Mazkur maqolada O‘zbekiston Respublikasi Oliy Majlisi ish faoliyatini pandemiya sharoitiga moslashtirib, axborot texnologiyalari imkoniyatlarini samarali qo‘llagan holda qonunchilik hujjatlarini qabul qilish va ularning ijrosini nazorat qilish bilan bog’liq faoliyati xususida fikr yuritilgan. Shuningdek, Oliy Majlis Qonunchilik palatasi Mudofaa va xavfsizlik masalalari qo‘mitasining faoliyatining axborot-tahliliy jihatidan ta’minlash mexanizmi shakllantirilganligi hamda Qonunchilik hokimiyati organi faoliyatini yanada ochiqligini ta’minlash, deputatlar korpusi tomonidan amalga oshirilib kelinayotgan ishlarni keng jamoatchilikka yetkazib borish, deputatlar va saylovchilar o‘rtasidagi qayta aloqani yanada rivojlantirish zaruriyati tahlil etilgan.

Maqolada senat qo‘mitalari vazifasi, senat qarorlari va boshqa normativ hujjatlari loyihalarini tayyorlash mexanizmi haqida tushuncha berilgan.  Mudofaa va xavfsizlik masalalari qo‘mitasi Qonunchilik palatasidan kelib tushgan mudofaa va xavfsizlik sohasiga oid qonunlarni dastlabki tarzda ko‘rib chiqish va tegishli takliflarni Senat Kengashiga kiritishni amalga oshiruvchi Senatning asosiy tuzilmasi ekanligi ta`kidlangan. Qo‘mita faoliyatiga doir masalalar yuzasidan davlat hokimiyati va boshqaruvi, xo‘jalik boshqaruvi organlari, boshqa tashkilotlar hamda muassasalar, nodavlat notijorat tashkilotlari, ommaviy axborot vositalari va fuqarolar bilan hamkorlik usullari tahlil qilingan.