Мақолада асбест ўрнига  минерал толаларни ишлатиб, турли композицион маҳсулотларни  олиш натижасида  асбест асосида канцероген  хусусиятли товарлар ўрнига экологик зарарсиз товар олиш усуллари келтирилган.
 

Мақолада Ўзбекистонда ва хорижий мамлакатларда етиштирилган товуқ гўшти таркибидаги меъёрдан ортиқча миқдори инсон саломатлигига жиддий таҳдид солувчи, айрим антиоксидантларнинг масса улушини аниқлаш бўйича бажарилган хромато-масс-спектрометрик тадқиқотларда олинган натижаларнинг таҳлили баён қилинган. Гўшт маҳсулотларини сертификатлашда ушбу методнинг афзаллиги асосланган. Баъзи хорижий мамлакатлардан Ўзбекистонга импорт қилинган товуқ гўшти таркибида альфа-токоферолнинг миқдори маҳаллий паррандачилик фермаларда етиштирилган гўштга нисбатан бир неча марта кўплиги аниқланган.

Mақолада йод танқислигининг келиб чиқиш сабаблари, дунёда ва Ўзбекистонда йод танқислиги ҳолати, уни даволашда ишлатиладиган синтетик ва табиий дори воситалари тўғрисида сўз юритилади. Дори-дармон сифатида ишлатилиб келинаётган озиқ-овқат қўшилмаларидан “Алкоман” озиқ-овқат қўшилмаси ва ундан дамлама тайёрлаш ҳамда истеъмол қилиш ҳақида маълумотлар берилган.

 

Мақолада пиво маҳсулотларининг кимёвий таркибига кўра, уларга хос бўлган, товар ҳолатини белгиловчи физик-кимёвий кўрсаткичлар таҳлил этилиб, мавжуд товар кодларини дифференциялаш ва янги
товар маҳсулотлар учун код бериш мезонларини ишлаб чиқиш ҳамда тайёр пиво маҳсулотларини анализ қилишнинг янги, тезкор усулларини амалиётга татбиқ этиш йўллари келтирилган.