Maqolada Mirzo Ulug‘bekning “Tarix-i arba ulus” (“To‘rt ulus tarixi”) asarida qo‘llangan onomastik birliklar, jumladan, antroponim, toponim, etnonimlar haqida fikrlar bayon etilgan. Mazkur yodgorlikda saqlanib qolgan tarixiy onomastik leksikonning o‘ziga xos xususiyatlari ochib berilgan. Nomlarning tarkibiy tahlili, etimologiyasiga doir fikrlar bayon etilgan. Onomastik birliklarning qo‘llanish darajasi, statistikasini aniqlash maqsadida statistik metod va ularni katalog (kartochka)larga tushirish hamda sistemalashtirish uchun tasviriy hamda etimologik tahlil metodidan foydalanilgan. Maqola natijasidan olingan xulosalar bugungi kunda soha oldida dolzarb bo‘lib turgan bir qancha muammolarni bartaraf etishda, xususan, hozirda tarkibi va ma’nosi lisoniy tadqiqqa muhtoj sanalgan ko‘plab onomastik birliklarning etnogenezisi, etimologiyasi va lug‘aviy qatlamlarini aniqlashda, ularning nominatsiyasini o‘sha davr nuqtayi nazaridan baholashda, onimlarning ilk shakli va qadimiy variantlari, ular bilan bog‘liq fonetik, leksik jarayonlarni boshqa davr manbalari onomastikasi bilan o‘zaro qiyoslash hamda shu orqali ilmiy xulosalar chiqarishda ahamiyatli hisoblanadi.