston  Respublikasining  mehnat qonunchiligi va Jinoyat-ijroiya kodeksi bilan tartibga solinadi.