Ushbu  maqolada  Rossiya  imperiyasining  XIX  asrning  ikkichi  yarmi  –  XX  asr  boshlaridagi  Turkiston  o‘lkasida imperiya  hukumati  tomonidan  o‘lkani  boshqarish  uchun  tayinlangan  rasmiy  amaldorlar  foaliyatiga  alohida  to‘xtalib, ularning  o‘lkadagi  yer-suv  munosabatlariga  oid  olib  borgan  siyosati  ochib  berilgan.  Shuningdek,  Turkistonda  yer-suv munosabatlari, xususan, yer va mulkka egalik qilish, suv manbalari hamda sug‘orish tizimini imperiya manfaatlariga mos xolda tartibga solish borasida tashkil etilgan maxsus ishchi va taftish komissiyalarining o‘lkadagi faoliyati hamda ularning natijalari  haqida  ma’lumotlar  berib  o‘tilgan.  Mazkur  maqola  davr  manbalari  hisoblangan  arxiv  xujjatlari,  statistika ko‘mitalari  ma’lumotlari,  taftish  komissiyasi  hisobotlari hamda  turli  davrlarda  mavzuga  oid  olib  borilgan  tadqiqot ishlari tahlili asosida yoritilgan.