Mazkur maqolada tilshunoslikdagi “semantika” atamasi va shu nom bilan ataluvchi soha, uning vujudga kelish hamda rivojlanish tarixi haqida so’z yuritiladi. Dunyo tilshunosligi hamda o’zbek tilshunosligida semantika tadqiqida turlicha nuqtayi nazarning mavjudligi masalasiga to’xtalib o’tilgan. Ushbu sohada amalga oshirilgan ishlar,  shuningdek, bu yo’nalishga doir dolzarb masalalar borasida ham ma’lumot beriladi. Semantika va semasiologiya, shu bilan birga, semiotika  tushunchalari, ularning o’zaro munosabati,  umumiy hamda farqli jihatlari ko’rsatib o’tilgan.