Ushbu maqolada Uchko‘prik tumani shevasi haqida fikr bildirilib, shevalar tilshunoslikning ajralmas qismi sifatida o‘rganilishi, bugungi kunda o‘zbek shevashunosligiga oid tadqiqotlarga biroz bo‘lsa-da kamroq e’tibor berilayotganligi va Uchko‘prik tumani shevasi hali o‘rganilmagan, shevashunoslik ilmi uchun yangi tadqiqot obyekti ekanligi haqida atroflicha fikr yuritilgan. Shuningdek, Uchko‘prik tumani shevasining fonetik va morfologik xususiyatlariga doir ma’lumotlarini tadqiq qilib borish mobaynida, sof milliy so‘zlashuv jarayonidagi o‘zbek tilining turli sathlariga oid dialektik ma’lumotlarni lingvistik jihatdan o‘rganib, o‘zbek adabiy tilining shakllanishi uchun asos bo‘lgan lahjalar tarkibiga kiruvchi sheva elementlarini oddiy xalq va ilm ahlidan olingan ma’lumotlarga tayangan holda, shevashunos olimlarning ilmiy manbaalariga asoslanib yoritib berilgan.