Нуклеофил реагентларнинг карбонил гуруҳига мансуб бўлган углерод атомига бирикиши фундаментал реакциялардан бири ҳисобланиб, катта қизиқиш уйғотади, чунки у кимѐвий ва биокимѐвий жараѐнларда анча аҳамиятга эга. Органик реагентнинг таутомер ҳолатлар мувозанати, функционал гуруҳларнинг реакцион қобилиятини белгилайди. Реагентларнинг таутомер ҳолатлари реакцион қобилиятини ўрганиш кейинги изланишларни амалга оширишда муҳим аҳамият касб этади. Бундан ташқари, таутомер ҳолатлар мувозанатига ўринбосарлар ҳамда реакцион марказлардаги атомларнинг эффектив зарядлари таъсирини ўрганиш долзарб масала, деб ҳисобланади.

Бетулин ва унинг ҳосилаларини назарий ўрганиш муҳим аҳамият касб этади. Сабаби, математик моделлаш программалари бетулин ва унинг ҳосилалари учун структура-спектр-хусусият (хосса) каби ўзаро боғланишларни сифат ва миқдорий жиҳатдан ўрганиш имконини юзага чиқаради. Назарий изланишлар натижасида бетулиннинг ҳали синтез қилинмаган, юқори биологик фаолликка эга бўлган ҳосилаларини аниқлаш мумкин.

Мақолада полисахаридлар биологик фаоллиги жуда кенг доирада намоѐн бўлувчи полимерлар экани ѐритилган. Улар инсон организмидан заҳарли моддаларни, ортиқча холестерин, оғир металлар, радионуклидларни чиқариб юборишга ѐрдам беради ва зарарланган ҳужайраларни тиклаб, эркин радикалларнинг ҳосил бўлишига йўл қўймайди, иммун тизимини тиклайди. Тиббиѐт соҳасида полисахаридлар асосида реополиглюкин, полиглюкин, гепарин, мукалтин ва бир қанча биологик фаол қўшимчалар яратилган.