Мақолада косметик кремларнинг таркибини ўрганиш натижалари келтирилган. Сифатсиз товарларнинг инсон саломатлиги ва мамлакат иқтисодиётига салбий таъсири асослаб берилган. Маълумотлар сифатини аниқлашнинг замонавий органолептик ва физик-кимёвий усуллари ишлаб чиқилган ва божхона амалиётида жорий қилинган.

Метилпарабен косметик маҳсулотларда микробларга қарши курашувчи консервант сифатида
қўлланилади.Метилпарабеннинг меъёрдан ортиши дерматит касаллигига ва дори препаратларига юқори
сезувчанликка сабаб бўлади. Парабенлар концентрациясини аниқлашнинг тез ва самарали усули‒ юқори
самарали суюқлик хроматография усули ишлаб чиқилди. Метилпарабенни ажратишда Supelco C18, 150 х
4,6 мм (5 мкм) ва BDS Hybersil C8 150х4.6 мм (5 мкм) колонкаларидан фойдаланилди. Метилпарабеннинг
юқори ютилиш спектри 254 нм. Кремлар ацетонитрил эритмасида 25 дақиқа давомида ультратовушли
ваннада экстракция қилинди. Олинган натижалар косметик кремлар таркибидаги метилпарабеннинг ДСТ
га мувофиқлиги тез ва самарали усулда аниқланганлигини кўрсатди.