Mustamlaka davrida Samarqand viloyati qishloq xo‘jaligi sohalari va mohiyati qaytadan isloh qilindi. Maqolada XIX asr ikkinchi yarmi – XX asr boshlarida Rossiya imperiyasi tomonidan Samarqand viloyati qishloq xo‘jaligi sohasidagi islohotlar, dehqonchilik ekinlariga oid statistik ma’lumotlar va materiallar, ekin turlari va paxtachilik kengayishining qishloq xo‘jaligiga ta’sirlari aniqlandi. Shuningdek, hudud Zarafshon okrugi va keyinchalik Samarqand viloyati deb nomlangan tarixiy davrda ushbu sohada rus ma’muriyati tomonidan amalga oshirilgan o‘zgarish hamda yangiliklar ta’siri baholandi. Shu bilan birgalikda, viloyatdagi ekin maydonlari va hosil miqdoriga oid statistik ma’lumotlar ko‘rib chiqildi.