Maqolada badiiy uslubga xos matnlarning o‘ziga xos uslubiy belgilarining namoyon bo‘lishida  lug‘aviy vosita vazifasini  bajargan umumxalq tili birliklarining yozuvchi O‘tkir Xoshimov hikoyalari tilida ishlatilishini tadqiq etish misolida ochib berilgan. Umumxalq tilida ishlatiladigan so‘zlarning badiiy matnda qayta ishlanib, ko‘chma ma’nolarda qo‘llanilishi orqali ta’sirchanlikni yuzaga keltirishi, o‘zbek xalq tilidagi xalqonalashgan chuqur ma’noli iboralar, maqol va matallarning personajlar nutqini individuallashtirish, obrazlilikni oshirish maqsadida ishlatilishi tahlil qilib berilgan.umumxalq tili birliklarining badiiy matnlarda ijodiy qo‘llanib, emotsional-ekspressivlikni oshiruvchi vositalar vazifalarida qo‘llanilishi talqin qilingan.