Maqolada Samarqandning shimoli-g‘arbida joylashgan Navbog‘tepa yodgorligidan topilgan Qoraxoniylar davriga oid och-kulrang sopol ko‘zalari haqida ma’lumotlar berilgan. Sirlanmagan sopol idishlar orasida och - kulrang yoki bo‘z rangli sopol idishlar mavjud bo‘lib, ular qadimdan an’anaviy yasalib kelinadi. Bu turdagi sopol idishlarXI-XII asrlarga kelib keng ommalashadi, ayniqsa simob ko‘zachalarda yaqqol ko‘rinadi. Och-kulrang sopol idishlar kulolchilik charxida ishlangan sirsiz sopol idishlardan rangi va sifatidan tashqari, ayrim o‘zgacha naqsh uslubi va tiplari bilan ham ajralib turadi.