Абдулла Ориповнинг бадиий ижоди мавзу-масалаларига кўра ғоят бой. Ишқ-муҳаббат ва ҳижрон изтироблари, Ватанга муҳаббат ва фарзандлик бурчи, миллат тақдири учун жон куйдириш, ўз халқи билан фахрланиш, миллий ғурур туйғулари, аёлга, онага бўлган ҳурмат ва меҳр-муҳаббат юксак маҳорат билан куйланади. Халқ ва Ватан манфаатлари она табиат ва маънавият сингари муаммолар шоир шеъриятида
муҳим ўрин тутади.