Мақолада юкланган иккита параболо-гиперболик тенглама учун Трикоми масаласи тадқиқ қилинган. Ўрганилган масалалар ечимининг мавжудлиги ва ягоналиги исботланган.

Ушбу ишда характеристик тўртбурчакда учинчи тартибли псевдопараболик тенглама учун Гурса масаласи тадқиқ этилган. Қўйилган масала ечимининг формуласи ошкор кўринишда Риман усули ёрдамида топилган.

Икки потенциал тўсиқли ўлчамли квантлашган ўрали структурада микрозарранинг ўтиш коэффициенти ҳисобланган ва потенциал тўсиқ орқали ўтиш вақти назарий таҳлил қилинган.

Ушбу мақолада функцияларни ҳисоблаш қурилмалари тезлигини оширишда юқори аниқлик билан ҳисоблаш  масаласи кўпҳадларнинг энг яхши текис яқинлашиш усули орқали кўрилган. Кўпҳадларнинг қуйи даражасини аниқлаш учун Чебишев кўпҳадларидан фойдаланиб, асосий теорема исбот қилинган.

Мақолада йўғон ичак тўлиқ олиб ташланиши оқибатида меъда шиллиқ қавати безли эпителий ҳужайраларида операциядан сўнгги дастлабки даврларда секрет ишлаб чиқарувчи бош ва париетал ҳужайралар фаолиятининг кескин пасайиши, уларнинг секретор қобиқларида ва асосан митохондрияларида содир бўладиган яллиғланиш-деструктив жараёнларга хос ўзгаришлар билан намоён бўлиши ёритилган.

Мақолада нефропатиянинг аёллар соғлиғи учун хатарли жиҳатлари ёритилган.

Мақолада Фарғона водийси шароитида барг устки ёнғоқ шираси (Panaphis juglandis Goeze)нинг экологик хусусиятлари ҳақида маълумотлар келтирилган. Шираларнинг экологик хусусиятлари ушбу турнинг барча морфалари – асосчи,  қанотли тирик туғувчи урғочи, эркак ва тухум қўювчи урғочиларда тўлиқ ўрганилган.

Мақолада Марказий Фарғона ўтлоқи саз тупроқлари кесмасида сувда осон эрувчи тузларнинг уларга фаол таъсир кўрсатувчи омиллар таъсиридаги миқдорий ўзгаришлар билан боғлиқ масалалар ёритилган.

Мақола атроф-муҳит мухофазасини бошқаришда инновацияларни жорий қилиш муаммоларига бағишланган, экологик муаммоларни ҳал қилишда ривожланишнинг инновацион тамойилларини жорий қилиш билан боғлиқ бўлган ишлаб чиқаришни экологиялаштиришнинг асосий йўналишлари кўрилган.

Мазкур мақолада мамлакатнинг ҳудудий ривожланиш тамойиллари ўрганилган бўлиб, иқтисодий тизим аграр муносабатларида маркетингнинг ўрни ва роли кенг ва атрофлича таҳлил қилинган.

Мақолада илк маротаба тарихий манбалар ва адабиётларга асосланган ҳолда араблар истилоси даврида Фарғона водийсида кечган сиёсий жараёнлар тадқиқ этилган.

Мақолада тарихимизнинг энг оғир йилларидан бири,  яъни 1930-1932 йиллардаги қишлоқ хўжалигини ёппасига коллективлаштириш ва унинг оқибатларини очиб бериш, зўрлик асосида қишлоқ аҳолисини колхозларга киритиш, қулоқларнинг синф сифатида тугатилиши, коллективлаштиришга  қарши чиқиш ҳолларини аёвсиз бостириш, сургун қилиш кўрсатиб ўтилган.

Мазкур мақолада ўзбек мумтоз шеъриятида ранг ифодаси масалалари таҳлил этилади. Айнан Навоий оддий рангларнинг ўзаро таъсири ва ёрқинлигига асосланган тасвир услубини яратганлиги ҳамда анъанага новаторларча ёндашиб, ўзбек лирикасида ранг ифодасида ўзига хос анъана яратганлиги тадқиқ этилади.

XIХ асрнинг охири ва ХХ аср бошлари ўзбек шеъриятида қалам сўзи образ даражасига кўтарилди. Дастлаб у шеъриятда бадиий-ғоявий деталь вазифасини бажарган бўлса, кейинчалик шоирнинг ижодий ниятига ҳамоҳанг ҳолда ўз фикр-туйғуларини ёрқинроқ очишга яқиндан ёрдам берди.

Мақолада Фарғона вилояти топонимларининг таснифи, уларнинг аталиш сабаблари ва номланиш тамойиллари ҳақида фикр юритилади.

Ушбу мақолада ўқувчиларга тилни ўргатиш омилларидан бири бўлган ўқув алгоритмларидан рус тили дарсларида фойдаланиш очиб берилган.

Мақолада кутубхоналарнинг ёшлар таълим-тарбиясига ижобий таъсири, ўтган асрда Туркистон матбуотида бу масалага эътибор, бугунги кунда Ўзбекистонда ёшларни билимли қилиш йўлида амалга оширилаётган ишлар таҳлил этилади.

В статье рассмотрены основные методы преподавания, нацеленные на эффективное обучение русскому языку как неродному.

Мақолада ўқитувчиларда педагогик тафаккурни ривожлантиришда педагогик технологияларни қўллаш, дарс самарадорлигини оширишнинг технологиялаштирилган модели таҳлил этилган.

Мақолада саломатликни асрашга йўналтирилган тақдимотларнинг назарий ва амалий натижалари ифодаланган. Валеология фанининг ишчи ўқув дастурлари назарий тахлил қилиниб, соғломлаштириш малакаларининг экспериментал модели ишланган ва амалий тавсиялар берилган.

Мазкур мақолада дин ва дин психологияси ҳамда диндорлар психологиясининг баъзи бир жиҳатлари, дин психологиясини илмий ўрганишда қўлланадиган усуллар, Методларни қўллашда эътибор талаб этиладиган жиҳатлар борасида фикрлар берилган.

Мақолада тартибланган статистикалар чизиқли ифодаси катта сонлар қонунига бўйсуниши учун турли етарли шартлар топилган.

Мақолада ипак йигириш цехи ишчилари юрак фаолиятига муҳит ҳароратининг таъсири ва вақт ўтиши билан унинг физиологик меъёрга қайтиши ёритилган.

Мақолада оилавий бизнесни ривожлантириш - аҳоли бандлигини таъминлаш ва фаровонлигини юксалтириш гарови сифатидаги масалалар ёритилган.

Ушбу мақола диний бағрикенглик тўғрисидаги тасаввурларни таҳлил қилиш ва унинг асосий мазмунини ёритиб беришга қаратилган.

Ушбу мақолада рус тили дарсларида ўқув жараёнини янада такомиллаштиришда вазиятли усулдан фойдаланиш масалалари кўриб чиқилган.

Ушбу мақолада ўқув матн асосида мулоқотли ўқитиш асослари кўриб чиқилган.

Ушбу мақола турли тизимли тилларда универсал табиатга эга бўлган “муболаға” концептуал семантикасини воқелантирувчи воситаларни қиёсий-типологик нуқтаи назардан тизимли ўрганишга бағишланган.