Mazkur maqolada bugungi kunda butun dunyo miqyosida deyarli barcha soha vakillari tomonidan eng ko‘p o‘rganilayotgan kreativlik tushunchasi va tuzilishi, uning shakllanishi va rivojlanishiga tas’sir ko‘rsatuvchi omillar, kreativlikning jamiyat hayotida tutgan o‘rni, ta’lim-tarbiya jarayonida o‘quvchilarni kreativ fikrlash ko‘nikmalarini shakllantirish zaruriyati hamda tashabbuskorlik hususiyatlariga ega bo‘lgan barkamol avlodni tarbiyalashdagi ahamiyati haqida so‘z yuritiladi. Shaxsda kreativ fikrlashning shakllanishi va rivojlanishiga ta’sir ko‘rsatuvchi omillar falsafiy, psixologik, sotsiologik nuqtai nazardan yondashilgan bo‘lib, mazkur sohada faoliyat ko‘rsatgan yetuk olimlarning va nufuzli xalqaro tashkilotlarning tajribalari va ilmiy izlanishlari natijalarida erishilgan xulosalariga tayaniladi. Shuningdek, ushbu maqolada kreativlik va kreativ fikrlash tushunchalari xorijiy va mahalliy manbalarga tayangan holda atroflicha tahlil qilingan.