Mazkur  maqolada  Rossiya  imperiyasi  istibdodi  davrida  Turkistonda  yer-suv  munosabatlarida  olib  borilgan mustamlakachilik siyosati  jadidchilik  yo‘lboshchisi  Ismoil  Gasprinskiy  va  uning  “Tarjimon”  gazetasi  materiallari  asosida yoritilgan.  Maqolada  shuningdek,  Turkistonning  ilk  matbuot  nashrlaridan  “Taraqqiy”,  “Tujjor”  va  “SHuhrat”  gazetalari materiallaridan ham foydalanilgan. Maqoladagi fakt va ma’lumotlar tarixiylik tamoyiliga asoslangan holda tadqiq qilingan. Tadqiqot jarayonida mikrotarix, miqdoriy, tizimli, kontent tahlil va muammoviy-xronologik usullardan foydalanilgan.