Maqolada ijod psixologiyasini ijodkorlarning adabiy-estetik qarashlari orqali tadqiq etish nazarda tutilgan. Unda Nazar Eshonqulning ijod psixologiyasi, ijod va ijodkorlik, adabiyot va badiiy ijodning jamiyat ma’naviy olami hamda ilmiy hayotdagi roli yuzasidan adabiy-estetik qarashlari yoritilgan. Tadqiqotda germenevtik va biografik metodlar, tasviflash, qiyoslash, sharhlash usullari vositasida ijodkor inson – yozuvchining ijodiy tafakkuri, olamni badiiy-estetik idrok etish tamoyillari o‘rganilgan. Salmoqli ijodiy tajribaga ega ijodkor Nazar Eshonqulning ijod tabiati haqidagi falsafasi asosida muallifning ruhiy olami, shaxsiyatiga doir fikr va xulosalar  berilgan. Jumladan, muallif asarlarida tasvirlangan musavvir obrazi va uning badiiy-estetik funktsiyasi, ijodkor inson obrazi tasviridagi uslubiy xoslanish masalalari yuzasidan fikrlar bildirilgan. Shuningdek, Nazar Eshonqulning “Mendan “men”gacha” asaridagi ijod psixologiyasiga doir fikrlar qiyosiy-tahliliy o‘rganilgan. Muallif tomonidan badiiy ijodga berilgan tavsiflar asosida ijod falsafasi sharhlangan. Ijod va  ijodkor inson tabiati, ijodning badiiy-falsafiy asoslari, hayot haqiqatining badiiy haqiqatga aylanish tamoyillari o‘rganilgan.  Jahon adabiyoti namoyandalarining ijodidan tahlillar asosida ijodkor insonning ruhiyatini kashf etish yo‘lidagi izlanishlar tadqiq etiladi.