Mazkur maqolaning maqsadi interferensiya hodisasini lingvistik jihatdan turli til sathlari doirasida tahlil qilishdan iborat. Tadqiqotni amalga oshirishda lingvistik tahlil, qiyoslash, solishtirish metodlaridan foydalanildi.  Tadqiqot natijalariga ko‘ra, tillar qanchalik bir-biriga yaqin bo‘lsa, ijobiy interferensiya, tillar bir-biriga o‘xshamagan bo‘lsa, salbiy interferensiya yuzaga kelishi ehtimoli yuqori bo‘ladi. Interferensiya tillarning o‘zaro taʼsirida vujudga keladigan jarayon bo‘lib, tilning barcha sathlarida namoyon bo‘ladi, degan xulosaga kelindi.