XX asr romanlari orasida Asqad Muxtor asarlari hayotni badiiy tadqiq etishning o‘ziga xosligi bilan ajralib turadi. Ikkinchi jahon urushidan keyin badiiy adabiyotda o‘z haq-huquqini tanigan, ancha mustaqil harakat qiluvchi ayol obrazlari yaratildi. Xususan, Asqad Muxtorning deyarli barcha nasriy asarlarida ijodkor yaratgan ayollar obrazi o‘zining shijoati, faolligi, ijtimoiy turmushdagi fikrlarini ochiq aytish barobarida rahbarlik qobiliyatiga ham ega shaxslar ekanligi bilan ajralib turadi. Maqolada “Tug‘ilish” romani asosida davr ayollarining qalb kechinmalari psixologik va psixofiziologik aspektda tahlil etilgan.