Дунё миқёсидаги иқтисодий, ижтимоий ҳамда сиёсий жараёнларнинг ривожланиш жадаллиги кескин суръат билан ўсиб бориши баробарида, халқаро миграция жараёни тенденцияси ҳам ўсиб бормоқда, яъни Дуне миқёсидаги жараёнларнинг ривожланиш жадаллиги, халқаро миграция жараёнининг фаоллашувига тўғри пропорционалдир.
Дунё миқёсидаги савдо-сотиқ, халқаро туризм, спорт ва санъатнинг ривожланиши, иқтисодий ва сиёсий миграция жараёнлари турли мамлакатларда баъзи юқумли касалликларнинг экзотик касаллик сифатида олиб келиниши ва тарқалишига сабаб бўлади. Шундай касалликлар қаторига ўлат, безгак, ОИТС, грипп касаллигининг айрим турларини (А-Н5N1, А-Н1N1), Эбола геморрагик безгаги, вабо касалликларини киритиш мумкин.