Мақолада учинчи тартибли чизиқлар умумий тенгламасини каноник кўринишга келтириш мумаммоси кўриб чиқилган.

Ушбу ишда кремний кристалл панжарасида марганец атомлари нанокластерларини шакллантириш билан кремнийнинг фотоэлектрик ва магнит хоссаларини тубдан ўзгартириш мумкинлиги кўрсатилган.  Бундай материалларда ёруғлик спектрини сезиш катта тўлқин узунликлари  томонга силжиши ва 1,5 – 10 мкм соҳада гигант фотоўтказувчанлик кузатилди, бундан ташқари, хона ҳароратида аномал тескари магнит қаршилик ва биринчи марта кремний материалида T<30 K ҳароратда ферромагнит ҳолат аниқланди. Шундай қилиб, магнитли ва кўпзарядли нанокластерлар мавжуд кремний замонавий фотоника ва спинтроника учун янги синф материали ҳисобланади.

Мақолада янги контакт тузилманинг хоссалари назарий жиҳатдан тадқиқ қилинган. Бу контакт тузилма асосида яратилган Қуёш элементларининг самарадорлигини ошириш йўллари кўрсатилган.
 

Мазкур мақолада толали оптик датчиклардан фойдаланган ҳолда нефть ва нефть маҳсулотларида олтингугуртни аниқлашнинг оптик-электрон услуби тадқиқ қилинган.
Замонавий нефть ишлаб чиқариш, шунингдек, нефтни қайта ишлаш тармоғи олдида турган вазифаларни ҳал қилишда ушбу услубнинг долзарблиги таъкидланган.

Мақолада тупроқ NaCl билан шўрланганда  унинг таркибидаги цитокинин, ИУК ва АБК миқдорининг ўзгариши, картошканинг ўсиш ва ривожланиш суръатлари комплекс равишда ўрганилди. Тадқиқот ишлари шуни кўрсатдики, NaCl билан шўрланиш таъсири остида бутун онтогенез мобайнида картошка аъзоларининг гормонал мувозанати сезиларли ўзгаришларни бошдан кечиради: цитокинин ва ауксинлар миқдори пасаяди, АБК даражаси эса кўтарилади, натижада цитокинин+ИУК/АБК муносабати пасаяди. Гормонал мувозанатнинг кўрсатиб ўтилган ўзгаришлари стрессга бўлган жавоб натижаси бўлибгина қолмай, балки мослашувчанлик аҳамиятига эгадир. Ўтказилган тадқиқотлар гормонал баланснинг ўзгаришлари ва физиологик жараѐнлар ўртасидаги ўзаро боғлиқликни аниқлаш имконини берди.

Мақолада оқчангал ўсимликлар туркуми кимѐвий таркибини ўрганишнинг қиѐсий таҳлили ҳамда Фарғона вилоятида ўсувчи Nitrariasр ўсимлигининг кимѐвий бирикмалари тадқиқоти натижалари ѐритилган.

Ушбу мақолада турли нефть конларидан қазиб олинаѐтган нефть ва ундан олинадиган нефт маҳсулотлари таркибининг таҳлили натижалари келтирилган.

Ер юзасида тупроқлар эволюцияси тасодифий бўлмасдан, балки қонуният асосида ривожланади. Бу ривожланиш ландшафт тарихи билан боғлиқ. Шунингдек, суғориладиган минтақалар тупроқларининг эволюциясида антропоген омил алоҳида ўринга эга.

Мақолада аллювиал ва соз тупроқларнинг тупроқ сингдириш комплекси таркибининг тупроқ хоссалари ва деҳқончилик хусусиятларини қандай очиб бериши кўрсатилган.  Илк бор тупроқлар томонидан сингдирилган катионларнинг корреляцион алоқалари ҳамда  уларнинг ижобий эканлиги аниқланган.

Мақолада табиатдан фойдаланиш босқичлари ва улар билан боғлиқ бўлган экологик муаммолар, инқирозлар мазмун-моҳияти очиб берилиб, уларни бартараф қилиш йўллари тўғрисида мулоҳаза юритилади.

Мақолада ҳозирги замон давлатчилигида олиб борилаѐтган ижтимоий сиѐсатнинг назарий-методологик жиҳатлари тадқиқ этилган. Шунингдек, ҳозирги давр давлатчилик назариясининг ҳар жиҳатдан илгари сурилган ғоялари талқин қилинган. Мазкур мақолада давлатчилик тўғрисидаги назариялар тарихига ҳам эътибор қаратилган бўлиб, уларда илгари сурилган назарий-методологик концепцияларнинг ҳозирги давр билан боғлиқ жиҳатлари кўрсатиб ўтилган. Элита назарияси, давлатчиликнинг технократик назарияси, плюралистик демократия назарияси, умумий фаровонлик ва ҳуқуқий демократик давлат ҳамда фуқаролик жамияти каби концепциялар шулар жумласидандир. Давлатчилик асослари тўғрисидаги мазкур назарияларнинг ҳозирги даврдаги амал қилиши ва келгусида ривожлантириб борилиши, ўз навбатида, уларнинг назарий-методологик жиҳатларини янада бойитади. Бу эса, ўз навбатида, ҳозирги замон давлатининг ижтимоий сиѐсатида устувор бўлган йўналишларни белгилашда, мавжуд муаммоларни бартараф этишда ва кўзланган мақсадга эришишда муҳим восита бўлиб хизмат қилади.

Мақолада Ислом Каримовнинг “Юксак маънавият – енгилмас куч” номли асари асосида мусиқа санъатининг ѐшлар маънавияти шаклланишидаги етакчи роли, “оммавий маданият”га қарши кураш йўллари ва методлари талқин қилинган.
 

Мақолада қадимги Андижонда урбанизация жараѐнларини тарихий-археологик жиҳатдан тадқиқ қилиш масалалари таҳлил этилади. Сарвонтепа (Тутзор ва Сужоат кўчаларининг кесишмаси) пастки қатламларидан олинган шаҳарнинг эски шаҳар қисми эрта мажмуасининг ўзига хос хусусиятлари асослаб берилади 

Мақолада этник феноменлар муаммоси ва бу масалага ҳозирги этнологиядаги турли ѐндашувлар таҳлил этилади. Муаллиф этник моҳият, этниклик, этник жиҳатдан ўз-ўзини англашга дахлдор концепцияларни таҳлил қилиб, ушбу масала юзасидан ўз фикр- мулоҳазаларини беради.

Мақолада Мусо Тошмуҳаммад ўғли Ойбекнинг бадиий тасвирдаги юксак маҳорати, муаллиф нутқи ва услубининг ўзига хослиги  насрдаги биринчи шоҳ асари – “Қутлуғ қон” романи мисолида қиѐсан тадқиқ қилинган.

Бу  мақола кенг қамровли ва мунозарали масалалардан  бири ҳисобланган ўзбек тилшунослигидаги матншунослик ва матн назариясини  ўрганиш  тарихини  ѐритишга бағишланган.

Мазкур мақолада Эркин Аъзамнинг “Гули-гули” қиссасида қўлланган антропонимларнинг лингвистик ва функционал-семантик хусусиятлари таҳлил қилинади.

Мактабгача ѐшдаги болаларда соматометрик тавсифлари ўрганилди. Олинган натижаларни адабиѐтлар билан солиштирувчи таҳлил ўтказилди. Бундан ташқари катта мактаб ѐшидаги болалар гуруҳи тарбиячилари билан социологик текширувлар ҳам келтирилган.

Ушбу мақолада таълим тамойиллари бошланғич синф она тили ва ўқиш дарсликларини инновацион ѐндашилган ҳолда таҳлил қилиш орқали ўрганилган. Она тили, ўқиш ва одобнома фанлари педагогик нуқтаи назардан таҳлил этилган.

Мақолада  илк маротаба кексалик даврининг ижтимоий-психологик муаммолари, унинг ѐш авлод тарбиясида тутган алоҳида ўрни ҳамда Фарғона водийсида ўтказилган муайян ижтимоий-психологик сўровнинг айрим натижалари келтирилган.

Махсус группа амалларига нисбатан эквивалент бўлган, уч ўлчовли фазода йўллар синфини ифодаловчи матрицали дифференциал тенгламалар системаси тасвирланади.

Мазкур мақолада хоразмлик аллома Маҳмуд Замахшарийнинг асл инсоний хислатлар мажмуасидан ўрин олган илм эгаллаш ва илмли бўлиш фазилатлари ҳақидаги нодир фикрлари таҳлилга тортилган. Мақолада мутафаккирнинг “Навобиғу-л-калим” ва “Атвоқу-з-заҳаб” номли дидактик асарларидаги ахлоқий қарашларидан фойдаланилган.

Барг остки ѐнғоқ шираси- Chromaphis juglandicola Kalt.- Ўрта Осиѐда тарқалган икки ѐнғоқ ширасининг бири-ѐнғоқ дарахтзорлари ва реликт ѐнғоқ ўрмонзорларининг кушандаси. Маълумки, ҳашаротлар у ѐки бу тури, шу жумладан, шира зарарлигини белгилайдиган омил бўлиб унинг биологиясида қатор йил мобайнида барг остки ѐнғоқ ширасининг барча авлодларида биз тизимли равишда кузатганмиз.